YOHANET 14:13 - Ala Ane Wene Ket Mene Warogo Wo'ninapike Wene

¹³ Nen, at sa nen, yì mene tì mene an netage palogo Ala kìno yogote halok he, an aput en hagatenem, it apùnì nen nopase hogorasuagalùk, an nen hagasigin o.

YOHANET 14:13 ပူးပေါင်းရင်းမြစ်များ

MATÌÙT 21:22

Nen, hit yì mene tì mene Ala kìno yogotì logolìk hinetaùken at oba hìpìrethegep halok he, wokhisegeinat, o,” ìlùk yogoisasike.

MATÌÙT 7:7

Atì'nogo yogoisasikesik aike mel yogoisasike: “It apùnì inebe lopok en Ala kìno yogotenem he, at en inebe lopok wogisikerek enek atì. Nen, it aike inebe lopok en yì mene tì mene at oba heratenem he, inebe lopok herakagarek enek atì. Nen, it aike inebe lopok en kwe ane papagathikenem he, at en inebe lopok kwe hùrisikerek enek atì. Atì nen he, hit he, Ala kìno yogotì logoino. Yogotì logoumo, wokhisegeinat o. Hano mene at oba heratì logoino. Heratì logoumo herasugunat o. Nen, kwe ane papagathìkì logoino. Papagathìkì logoumo re, at en kwe hùthikegeinat o.

MAREKÙT 11:24

Atì'nogo hagaterek atì nen he, hit en yì mene tì mene Ala kìno yogotì logolìk, hina'la nen, Arat wo'nisikomo, ìlùk akegep halok wokhisegeinat o, ìlùk yogohisìgì.

LUKAT 11:9

Ati hak, an wene aike yogohisak. It apùnì inebe lopok en Ala kìno yogotenem he, at en inebe lopok wogisikerek enek atì. Nen, it aike inebe lopok en yì mene tì mene at oba heratenem inebe lopok he, herakagarek enek atì. Nen, it aike inebe lopok en kwe ane papagathikenem he, at en inebe lopok kwe hùrisikerek enek atì. Ati nen he, hit en Ala kìno yogotì logoino o. Yogotì logoumo wokhisegeinat o. Hano mene at oba heratì logoino. Heratì logoumo, herasugunat o. Kwe ane papagathìkì logoino. Papagathìkì logoumo, at en kwe hùthikegeinat o.

YOHANET 10:30

Nopase neperak ninebe re, omakeat o,” ìlùk yogoisìkì lagaikomo,

YOHANET 12:44

It atì'nogo hagatì lagaukwa meneat he, at Yesùt en ane hùkorogo mel yogoisasike: “At sa nen etaùken an noba hìpìrethegein halok he, an noba hìpìrethegein hùk. Lek o. We, an lakhani wagaike mene a'nogo oba etaùken hìpìrethegein o.

YOHANET 13:31

At Yùrat atì'nogo arat wùlìpikomo logolìk, at Yesùt en he, mel yogoisasike: “Nagoromì. An abat ta'lasi wagagi a'nogo Ala nen esinethanhenem, apùnì nen Ala hogorasugun oba yogotak arat asi waga o.

YOHANET 14:14

Atì'nogo hagasigin atì nen he, hit en yì mene tì mene an netage palogo kìno yogonetì logoino. Atì'nogo kìno yogonetep halok he, an nen hagasigin o,” ìlùk wene warisasike.

YOHANET 14:6

at Yesùt en he, mel yogosike: “Kwe mel, ebe wene mel, inelugurinapìrek mel, atì an nebeat o. At sa nen an noba wagì'lek halok, nopase were'ma pìkìt kusak motok mea o,” ìlùk yogosikesik,

YOHANET 15:16

Hit en an wena'napigip hùk. We, an nen hit wenakhinapigi atì, e eken ìterek atì hak, motok logogin mene hagasi loageip en ìlùk, hinebe wenakhinabìk menhikasigi. Atì nen he, we, nena mene, hit walok mene an netage palogo nopase kìno yogosugun halok he, at en wokhisegeinat o.

YOHANET 15:7

Hit an ninom hutik logolìk nane hina'la werek halok, we, nena mene hit walok mene an kìno yogonesumo wokhisamo helogoinat o.

YOHANET 16:23

Hùlì atì hùlì arat asi lìlìk he, hit en wene aike an noba hinok wo'neogoin motok lek o. Halok, an nen wene aike yogohisak: Hit en yì mene tì mene an netage palogo nopase kìno yogosugun halok he, at en wokhisegeinat o, ìlùk eberogoat yogohisìgì.

YOHANET 16:26

Hit en he, Yesùt ebe Ala were'ma nen wagaike mene, ìlùk, hùthanhì logolìk, hinetawì'napigip atì nen, nopase nen hit etawìthinaperegat o. Hit hesik an nen nopase kìno yogosigin ìlùk yogohisìkì lagì lek o. We, o atì sat he, hit hinokawerek en an netage palogo nopase kìno yogosugun o.

YOHANET 16:7

an nen wene ebe pak hogo yogohisak o. An legein lek logoilepma re, at hit lebethisìkì logogin mene atì hinoba we'lep lek meneat he, an legein atì nen, at atì an nen hinoba lakhei wesigin o. Halok he, an legein atì nen, hit hesik hano motok asigin, ìlùk eberogoat yogohisìgì o.

YOHANET 4:10

at Yesùt en he, mel yogosike: “Ala oabùt hano nen welegat oko lek wogisikerek mene atì mel, nen an nen, I aike hinagasogo wo'nom, ìlùk kìno yogohetì atì, nebe mel, hùthanilenma, hat en i aike kìno yogonetenem, an nen i inelugurinaperek mene eberogoat wokhe'le o,” ìlùk yogosike.

YOHANET 4:14

i an nen wogisamo niko halok be, it ina'la nen i elesi hake huluk-huluk palogo wùlùpo motok logogin atì nen he, ineluk motok logolìk, it hobuk i nele aga logogun motok lek o,” ìlùk, yogosike.

YOHANET 5:19

Weim abok atì'nogo isukwama, at Yesùt en he, ap amanogo wene yì'nogo yogoisasike: “Yì mene tì mene an nopase nen hagatenem neileken hìgì'lek, we, an na'la nen kagalogo hagasusak mea atì nen he, an nopase hagaterek meneat higit hogo hagatì lagì o, ìlùk eberogoat yogohisìgì.

YOHANET 7:37

Wene atì'nogo isukwasik oba nen, pesta a'nogo elùgùn kobok nikenem, Yesùt ebe melagaikesik, ane hùkorogo mel Yogoisasike: “Sa nen i nele halok, an noba na wesusak o.

1 KORÌTÙT 14:13

It aike inane an nokot mene ba elalinat sapan ìkì logolìk he, netaùken oba nen ìkì lagì meneat he, ebe hùthìkì lagì motok lek atì nen he, at aike nen it aike inane okot mene ba elalinat ikerek mene atì nen ìkì logolìk he, “Ala Nopase. Inane inokot mene atì an nokawerek nane ba higit hogo yogoisìkì logoik en he, hat Hareagùn nen inoabùt wogisikerek a'nogo mene aike wo'nesuak o,” ìlùk sapan ìkì logouak o.

EPESÙT 3:12

Nit ninetaùken at oba hìpìrethìlìk, at ninom hutik logolìk, ninayù'lek hogo ninetaùken hapuk hogo Ala oba kusak atì.

EPESÙT 3:14

Ati nenat, an Ninopase eilhanem neitep awì yagasogo ayoko hìkì lagì.

PILIPI 4:13

At Karìsùt en nomame'napo kolek nogo nen he, yì mene tì mene weak aganem inom, hano aganem inom, elok logousak enek.

KOLOSE 3:17

“Ninopase Ala nen wo'nisikerek atì, ebe Yesùt enat wo'nisikerek o,” ìlùk, Ala hai watì logolìk, “Ninoe Etagepogot Yesùt awe a'ma logolìk hagatì lago,” ìlùk, yì mene tì mene obogat hagasuogolùk, hinane yì hesik tì hesik uogolùk, at Yesùt etage palogo hagatì logoino o.

IBERANI 13:15

Atì nen he, at Yesùt ninom hutik logolìk, nit en he, “Ala nopase,” ìlùk wam warogo at hesik wogotì logou hak, ninhùkwe-nanhùkwe ninape ba Ala etage hùkorogo hogorato motok logouok o.

IBERANI 4:15

Nit ninoe kain Ala esewerek welagarek atì re, nit ninomame lek mea atì, at okot hùk o. At nit ninoabùt wanhikesik were'ma, nit weak hagasuagalùk nina'la kagalherek atì hak, at atì'nogoat yì hesik tì hesik a'la kagali waga lagaike meneat he, at weak aike hagatì'lek logolìk ninoabùt elu o.

IBERANI 7:25

Atì'nogo eluk motok logolìk, nit apùnì hesik Ala kìno yogoto motok welagarek atì nen he, nit Ala were'ma kuogolùk at oba ha'larìk kikenem elok telninabìk katok hogo hano haga'ninabigin atì.

YAKOBÙT 1:5

Mene re, at Ala oabùt hano nen apùnì obogat etawì logolìk wenagisìgì'lek wogisikerek atì nen, hit aike hina'la kagale'lek halok, at kìno yogosumo hina'la kagaliginat o.

YAKOBÙT 5:16

Atì'nogo hagasigin atì nen, hit aike hinoba ou mene se asuageip en he, weak hagatep mene hit-hit hukal-hukal ìkì logolìk sapan ìkì logoino o. It apùnì Ala a'la walok akikerek mene higit hogo hagatarek mene nen sapan eberogoat ning hogo ugun atì, omame apik were'ma re, Ala nen hagarinabiginat o.

1 PETERÙT 2:5

Atì'nogo hesikomo, hit hinebe helep eluk welagarek atì mene hake logolìk, at oba we'no o. At oba waganem, Ala nen he, at okawerek awì wùrogo hikoak. At awì wùrì'mo, hinebe Ala eseweregat Yesùt Karìsùt hinom hutik logolìk, Ala a'la hanorogo ako waretì logou hak, hinetaùken wogotì logoino o.

1 YOHANET 3:22

at en wene ninasuk wasike wene higit hogo hagatìk, at eilhanem a'la hanorogo nek hagatìk, ìkì lago atì nen, nit yì mene tì mene kìno yogotenem, at en wo'nisìlì'logo.

1 YOHANET 5:14

Nen, nit yì mene tì mene Ala a'la walok akikerek mene higit hogo, at en wo'nisoagalùk kìno yogotenem ninane asuk holheregat atì, ìlùk hùthìlìk, at eilhanem ninayù'lek hogoat kìno yogotì logousak o.