YOHANET 13:10 - Ala Ane Wene Ket Mene Warogo Wo'ninapike Wene

¹⁰ at Yesùt en be, mel yogosike: “At sa nen, ebe kume arat warek werek halok, at ebe sobalek motok werek atì nen he, hobuk sobalusak mea o. We, esok enek sobalusak elok o,” ìlùk yogosikesik, it obogat yogoisìkì logolìk he, “Hit atì'nogo sobalek motok welagep meneat he, hinebe obogat sobalek welagep hùk. Aike sobale'lek werek o,” ìlùk, yogoisasike. Wene atì'nogo yogoisasike atì re, at a'la nen he,

YOHANET 13:10 ပူးပေါင်းရင်းမြစ်များ

YOHANET 15:3

Nen, hit he, an nen wene yogohisìgìrek atì nen he, hinobùseka hake palogo wusa yogologo hikasigimo welagep o.

2 KORÌTÙT 5:17

Apùnì inebe Karìsùt inom hutik werek halok he, inoabùt ket mene elalinapomo werek o. Alep mene legat aga. Hobuk ket mene haga'laga.

2 KORÌTÙT 7:1

Halok he, nerùgì nagaiya'lak. Hinebe netawì e. At Ala nen atì'nogo logogun ìlùk abok yogonisasike atì nen, ninebe nen, ninetaùken nen, weak hagatorek mene atì, hanorogo horogo hebisùok o. Atì'nogo hebisìlìk, Ala ebe ninayùk logolìk he, ninebe at hesik hisìlìk logouok en, ninetaùken katok hogo wurigethìkì logouok o.

2 KORÌTÙT 5:21

Nit Karìsùt ninom hùneto halok, at Ala nen okawerek ninom ninapotkwe lapuk hogo hinagalùk, nit hesigat nit ninoabùt weak hagatorek mane atì, at Karìsùt weak hagatì'lek mene oba hesike atì.

YAKOBÙT 3:2

Nit apùnì obogat hano hagatì lago salek yì hesik, tì hesik, weagat hagatorek atì. Meneat he, sa nen ane ba nen wene weak mene aike ìgì'lek loporogo nek ikerek halok he, eki esok ebe obogat lopothìkì logolìk etaùken katok hogo wurigat werek o.

1 TESALONIKA 5:23

Atì'nogo were'ma, at Ala ninetaùken hapuguthiaikerek mene a'nogo nen, hinebe abireke okawerek hesik hakìlìk logouak o. Were'ma, ninoe Etagepogot ebe waganem, hinetaùken mel, hinebe mel, hinoabùt mel, ùkùm hinoba housak motok lek tegelek were'ma wesuak en, at enat hakhisek logouak o.

MATÌÙT 6:12

Apùnì nen nit weaga'ninapa mene, nit en sagalogo legetsogo atì hak, nit weak hagato mene hat en sagalogo legetsano o.

YOHANET 13:9

at Simon Peterùt en he, mel yogosike: “Atì halok he, noe. Nesok obakwe nek sobalnapùn o. Neki mel, nùkùloak mel, obogat sobalnabin o,” ìlùk yogosikomo re,

YOHANET 13:18

“An nen wene atì hit hinebe obogat hesik yogohisìgì hùk. Lek o. Hit yì an nenat hinebe wenakhinapigi mene nelu meneat he, wene atì hesik Ala ane ba mel ìlùk helal waganogo hesukwa: Ap aike sùpùrùk neperak omakima nìkì lago mene yì nen weaga'nabigìlùk melaga o, ìlùk isukwama helal waganek werek atì sùge asigin lek. Ebeat asigin o.