YOHANET 12:49 - Ala Ane Wene Ket Mene Warogo Wo'ninapike Wene

⁴⁹ an na'la nen kagalogo yogohisìkì lagì hùk. Lek o. We, an nen yogohisoagalùk an nopase lakhani wagaike mene a'nogo nenat, Yì'nogo in, tì'nogo in, ìlùk yogoneto kolegat yogohisìkì lagì o.

YOHANET 12:49 ပူးပေါင်းရင်းမြစ်များ

YOHANET 14:10

An nen nopase neperak hutik, nen, nopase nen an neperak hutik, welagorek atì, hat hùthìkì lagen lek a?” ìlùk yogosikesik he, it obogat yogoisìkì logolìk, “An nen wene yogohisìgìrek atì, an na'la nen kagalogo yogohisìgìrek hùk. Lek o. We, an nepase neperak hutik logolìk, an nane ba nen ìgìk, neki ba nen hagatìk, ìgìrek mene atì, at okawerek enat hagarì'logo o.

YOHANET 8:26

An nen yì wene tì wene apigat yogohisìgìk, ùkùm hinoba hìgìk, kotìk, usak elok meneat he, at lakhani wagaike mene a'nogo ane eberogoat enek ikerek atì nen, at en ikenem nasuk holhì lagì mene atìat hit kweangma mene yoma yogohisìkì lagì o,” ìlùk yogoisasike.

YOHANET 5:30

Atì'nogo yogoisasikaik he, wene aike mel yogoisasike: “An naligat na'la nen kagalogo yì mene tì mene hagasusak mea atì nen he, an nen na'la akalùk hagatì lagì lek o. We, at an lakhani wagaike mene a'la akikerek mene hagasigìlùk ìkì lagì atì nen, nopase ane apoligat, apùnì oak tegelogo ùkùm inoba hìgìk, kotìk, ìkì lagì atì, higit hogoat ìkì lagì o,” ìlùk yogoisasike.

YOHANET 17:8

Wene hat en yogonesigin mene amanogo, it arat yogoisigima, arat wanhasik, an hesik ìkì logolìk he, Ala nen lakhei wagaikomo, at were'ma nen eberogoat wagaike, ìlùk inelu agaikasik he, nebe hùthanha o.

YOHANET 14:31

Atì'nogo meneat he, an nopase netaùken hutik welagìrek atì apùnì kweangma mene inelu asuagalùk, an nopase nen nasuk warogo yogoneterek meneat hagatì lagì o,” ìlùk yogoisasikesik he, “Nagoromì. Lùok en mela'ni o,” ìlùk yogoisasike.

YOHANET 15:15

It apùnì inatitigeke mene atì, inogogì hagatarek mene inokot atì nen he, an nen hùlì yogotak yì ba nen, Hit an natitigeke, ìlùk yogohisegein lek o. Yì wene tì wene nopase nen yogonesike mene obogat yogohisìkì lagì atì nen he, Nagaiya'lak, ìlùk yogohisìkì lagì atì o.

YOHANET 8:42

at en he, mel yogoisasike: “Hit he, eberogoat hinopase Ala logoilepma re, an nabusak na'la nen kagalogo wagagi hùk. We, nebe ero Ala mane, at en lakhani wagaikomo wagagisik welagì atì nen he, an nebe hinetawìrogo logoilep o.

YOHANET 3:32

At eileken hasike mene mel, asuk holhike mene mel, pak hogo yogoisiko kolek meneat he, it apùnì obogat en he, at en wene pìlìngìrogo yogoisikerek mene atì, inobaken nene heraksìlì'lùgì o.

YOHANET 3:11

Nit en wene ninelu meneat yogohisìgìk, nineileken hogo meneat eberogoat ìlùk, pìlìngìrogo yogohisìgìk, ogorek meneat he, ninane atì holhì'lek hinobaken nene hagatì lagep ìlùk, nane eberogoat yogohetì lagì.

ABÌKAKAN 1:1

Wene ebe re, yìtogo. Yì wene tì wene hinago welagaike mene hobuk heageak haga'lasigin mene atì, Ala atitigeke mene tùkùm hogo yogoisoagalùk Ala nen at Yesùt Karìsùt hukalogo yogosikomo, at Karìsùt en malaikat lakhei wagaikomo, wene atì at Ala atitigeke mene aike an Yohanet yogonete.

YOHANET 5:19

Weim abok atì'nogo isukwama, at Yesùt en he, ap amanogo wene yì'nogo yogoisasike: “Yì mene tì mene an nopase nen hagatenem neileken hìgì'lek, we, an na'la nen kagalogo hagasusak mea atì nen he, an nopase hagaterek meneat higit hogo hagatì lagì o, ìlùk eberogoat yogohisìgì.

YOHANET 6:68

Atì'nogo yogoisìkì lagaikomo, at Simon Peterùt a'nogo nen he, mel yogosike: “Eigo. Noe. Ninebe nineluk motok logousak hesik mene re, wene hat en yogonisìkì lagen hake yama re, hat herakhagalùk ap sa ba lasak akegen.

YOHANET 7:16

at Yesùt en he, mel yogoisasike; “An nen wene yakùlhisìkì lagì atì, an na'la nen kagalogo yakùlhisìkì lagì lek meneat he, at an lakhani wagaike mene a'nogo nen yogoneto kolek yakùlhisìkì lagì o.

YOHANET 8:28

Atì'nogo hùthìgì'lek werek kolek, at en he, mel yogoisasike: “An abat ta'lasi wagagi a'nogo, hit en an nebe e ba menhanugun atì sat, hit en he, Esok motok welagarek mene a'nogo ebe yìat o. At en wene yogonisìkì logolìk he, a'la nen kagalogo ìgì'lek. We, at opase nen yakùleterek mene nek yogonisìkì lagama, ìlùk, hinelu asugun o.

YOHANET 14:24

Nen, at sa nen, an etaùken hutik lek halok he, an nane hologo hagaterek lek atìat o. An nane hit holhì lagep atì re, an nane mene hùk. We, an nopase lakhani wagaike mene a'nogo ane o.