YOHANET 13:21 - Ala Ane Wene Ket Mene Warogo Wo'ninapike Wene

²¹ At Yesùt en, wene atì'nogo arat yogoisasikesik oba nen, at a'la weak agaikomo, ane pak hogoat mel yogoisasike: “Hit ap hinebe ya mene aike nen an nebe noasuagalùk yoko legein o, ìlùk eberogoat yogohisìgì,” ìlùk yogoisasike.

YOHANET 13:21 ပူးပေါင်းရင်းမြစ်များ

MATÌÙT 26:21

pesta nìkì logolìk mel yogoisasike: “Hit ap ya mene aike nen, an nebe noasuagalùk yoko legein o, ìlùk, eberogoat yogohisìgì,” ìlùk yogoisasike.

MATÌÙT 26:38

“An netaùken motok huni agasik wa'lasusak hake haga'nabì'logo o. Halok, hit ya logolìk he, ninomat ninepe hebelogo logouok,” ìlùk yogoisalùk he,

MAREKÙT 14:18

Lagaukwasik he, ouma kìlìk hù'larìk, pesta nìkì logolìk he, at Yesùt en mel yogoisasike: “Hit mene aike sùpùrùk an neperak omakima nìkì lago mene atì nen, an nebe noasuagalùk yoko legein o, ìlùk eberogoat yogohisìgì,” ìlùk yogoisasike.

MAREKÙT 3:5

Kamo isukwama re, at Yesùt eileken isìlìk lagaikesik he, a'la nen he: “Inoabùt lagai-lagorek yì rì!” ìlùk a'la kolo arìk a'mage lagasike. A'mage lagalìk inoba uarek he, ap a'nogo mel yogosike: “Heki kothan o,” ìlùk yogosikomo re, eki kothasikomo arat hano agaike.

YOHANET 11:33

it apùnì Yahuri mene Maria opolik wagaukwa mene amanogo inomat le aganem, at Yesùt en eileken isìlìk, it etawì nen etaùken hiselhikomo re, inoba hinok wogisìkì logolìk he, mel yogoisasike:

YOHANET 11:35

at le agaikeat.

YOHANET 11:38

Ati'mogo isukwama, at Yesùt etaùken hiselhikomo re, warek ebe amoulama aka holele'ma helep te'mek hogo hei lagaukwa ba atoma ha lagaike.

YOHANET 12:27

At Yesùt en wene atì'nogo yogoisasikaeik he, sapan aike mel isike: “Nopase, an yì aik tì aik hegein atì nen, yogotak netaùken motok hiselì'logo atì re, hat en nebe telnabin o, illùk yogohesusak meneat he, atì'nogo haga'nabuagalùgat wagagisi'mo nogo nen he, atì'nogo igin lek o, nopase.

YOHANET 13:18

“An nen wene atì hit hinebe obogat hesik yogohisìgì hùk. Lek o. Hit yì an nenat hinebe wenakhinapigi mene nelu meneat he, wene atì hesik Ala ane ba mel ìlùk helal waganogo hesukwa: Ap aike sùpùrùk neperak omakima nìkì lago mene yì nen weaga'nabigìlùk melaga o, ìlùk isukwama helal waganek werek atì sùge asigin lek. Ebeat asigin o.

YOHANET 13:2

Logolìk he, at agoromì amanogo inom o hùako sùpùrùk omakìma nikenem, Yùrat, Simon Isikariot aput a'nogo, a'la Ibilit kisikesik he, Yesùt ebe wasuak en he, “Yoko lan o,” ìlùk a'la kagalhike.

YOHANET 13:22

Atì'nogo yogoisìkì lagaikomo, it en he, “Atì sa nen hagasigin mene ike,” ìlùk inoake palagaikesik he, ineileken aike nen aike lakhìgìk, isukwa.

LAKSASIKE 17:16

At Paùlùt, Silat Timotìùt eperak serisek o kota Atena atoma logolìk he, o atoma tùgì hareken awì wùrìk motok apigat were'ma eileken hìlìk, a'la motok weak agaike.

1 YOHANET 2:19

It apùnì atì inebe re, nit mene palek meneat he, it inebe eberogoat nit werekwe mene lek o. It inebe eberogoat nit werekwe mene logoilepma re, inebe nit ninom motogat logoilo o. Mene re, Ala a'la nen, “It atì, inebe obogat hit mene lek, hunigat mene werek, ìlùk, enagat asuak,” ìlùk akasike ba it atì'nogo wùlùpukwa atì.