YOHANET 13:8 - Ala Ane Wene Ket Mene Warogo Wo'ninapike Wene

⁸ at Peterùt en he, mel yogosike: “Noe Hat en an nesok obakwe sobalnabusak motok lek o!” ìlùk yogotì lagaikomo, at Yesùt en he, mel yogosike: “An nen hat sobalhabusak lek halok he, hat hebe an esewerek logogin lek o,” ìlùk yogotì lagaikomo,

YOHANET 13:8 ပူးပေါင်းရင်းမြစ်များ

MATÌÙT 16:22

Atì'nogo yogoisasikomo at Peterùt en he, Yesùt wolok alepma lagaikesik mel yogosike: “Hat wene egen atì hagathabinogo nen he, Ala nen telhabuak o,” ìlùk asuk wasike.

MATÌÙT 21:29

Yogosikomo, at aput a'nogo nen he, Ì o, nopase, isike meneat he, yabu ebe hagasi lagì'lek kamo isike.

MATÌÙT 26:33

at Peterùt en he, “It obogat herakhagalùk pùgùlha halok he, an enek he, herakhagalùk hese wùlìbigin motok lek o,” ìlùk yogosikomo,

MATÌÙT 26:35

at Peterùt en he, “Lek o. An neperagat ninoasumo re, hanoat o. An nen, Hat nokot o, ìlùk, labeligin lek o,” ìlùk ikenem he, it Yesùt agoromì ane wanhì lagaukwa mene amanogo he'nakìt obogat en he, atì'nogoat ìlìk lagaukwa.

YOHANET 13:6

Atì'nogo hagarìk laga lagaikesik, hùlì at Simon aike etage Peterùt a'nogo oba asi waganem he, at en he, mel yogosike: “Noe, hat Hetagepogot en an nesok obakwe sobaligìlùk? Mea o,” ìlùk yogotì lagaikomo,

YOHANET 13:9

at Simon Peterùt en he, mel yogosike: “Atì halok he, noe. Nesok obakwe nek sobalnapùn o. Neki mel, nùkùloak mel, obogat sobalnabin o,” ìlùk yogosikomo re,

YOHANET 3:5

at Yesùt en he, mel isike: “Apùnì i ba mel, Ala Areagùn nen mel, taginapì'lek halok, Ala nen awe a'ma hisikere'ma atoma kugun motok lek o, ìlùk, nane eberogoat yogohetì lagì.

LAKSASIKE 22:16

Mene re, hat yogotak aregenma logousak lek. Hebe mel arìk he, hat weak hagatì lagen mene Ala nen sobalhapìk, it aike nen ima pelakhapìk, uak en he, Yesùt etage palogo Ala ayoko heino, ìlùk yogonesike,” ìlùk yogoisasike.

1 KORÌTÙT 6:11

Alebat hit aike atì'nogo hagatì lagagip meneat he, yogotak he, Ala nen hina'la hano sobalogo hikasikesik, hinebe at okawerek hesik hakasikomo welagep o. Ùkùm hinoba welagaike mene atì, ninopase Ala Areagùn nen ninoe Etagepogot Yesùt Karìsùt etage ba, korogo wokhasikesik Ala hinom lapulogo hikasikomo welagep o.

EPESÙT 5:26

At Karìsùt en atì'nogo hagasike atì re, nit Ala againapùrì obogat ninebe ninoba ninagapùt lek, ninogat pulongsek lek, hano logou hak, at eilhanem ùkùm ninoba lek, hano motok tegelek logouagalùk, ninebe ima pela'ninapenem, at ane a'nogo ba, sobalogo hinìlìk, at okawerek hesik hakagalùk ebe wa'lagaike atì.

KOLOSE 2:18

Nen, it aike nen he, inoabùt inesogat logolìk hohogomat hogorakìkì logolìgat he, mel egarek atì: “Nit apùnì ninebe kepù. We, kaintek he, malaikat Ala nen yoko pelaksa wagarek mene atìat. Halok he, inawe a'ma logolìk hogorinapì logousak, ìlùk an nabìkakan hìgìrek mene nen yogohisìkì lagì atì,” ìlùk inapeliagat Karìsùt hinom hutik mene wulakhikùogolùk yogohisìlì'lùgì atì, “Eberogoat,” ìlùk hina'la akagùp o.

KOLOSE 2:23

It atì ineram enat apùnì yogoisìkì logolìk he: “Malaikat inawe a'ma logolìk hogorinapìk, hina'la nen he, Nebe kepù, ìlùk ìgìk, inetaùken hano asuagalùk, ineki inesako ineilha palagarek hak, inogat oba wiik-weak hogo hagatìk, ìkì logousak o,” ìlùk wene ina'la kagalek hano salek yogoisili'lugi atì. Mene re, inoba aiyage lagaikenem, wene atì ba nen inetaùken sebelusak mea o.

TITUT 3:5

Atì'nogo weinam agaikesik, Ala Areagùn nen nina'la sobalogo ninebe ket mene ta'ninapìk, ninoabùt hùnogoat haga'ninapìk, isike atì re, nit ninokawerek en ninoabùt higit hogo hagatì lagagu ba haga'ninapike hùk. We, ninebe at enat etawì'ninapikesik telninapike atì.

IBERANI 10:22

At ebe atoma were'ma, nit nina'la nen he, “Nit weak hagato,” ìlùk nina'la wenesùgì ebetorek mene hano ho'ninapìk, ninogat obakwe i elokoken hano mene ba sobalninapìk, isike atì nen he, ninetaùken omakeat at oba hìpìrethìlìk ninayù'lek hogo, at oba horok hogo kìkì logouok o.

ABÌKAKAN 7:14

Hinok atì'nogo wo'niikenem, an nen he, “Noe, an nokot. Hat enek he, helu welagen o,” ìlùk yogotenem, at en he, mel yogonete: “It apùnì yoma re, o kweangma were'ma apùnì aike nen yì aik tì aik apik hagarinapenem, Ala nen telinapikomo, inasu Topa Eak amep oba arat kut motok sobalega mene o.