YOHANET 14:10 - Ala Ane Wene Ket Mene Warogo Wo'ninapike Wene

¹⁰ An nen nopase neperak hutik, nen, nopase nen an neperak hutik, welagorek atì, hat hùthìkì lagen lek a?” ìlùk yogosikesik he, it obogat yogoisìkì logolìk, “An nen wene yogohisìgìrek atì, an na'la nen kagalogo yogohisìgìrek hùk. Lek o. We, an nepase neperak hutik logolìk, an nane ba nen ìgìk, neki ba nen hagatìk, ìgìrek mene atì, at okawerek enat hagarì'logo o.

YOHANET 14:10 ပူးပေါင်းရင်းမြစ်များ

YOHANET 5:19

Weim abok atì'nogo isukwama, at Yesùt en he, ap amanogo wene yì'nogo yogoisasike: “Yì mene tì mene an nopase nen hagatenem neileken hìgì'lek, we, an na'la nen kagalogo hagasusak mea atì nen he, an nopase hagaterek meneat higit hogo hagatì lagì o, ìlùk eberogoat yogohisìgì.

YOHANET 10:38

Meneat he, an nen hagato kolegat, hit eberogoat ìlùk hinetaùken an noba hìpìrethousak hinabìt atì o. Atì'nogo hagatesep atì re, an nen nopase neperak hutik, nen at en an neperak hutik, welagorek atì, hinelu arìk en eberogoat ìlùk hùthoageip en he, an hagatì lagì mene atì eberogoat ìlùk hùtheni o!” ìlùk yogoisìkì lagaikomo,

YOHANET 12:49

an na'la nen kagalogo yogohisìkì lagì hùk. Lek o. We, an nen yogohisoagalùk an nopase lakhani wagaike mene a'nogo nenat, Yì'nogo in, tì'nogo in, ìlùk yogoneto kolegat yogohisìkì lagì o.

YOHANET 10:30

Nopase neperak ninebe re, omakeat o,” ìlùk yogoisìkì lagaikomo,

YOHANET 8:28

Atì'nogo hùthìgì'lek werek kolek, at en he, mel yogoisasike: “An abat ta'lasi wagagi a'nogo, hit en an nebe e ba menhanugun atì sat, hit en he, Esok motok welagarek mene a'nogo ebe yìat o. At en wene yogonisìkì logolìk he, a'la nen kagalogo ìgì'lek. We, at opase nen yakùleterek mene nek yogonisìkì lagama, ìlùk, hinelu asugun o.

KOLOSE 2:9

Mene re, Ala ebe abireke motogat Karìsùt a'la were'ma, apùnìat ta'lasi wagaikesik welagaike atì.

YOHANET 17:8

Wene hat en yogonesigin mene amanogo, it arat yogoisigima, arat wanhasik, an hesik ìkì logolìk he, Ala nen lakhei wagaikomo, at were'ma nen eberogoat wagaike, ìlùk inelu agaikasik he, nebe hùthanha o.

YOHANET 5:17

Atì'nogo isukwa meneat he, at Yesùt en mel yogoisasike: “An nopase eki aike kamo ìgì'lek, o yogotak yì inomat hagarinapo motok welagarek atì hak, an atì'nogoat hagarinapo welagì o,” ìlùk yogoisasikomo,

1 YOHANET 5:7

Yesùt atì Karìsùt at o, ìlùk, apunì inebe 3 nen inane omakeat mene hukalogo u hak he, Ala Areagùn nen hukalhìk, Yesùt ebe ima pelapukwa atì ba hukalagìk, amep wulagasogo wasukwa atì ba hukalagìk, hukalogo weinam agaike atì.

2 KORÌTÙT 5:19

Wene ninoba hesike atì ebe re, mel. At Karìsùt ebe hùlìsanem logolìk hagasike atì ba, Ala nen yì apùnì tì apùnì obogat at okawerek inom lapuk hogo hinasike. At en atì'nogo hinìkì logolìk, nit apùnì nen weak hagatorek mene ùkùm ninoba hìgì'lek sagalogo heraksasike atì. At en atì'nogo hagasike wene atì nit en yogoisìlìk nìkì logouagalùk ninoba hesike.

YOHANET 8:38

An he, nopase neperak logolìk neileken hìkì lagagi meneat yogohisiko kolek, hit enek he, hinopase a'nogo nen ikerek mene ane hologo hagatì lagep o,” ìlùk yogoisasike.

KOLOSE 1:19

At Ala nen, “An na'la walok he, an noabùt nesok motok welagìrek atì hak, an naput atì'nogoat neperak higit motogat logouak o,” ìlùk, a'la akasike higit hogoat welagarek.

YOHANET 14:20

Atì'nogo hinoileken neogoin atì sat, an nopase neperak hutik welago, nen, hit an ninom hutik, nen, an hit ninom hutik welago mene atì, hinelu asigin o.

YOHANET 7:16

at Yesùt en he, mel yogoisasike; “An nen wene yakùlhisìkì lagì atì, an na'la nen kagalogo yakùlhisìkì lagì lek meneat he, at an lakhani wagaike mene a'nogo nen yogoneto kolek yakùlhisìkì lagì o.

YOHANET 8:40

Mene re, an wene ebe wene Ala nen ikenem nasuk holhigi meneat yogohisìkì lagì meneat he, hit en an nebe noasuogolùk naweim kabelhì lagep atì hak, at Aberaham en atì'nogo hagatì lagaike lek meneat hagatì lagep o.

YOHANET 11:26

Nen, apùnì ineluk logolìk inetaùken an noba hìpìrethagarek mene hùgì, inebe lopok wa'lagì'lek ineluk motok logogun o. Wene atì eberogoat ìlùk hùthegen a?” ìlùk yogotì lagaikomo,

YOHANET 3:2

At ap atì o hùako ineki aike sapùl Yesùt oba wagaikesik he, mel yogosike: “Noe. Ap aike Ala eperak hutik lek halok he, hat en elalin mene hagarìk nìkì lagen atì hak, hagasusak motok mea. Atì nen he, hat en wene yakùlnisoagalùk Ala nen lakhagei wagama wagen ìlùk ninelu aga,” ìlùk yogosike.

YOHANET 14:11

An nenat nopase neperak hutik, nen, nopase nen an neperak hutik, welagorek ìgì atì, eberogoat ìlùk, hit hùtheni o. Atì hùthasak mea halok he, an hagatì lagì mene atì hineileken hìlìk, hùthanini o.

YOHANET 14:24

Nen, at sa nen, an etaùken hutik lek halok he, an nane hologo hagaterek lek atìat o. An nane hit holhì lagep atì re, an nane mene hùk. We, an nopase lakhani wagaike mene a'nogo ane o.