YOHANET 13:34 - Ala Ane Wene Ket Mene Warogo Wo'ninapike Wene

³⁴ Atì'nogo yogoisasikesik, wene aike mel yogoisasike: “Hit en hagatì logousak mene wene ket mene aike yogohisak: An nen hit netawìrogo welagìrek atì hak, hit atì'nogoat, hit-hit netawì-hetawìrogo hagatì logoino o.

YOHANET 13:34 ပူးပေါင်းရင်းမြစ်များ

MATÌÙT 5:44

Atì'nogo meneat he, an nen wene aike yì yogohisak. At ninopase Ala pogot oba mene mo esewerek logolìk kweangma lìarogo apùnì inoabùt weak mene lek, hano mene lek, obogat hesigat yarisìgìk, nen, moso pelakhei wagarek atì re, it higit hagarì'lùgì mene lek, kolo hagarì'lùgì mene lek, obogat hesik pelaksa wagìk, ikerek atì hak, hit hinopase Ala pogot oba mene againapùrìat asuageip ìlùk, apùnì hinom weak mene atì hinetawìrinapì logolìk he, it weagathinabì'lùgì mene atì, Ala nen hanorinabuagalùk, it hesik sapan ìkì logoino.

YOHANET 15:17

Nen, an nen wene yogohisìgì atì, ebe esin he, Hit-hit netawì-hetawìrogo logoino o, ìlùk yogohisìgì atìat o,” ìlùk yogoisasike.

YOHANET 17:21

Nopase. An nen kìno yogohetì lagì yì re, mel ìlùk. An nen nopase hat neperak hutik, nen, nopase hat en an neperak hutik, welagorek atì hak, it atì'nogoat inebe obogat omakeat logouagalùk kìno yogohetì lagì o. Atì'nogo were'ma, it apùnì kweangma mene nen ìkì logolìk he, At he, opase nenat lakhei wagaike atì eberogoat, ìlùk hùthoagalùk, it inebe nit ninom hutigat logouok o.

ÙRÙM 12:10

Hinerùgì hinagaiya'lak Ala againapùrì mene atì hinebe ap omakeat en tago mene negen, hinetaùken tùlem hinetawìrogo logolìk he, hit-hit hinerùgì hinagaiya'lak hinane agauk hogo yogoisìkì logoino.

ÙRÙM 13:10

Apùnì aike inebe inetaùken hutik logolìk he inebe weagarinaparek lek. Wene Ala nen ninasuk wasike wene a'nogo obogat higit hogo hagasu hak he, apùnì aike inom netawì-hetawìrogo inetaùken hutik logousak atìat o.

ÙRÙM 13:8

Hit he, apùnì aike mene hinoba palegeke logousak lek. We, hinoba palegeke logou hak he, hit-hit netawì-hetawìrogo hinetaùken hutik logousak atìat o. Wene Ala nen ninasuk wasike wene a'nogo obogat higit hogo hagasu hak he, inebe netawì-hetawìrogo inetaùken hutik logousak atìat o.

KALATIA 5:22

Nen, e eken ìterek hak, Ala Areagùn apùnì ina'la logolìk inoabùt hagatarek he, ebe yì. Apùnì aike inebe inetaùken butik welagìk, ina'la hai hakìgìk, apùnì aike inom lìoksek welagìk, inepe morogo welagìk, inoabùt enago welagìk, inoabùt hano welagìk, inoabùt lopok hogo welagìk,

KALATIA 5:6

Atì nen he, nit Karìsùt Yesùt ninom hutik logolìk, ninogat ninekalìma mene palek mene lek, it aike pale'lek mene lek, ninom higit welago. Halok, atì hesik penesusak lek. We, esin he, ninetaùken Karìsùt oba hìpìrìk logolìk, apùnì aike ninetawìrinaporek atì ba enagat arì'logo.

KALATIA 6:10

Ma re, nit o yogotak hano mene hagasusak elok welago ya ba re, apùnì aike inebe obogat leberisìkì logolìgat, esin hake re, ninerùgì ninagaiya'lak inetatùken Karìsùt oba hìpìrìk werek mene hùgì hanorogo leberisìkì logouok o.

KALATIA 6:2

Hit-hit hinoba ekin aike werek halok, hinebe lopok aike nen aike lebet-lebet ìkì logoino o. Atì'nogo hagatì logogun atì ba nen, wene Karìsùt en ninasuk warogo yakùlnisasike wene a'nogoat higit hogo hagatì logogun atì.

EPESÙT 5:2

Apùnì nen yì mene tì mene Ala hesik hisìlìk, ebe warogo etu loletenem, Ala a'la hanorogo apen hano mene lìagatì lagaukwa atì hak, at Karìsùt nit ninebe etawì'ninabìk he, “It hesik an nebe noasuak o,” ìlùk akasike ba ebe wasukwa atì ba Ala a'la hano agaike atì hak, nit-nit netawìhetawìrogo hagatì logouok o.

1 TESALONIKA 3:12

Nit en hit hinebe ninetawìrogo welago hak, hit en atì'nogoat hit-hit hinetawìrogo hagatìk, apùnì obogat hinetawìrinapìk, hùkorogoat hinetawìrinapì logouageip en, ninoe Etagepogot en hinoabùt inetawìrinaparek atì mene oba louk hogo aike inomat wokhisìkì logouak.

2 TESALONIKA 1:3

Nerùgì nagaiya'lak. Hit hinetaùken Karìsùt oba hìpìrìk welagasep mene atì, aike inom hùkorogo hìpìrethìgìk, hit-hit hinebe lopok netawì-hetawìrogo hagatesep mene atì, aike inom hùkorogoat hinetawìrinapìk, ìkì lagep atì nen, nit en hit hesik Ala hogorasusak meneat hogorato motok welago.

IBERANI 13:1

Nerùgì nagaiya'lak. Ala againapùrì hinebe omakeat mene negen netawì-hetawìrogo hagatesep mene atì, atì'nogo hinom hutigat hagatì logoino o.

YAKOBÙT 2:8

Mene re, hit en higit hogo hagatì logousak mene yì. Ala nen ninasuk watì logolìk wene esin he, mel isike: “Hit hinokawerek hinebe hinetaùken hutik welagasep atì hak, it apùnì aike hinom welagasep mene atì hinetaaken hutik logoino o,” ìlùk isikomo, helal wanhukwa mene werek atì higit hogo hagatì logogun halok, hano hagatì logogun o.

1 PETERÙT 1:22

Ebe wene atì hinasuk holhì logolìk, hina'la nen weak mene horogo laksìlìk, hinerùgì hinagaiya'lak Ala againapùrì mene aike eberogoat hinetawìrogo hagatì lagep atì, hinom hutik motok logolìk netawì-hetawìrogo hagatì logoino.

2 PETERÙT 1:7

Ala a'la walok akikerek higit hogo hagatì logolìk, atì mene oba louk hogo re, inerùgì inagaiya'lak inetawìrogo welagaikarek atì mene, ese a'no. Hinerùgì hinagaiya'lak hinetawìrogo logolìk, atì mene oba louk hogo re, apùnì inebe obogat inetaùken hutik welagaikarek atì mene, ese a'no.

1 YOHANET 3:11

Wene Ala nen he, “Hit-hit netawì-hetawìrogo logoino o,” ìlùk yogonisasike mene, apùnì aike nen yogohisasukwama ero ba nen hinasuk holhigip atìat o.

1 YOHANET 3:23

At en wene ninasuk wasike atì, ebe re: “Hit hinetaùken an naput Yesùt Karìsùt oba hìpìrethìlìk, at en yogohisike atì hagat, hit-hit netawì-hetawìrogo logoino o,” ìlùk ninasuk wasike atìat o.

1 YOHANET 4:21

Ati nen, at Karìsùt en ninasuk watì logolìk: “Ala hinetawìrogo logolìk, hinerùgì hinagaiya'lak hinetawìrogoat logoino o,” ìlùk yogonisasike atì.

2 YOHANET 1:5

Atì nen he, nerei e. Wene ket mene helal waganogo heagwi hinomat were'ma hinoba lakhei wagì hùk. Lek o. We, nit ebe wene atì hùthasugumo, at Ala nen nit-nit netawì-hetawìrogo logouagalùk ero ba nenat ninasuk wasikomo ninelu mene a'nogo helal waganogo hinoba lakhei wagì atì o.