YOHANET 13:1 - Ala Ane Wene Ket Mene Warogo Wo'ninapike Wene

¹ Nen, hùenkwe pesta Paskah a'nogo mene nùogolùk logolìk, at Yesùt en, “An apùnì o kweangma yoma hisalak nopase oba napotkwe lagagin atì arat hakok i waga,” ìlùk, at elu welagaike. Nen, at okawerek agoromì kweangma mene etaùken hutik welagaikesik, hobuk inebe abìt agì'lek etaùken hutik motogat welagaike.

YOHANET 13:1 ပူးပေါင်းရင်းမြစ်များ

YOHANET 12:23

Atì'nogo yogosi lagaukwama, at Yesùt en he, mel yogoisasike: “An abat ta'lasi wagagi a'nogo, nebe hogo'nabugun oba arat asi waga o.

1 YOHANET 4:19

Emakum Ala nen tak etawì'ninapikesi'mo re, nit hogo re, nit-nit netawì-hetawìrogo logouok o.

YOHANET 13:34

Atì'nogo yogoisasikesik, wene aike mel yogoisasike: “Hit en hagatì logousak mene wene ket mene aike yogohisak: An nen hit netawìrogo welagìrek atì hak, hit atì'nogoat, hit-hit netawì-hetawìrogo hagatì logoino o.

YOHANET 16:28

An nebe Ala were'ma nen apùnì kweangma mene inoba pi wagagi meneat he, yogotak it kweangma yoma hisalùk nopase oba napotkwe lagagin o,” ìlùk yogoisasikomo,

YOHANET 13:3

Atì'nogo a'la kagalhikomo, at Yesùt a'la nen he, “Nopase nen yì mene tì mene obogat an neki ba hikomo werek akìgì. Nen, an nebe Ala were'ma nen pi wagagisik, hobuk napotkwe at oba lagagin akìgì,” ìlùk elu welagaikeat.

YOHANET 18:4

Lagaukwama, at Yesùt en, “An nebe hobuk yì'nogo haga'nabugun,” ìlùk obogat elu welagaike atì nen, inoba wagaikesik he, mel yogoisasike: “Hit sa herarìk wagep,” ìlùk yogoisìkì lagaikomo,

1 KORÌTÙT 1:8

Hobuk warep oba ninoe Etagepogot Yesùt Karìsùt wesigin atì like, hit weak were'ma hisa wesinogo ìlùk, at Karìsùt enat hinetaùken wurigethinapi logogin o.

YOHANET 17:16

An nebe it apùnì kweangma mene inagot lek atì hak he, it atì'nogoat it apùnì kweangma mene inagoromi hùk. Legat o.

YOHANET 17:1

At Yesùt en wene atì'nogo yogoisasikesik he, at ot hìok hogo eileken pogot oba lìakhasikesik he, mel isike: “Nopase. An haga'nabugun a'nogo arat asi waga o. Hat en hageat apùnì aike wo'nesigin mene hùgì inebe lopok an haput en hagarinabumo ineluk motok logouagalùk apùnì obogat neki ba hesigin atì nen he, hat hebe esinethageik en, an haput esinethani me o, nopase.

IBERANI 3:14

Atì'nogo ìkì logolìk, emakum ninetaùken at oba hìpìrethesugu mene atìat nineki nomok hogo hùlì elùgùn oba hesogo logogun halok he, nit Karìsùt erùgì agaiya'lak agosik welago o.

YOHANET 17:5

Nopase. Kweang oan walhìgì'lek logolìk, neperagat esin welagagu a'nogo mene yogotak hat were'ma atoma esinethanino.

MATÌÙT 26:45

Arat ìlùk agoromì inoba wagaikesik he, mel yogoisasike: “Hit set walogo nogo iko motok logogun a? Ap aike nen ap weak hagatarek mene nen an abat ta'lasi wagagi a'nogo noasuagalùk ineki ba hanigin atì arat hanigin yì lakhani!

1 PETERÙT 1:13

Ati nen he, wene atì hùthìlìk he, kwe humusek lùogolùk inobakwe hele ning hogo homatarek atì hak, hinoabùt hebelogo, hinetaùken wekelogo logoino. Ati'nogo logolìk, hina'la nen he, “Ala nen Yesùt Karìsùt ebe weinam hogo lakhei waganem hano mene wo'nisa wesigin o,” ìlùk hinetaùken at oba lakhìlìk oba eberek motok logoino o.

IBERANI 6:11

Nerùgì nagaiya'lak. Nit nina'la walok he, hit hina'la nen he, “Ala nen nit hano'ninabigin,” ìlùk hina'la hai hakìkì lagep mene atìat akìkì logopik, hùlì elùgùn oba ese asuageip en he, hagatì lagep atì hagat hinebe lopok hinomamerogo hagato motok logousak walok akìkì lago o.

IBERANI 3:6

Meneat he, at Yesùt enek he, Ala ebe aput nogo nen he, at esewerek enat hagaterek. Nit hano'ninabigin wene atì hesik ninetaùken ning hogo oba hìpìrìk motok logogun halok he, Ala awì wùrìk atì, nit ninebeat o.

ÙRÙM 8:37

Atì'nogo meneat he, Ala ninebe etawì nen ninoe Etagepogot Karìsùt Yesùt wo'nisasikomo ebe wa'lagaike atì ba ninom hutik were'ma ninebe wa'lasumo mel, nineluk logoumo mel, atì nen hek hogo hinasak mea o. Malaikat pogot oba yoko negarek mene atì inom, pogot oba inomame werek mene aike atì inom en, hek hogo hinasak meat o. Yì mene tì mene yogotak haga'lagarek mene mel, hobuk haga'lasigin mene mel, atì nen hek hogo hinasak meaat o. Nen, omame werek mene aike nen hek hogo hinasak meaat o. Nen, yì mene tì mene pogot oba welagarek mene mel, a'ma baga welagarek mene mel en, hek hogo hinasak meaat o. Nen, Ala nen walhasike mene hunigat mene aike nen hek hogo hinasak meaat o. At Ala nen ninebe etawì'ninapikomo, Karìsùt Yesùt hagasike atì ba, obogat atì'nogo weak haga'ninapenem nit hek hogo hinasak mea o. We, apùnì wùlì tagalogo inoarìk inomame agaikarek hak ninomame agorek ìlùk hùthìkì lagì o.

YOHANET 17:26

Nopase, hat en an hetawì'napigin a'nogo, it-it atì'nogoat netawì-hetawìrogo logolìk, an nebe it ninom hutik logouogolùk, hat hetage ìlìk hawene yogoisìkì lagarìk aike inom hogo yogoisìkì logoginat o,” ìlùk sapan isike.

YOHANET 14:28

An legein meneat he, hobuk napotkwe hinoba wesigin o, ìlùk yogohisìgì a'nogo arat hinasuk holhep akìgì. An nebe hinetaùken hutik logoilepma re, an nopase ebe esin, nen an nebe mea atì nen he, an nopase oba legein atì hesik hina'la hai hakelep o.

YOHANET 11:55

Welagaukwa atem sat he, it apùnì Yahuri mane pesta etage Paskah nekarek a'nogo mene nasak oba arat hakok i wagaikomo nùogolùk oan logolìk, it inerabùl negen horogo ìlùk, Yahuri mene hagatarek hak hagasuogolùk, inawì lopok en o Yemsalem atogotì lagaukwa.

YOHANET 7:30

it en Yesùt ebe hakhouogolùk isukwa meneat he, at ebe hakhousak oba higit asi wagì'lek atì nen he, ebe hakhìgì'lek kamo isukwa.

YOHANET 7:6

Atì'nogo yogosukwama, at Yesùt en he, mel yogoisasike: “O ninhùp-nanhùp hit an hagasusak he, elok werek mane re, an nen hagasusak oba hakok i wagì'lek oan werek o.

YOHANET 6:4

Nen, atem higit he, it apùnì Yahuri mene nen he, “Ala nen telninapike,” ìlùk ina'la eberogo pesta etage Paskah nekarek a'nogo nasak oba arat hakok i wagaike.

LUKAT 22:53

Ninhùp-nanhùbat Ala awì wùrì'mo hit an ninom logolìk hakhanhì'lek welagasip en he, yogotak yì nek he, o mùm ese welagarek mene a'nogo omame agama re, hit en hakhanusak higit obaat wagep yì o,” ìlùk yogoisasike.

LUKAT 9:51

Atì'nogo yogoisìlìk he, at Yesùt ebe Ala nen pogot oba lìakhousak arat higit asi wagaikomo re, at a'la nen, O Yerusalem pigin, ìlùk ning hogo wenesùgì lakhìlìk he, kwe wanhìke.

YOHANET 8:20

Wene atì'nogo yogoisasike atì re, at ebe Ala awì wùrì'mo peti uang Ala hesik hisagarek oba era'lu logolìk iaike. Atì'nogo ikenem, at ebe hakhousak oba oan asi wagì'lek werek kolek nogo nen he, it apùnì amanogo aike nen hakhìgì'lek kamo isukwa.

YOHANET 2:13

Atoma were'ma nen, it apùnì Yahuri mene nen he, “Alebat at Ala nen telninapike,” ìlùk, ina'la eberek logolìk topa wam warogo pesta etage Paskah hesik nasak oba arat hakok i wagaikomo re, Yesùt o Yerusalem pisike.

YOHANET 13:29

Atì'nogo hùthìgì'legat logolìk, at Yùrat atì agaiya'lak inom inauang awìka hesogo welagaresi'mo nogo nen he, mel akasukwa: “Yesùt en nit pesta hagasusak hesik yì mene tì mene oko pali loagalùk yogote he a? Ì a, at he, apùnì inagarok lek mene uang aike omakìtek sùpùrisa loagalùk yogote he a,” ìlùk ina'la akasukwa.

YOHANET 14:31

Atì'nogo meneat he, an nopase netaùken hutik welagìrek atì apùnì kweangma mene inelu asuagalùk, an nopase nen nasuk warogo yogoneterek meneat hagatì lagì o,” ìlùk yogoisasikesik he, “Nagoromì. Lùok en mela'ni o,” ìlùk yogoisasike.

YOHANET 19:28

Atì'nogo arat haga'lùk oba nen, at Yesùt a'la nen he, “Yì wene tì wene obogat arat elùgùn warogo hagatì,” ìlùk elu nogo nen he, Ala ane helal waganogo hesukwa mene ebe asuagalùk, “An i nele,” isike.