YOHANET 14:15 - Ala Ane Wene Ket Mene Warogo Wo'ninapike Wene

¹⁵ At Yesùt en wene atì'nogo warisasikesik he, wene aike mel yogoisasike: “Hit an hinetaùken hutik halok he, an nen hit yì'nogo hagatì logoino, tì'nogo hagatì logoino, ìlùk yogohisìkì lagì mene atì hagatì logogun o.

YOHANET 14:15 ပူးပေါင်းရင်းမြစ်များ

MATÌÙT 10:37

Nen, an he, hinabìt negen akìkì logolìk he, hinopase hinagosalak hinetawì welagep halok he, an nagoromì asusak lek o. Nen, an hinabìt negen logolìk hinagainapùrì mel, hina'logomì mel, hinetawì welagep halok he, an nagoromì asusak legat o.

YOHANET 8:42

at en he, mel yogoisasike: “Hit he, eberogoat hinopase Ala logoilepma re, an nabusak na'la nen kagalogo wagagi hùk. We, nebe ero Ala mane, at en lakhani wagaikomo wagagisik welagì atì nen he, an nebe hinetawìrogo logoilep o.

1 KORÌTÙT 16:22

At aike nen, ninoe Etagepogot etawì lek halok he, Ala nen at atì ebe homan houak o. Mene re, ninoe Etagepogot hepok eme o, u hak, Maranatha, ìlùk ìgì atì.

KALATIA 5:6

Atì nen he, nit Karìsùt Yesùt ninom hutik logolìk, ninogat ninekalìma mene palek mene lek, it aike pale'lek mene lek, ninom higit welago. Halok, atì hesik penesusak lek. We, esin he, ninetaùken Karìsùt oba hìpìrìk logolìk, apùnì aike ninetawìrinaporek atì ba enagat arì'logo.

EPESÙT 6:24

Hit ninoe Etagepogot Yesùt Karìsùt kopologo hebìgì'lek, hinetawì motok logogun mene hùgì obogat, Ala oabùt hano a'nogo nen hakhisek logouak o.

1 PETERÙT 1:8

Hit en alebat, at ebe hineileken hìgì'lek meneat he, ebe hinetawì welagep atì. Atì'nogo logolìk, yogotak ya hineileken hìgì'lek meneat he, hina'la nen, “Hobuk hano motok haga'ninabigin,” ìlùk hinane ba nìkì'nogo pìlìngìrogo u heat logolìk, hina'la hai apik hakìkì lagep atì.

2 YOHANET 1:6

Nit-nit netawì-hetawìrogo logousak atì ebe re, wene Ala nen ninasuk wasike wene a'nogo higit hogo hagatì logousak atìat o. Wene ninasuk wasike atì re, ebe yì: “Hit-hit netawì-hetawìrogo hagatì logoino,” ìlùk ero ba nen ninasuk wasikomo holhugu atì hagat hagatì logousak o.