YOHANET 13:18 - Ala Ane Wene Ket Mene Warogo Wo'ninapike Wene

¹⁸ “An nen wene atì hit hinebe obogat hesik yogohisìgì hùk. Lek o. Hit yì an nenat hinebe wenakhinapigi mene nelu meneat he, wene atì hesik Ala ane ba mel ìlùk helal waganogo hesukwa: Ap aike sùpùrùk neperak omakima nìkì lago mene yì nen weaga'nabigìlùk melaga o, ìlùk isukwama helal waganek werek atì sùge asigin lek. Ebeat asigin o.

YOHANET 13:18 ပူးပေါင်းရင်းမြစ်များ

MATÌÙT 10:36

Apùnì inaselei mene negen he, inawi omakìma meneat inom hùlìrasugun o.

MATÌÙT 26:21

pesta nìkì logolìk mel yogoisasike: “Hit ap ya mene aike nen, an nebe noasuagalùk yoko legein o, ìlùk, eberogoat yogohisìgì,” ìlùk yogoisasike.

MATÌÙT 26:23

Atì'nogo ìlìk lagaukwama re, at Yesùt en he: “Hat aike an neperak nineki apìnenerogo pirìng a'la pelabìk amusu magasogo noko mene atì nenat noasuagalùk yoko legein o.

MAREKÙT 14:17

Yì mene tì mene tegelogo hesukwasik were'ma, himaganekokwe at Yesùt agoromì inebe 12 he'nakit amanogo inom inoba lagaukwa.

MAREKÙT 14:18

Lagaukwasik he, ouma kìlìk hù'larìk, pesta nìkì logolìk he, at Yesùt en mel yogoisasike: “Hit mene aike sùpùrùk an neperak omakima nìkì lago mene atì nen, an nebe noasuagalùk yoko legein o, ìlùk eberogoat yogohisìgì,” ìlùk yogoisasike.

MAREKÙT 14:20

Atì'nogo ìlìk lagaukwama, at Yesùt en he, mel yogoisasike: “Hit hinebe 12 welagep yoma, hat aike an neperak nineki apinenerogo piring a'la pelabìk amusu magasogo noko mene atì nen.

LUKAT 22:21

“Nagoromì! Lakhani! Ap aike sùpùrùk e talek oba neperak omakìma nìkì lago mene nen an noasuagalùk yoko legein o.

YOHANET 13:21

At Yesùt en, wene atì'nogo arat yogoisasikesik oba nen, at a'la weak agaikomo, ane pak hogoat mel yogoisasike: “Hit ap hinebe ya mene aike nen an nebe noasuagalùk yoko legein o, ìlùk eberogoat yogohisìgì,” ìlùk yogoisasike.

YOHANET 13:22

Atì'nogo yogoisìkì lagaikomo, it en he, “Atì sa nen hagasigin mene ike,” ìlùk inoake palagaikesik he, ineileken aike nen aike lakhìgìk, isukwa.

YOHANET 13:26

at Yesùt en he, “Ebe re, an nen sùpùrùk horoti mene i magasogo nen wogosigin atìat o,” ìlùkk isikesik he, sùpùrùk horoti a'nogo i magasogo wanhìkesik he, Yurat, Simon Isikariot aput a'nogo wogosike.

YOHANET 15:16

Hit en an wena'napigip hùk. We, an nen hit wenakhinapigi atì, e eken ìterek atì hak, motok logogin mene hagasi loageip en ìlùk, hinebe wenakhinabìk menhikasigi. Atì nen he, we, nena mene, hit walok mene an netage palogo nopase kìno yogosugun halok he, at en wokhisegeinat o.

YOHANET 15:19

Hit hinebe apùnì kweangma mene logoilepma re, it apùnì kweangma mene nen he, It he, nit ninagoromì, ìlùk inetaùken hutik hagathinabilep meneat he, hit hinebe it apùnì kweangma mene were'ma wenakhinapigisik wokhinapigisi'mo re, hinebe it mene welagep hùk. Atì nen he, inabìt motok hagathinabì'lùgì o.

YOHANET 15:25

Atì'nogo meneat he, Ala nen, Yì'nogo haga'no, tì'nogo haga'no, ìlùk inasuk wasike wene atì ba, ane yì'nogo helal waganek werek: Wene ero le'maat, it en an inapsìrìthanhukwa, ìlùk isikomo, helal waganogo hesukwa mene atì ebe asuagalùk atì'nogo hagarì'lùgì o.

YOHANET 17:12

An it ninom yoma logolìk he, it inebe nalasinogo ìlùk, hat hetage mene an salnapigin a'nogo ba, hagisek were'ma, it aike nalagì'lek o. We, At atì nalasigin, ìlùk, hat hane isigin mene helal waganogo hesukwa mene a'nogo ebe asuagalùk, nalasusak obaat nalaga o.

YOHANET 18:32

Inane atì'nogo yogosukwa atì re, at Yesùt en wene hageat yogoisìkì logolìk, “An tì'nogo haga'nabìk noasugun,” ìlùk ìkì lagaike mane a'nogo, it atì'nogo hagasukwama, at ane ebe agaike atì.

YOHANET 19:24

it-it aike nen aike yogotì logolìk he, “Su yì paluok lek o. We, sa hak helegein ìlùk oageke lakhouok o,” ìlùk isukwa. Atì'nogo isukwa atì re, Ala ane helal waganogo hesukwama, mel werek: “An nasu nokolek sùpùrìlìk he, nasu etakwe mene helùogolùk oageke lakhaga o,” ìlùk isukwa mene helal waganogo hesukwa mene werek higit hogoat, it ap tentara mene nen atì'nogoat hagasukwama ebe agaike atì.

YOHANET 19:36

Wene atì'nogo haga'lagaike atì re, Ala ane ba helal mel ìlùk waganogo hesukwama werek: “At oak hukalhogoin motok lek o,” ìlùk isukwa.

YOHANET 21:17

Anema eki pìre ba wokhasikesik hobuk anema aike mel wokhasike: “Simon Yohanet aput nagot e. Hat en an nebe hetawì a?” ìlùk, anema atì'nogo eki pìre ha wokhasikesik en, hobuk aike ba, “Hat en an nebe hetawì welagen a?” ìlùk yogosike atì nen he, a'la kolo agaikomo, at en Yesùt mel yogosike: “Noe. Hat he, yì wene tì wene obogat helu o. Halok, an nen noe hebe netawì welagì atì, hat helu o,” ìlùk yogotì lagaikomo, at Yesùt en he, mel yogosike: “Halok he, an nako topa hanorogo serisek logoino o,” ìlùk yogosike.

YOHANET 6:70

at en he, it mel yogoisasike: “An nen hit hinebe 12 nen yì wenakhinapigi lek nogo? An nenat wenakhinapigi o. Meneat he, hat omakeat aike Ibilit meneat welagen o,” ìlùk yogoisasike.

LAKSASIKE 1:16

“Nerùgì nagaiya'lak. At Yùrat a'nogo re, nit ninom yabu hano hagatì logouagalùk Yesùt en ayoko hìlìk menhesikomo, nit ninom hano welagosik meneat he, holoat wene Ala Areagùn nen at Yùrat hesik isikomo, at Taùt en helal waganogo hesike mene were'ma, at Yùrat en ap en Yesùt ebe hakhouagalùk wogisek waga atì, haga'lasusak obaat haga'laga o,” ìlùk yogoisasike.

LAKSASIKE 1:2

at opase nen ebe pogot oba lìakesike atì hùlì, helal waganogo lakhei wagagi atì. At ebe pogot oba oan lìakhìgì'lek werek kolek, at agoromì inebe weteberogo inayoko hìlìk laksagalùk isike mene amanogo Ala Areagùn omame ba inasuk wasike.

2 KORÌTÙT 4:5

Wene yogoisìlìk nìkì lago atì re, ninokawerek hagatorek wene hùk. Lek o. We, at Yesùt Karìsùt hagasike weneat o. At Yesùt ebe ninoe Etagepogot ìlùk he, nit at hesik hit hinatitigeke welago, ìlùk yogoisogorek atì.

IBERANI 4:13

Ala eilhanem he, yì mene tì mene at en elalhike mene aike hinago werek nogo? Motok lek o. We, at eilhanem he, yì mene tì mene obogat he, weinam hukalek motok welagarek atì nen, nit hagatì lago mene, at elumo re, ninoba lopogat ninom ugun o.

ABÌKAKAN 2:23

Atì'nogo hagatenem, it Ala againapùrì o yì awì tì awì atogotarek mene obogat en ineileken hìlìk, it en he, At Ala re, apùnì ina'la ebetarek mene atì mel, inetaùken kagalharek mene atì mel, elumo re, apùnì ninebe lopok ninoabùt hagatorek mene higit hogoat ùkùm ninoba hìgìk, oko wo'nisìgìk, igin o, ìlùk, an hùthanuagalùk, it apùnì at he atì ane wanharek mene inebe inoasiginat o.