YOHANET 12:48 - Ala Ane Wene Ket Mene Warogo Wo'ninapike Wene

⁴⁸ At he, at atì an nebe wo'nabu abìrat, nen nane tùkùm hogo wanusak abìrat, atì nen, at atì ùkùm oba hegein mene werek o. Ùkùm oba hegein atì re, o elùgùn oba tegelinabigin atì ba, an nen wene yogohisìkì lagì atì baat ùkùm oba asigin o, ìlùk atì'nogo yogohisìkì lagì atì re,

YOHANET 12:48 ပူးပေါင်းရင်းမြစ်များ

MATÌÙT 10:15

Yogotak he, an nane eberogoat yogohisak. Hobuk ninopase Ala pogot oba mene nen ùkùm inoba hìgìk, kotìk, ìgìn atì sapùl he, it apùnì o Sorom Komora mene atoma re, ùkùm inoba hìlìk weagarinabigin meneat he, se negenat o. Meneat he, it apùnì o sili hit wokhinapì'lek herakhikogoin mene atì nek he, ùkùm ekin mene inoba hìlìk motok weagariìnabigin o,” ìlùk yogoisasike.

MATÌÙT 21:42

Atì'nogo yogosukwama, at Yesùt en he, “Hit en Ala ane yì'nogo helal waganogo hesukwama etage salhì'lek welagep nogo? It en he, It ap tukang o helep mene wùtarek mene nen, o ebe watì logolìk he, Helep yì weak, ìlùk heraksasukwa mene atì obùleat ya'lagama o. Atì'nogo haga'laga atì, ninopase Ala Etagepogot enat hagate o, ìlùk, nineileken hogosik he, Egi! ìlùk hogoratì lago, ìlùk helal waganogo hesukwa mene atì etage salhì lagep lek nogo? Etage salhì lagebat o.

MATÌÙT 25:31

At Yesùt en atì'nogo yogoisasikesik he, wene aike mel yogoisasike: “An abat ta'lasi wagagi a'nogo, apùnì nen hogo'napo kolek, it malaikat Ala nen pogot oba nen yoko pelaksa wagarek mene amanogo obogat ninom wìrìk, an hogo'napo kolek kain Netagepogot welagìrek oba logolìk,

MAREKÙT 12:10

Hit en Ala ane helal yì'nogo waganogo hesukwama etage salhì'lek welagep nogo? It en he: It ap tukang o helep mene wùtarek mene nen he, o ebe wùtì logolìk he, Helep yì weak, ìlùk heraksasukwa mene atì obùleat ya'lagama o.

MAREKÙT 16:16

Yogoisìlìk laganem he, it apùnì aike nen wene atì eberogoat ìlùk akogoin mene ima pelaginabugun mene hùgì, Ala nen telinabigin meneat he, it aike wene atì eberogoat ìlùk wanugun lek mene hugi Ala nen ùkùm inoba hìlìk weagarinabigin o.

MAREKÙT 8:31

At Yesùt en atì'nogo inasuk wasikesik he, wene hobuk aike mel yogoisasike: “An abat ta'lasi wagagi a'nogo re, it ap inalùgetek mel, Ala esewerek mene inogogì kaintek mel, Ala ane helal waganek esewerek mene mel, inom en an nebe inabìt arik yì aik tì aik apigat haga'nabìk, nebe noasugùn o. Noasumo nebe neki pìre warek logopik he, aike nen, neluk asigin o,” ìlùk

LUKAT 10:16

Atì'nogo yogoisìlìk he, at agoromì ane wanhì lagaukwa mene amanogo mel yogoisasike: “It apùnì nen hit hinane holì'lùgì halok he, an naneat holì'lùgì o. Nen, Ninabìt, ìlùk herakhikaga halok he, anat herakhanha o. Nen, an herakhanha halok he, an lakhani wagaike mene a'nogo ebeat heraksaga o,” ìlùk atì'nogo yogoisìlìk he, laksasike.

LUKAT 17:25

Nen, atì'nogo hagasigin meneat he, atì oan haga'lagì'lek werek kolek he, apùnì yogotak werek mene yoma nen wo'napì'lek herakhanìlìk he, yì aik tì aik haga'nabugun o.

LUKAT 20:17

at Yesùt epe hebek hogo it amanogo eileken lagisìlìk he, mel yogoisasike: “It ap aike nen helal waganogo hìkì logolìk he, It ap tukang o helep mene wùtarek mene nen, o ebe wùtì logolìk he, Helep yì weak, ìlùk heraksasukwa mene atì obuleat ya'lagama o, ìlùk helal waganogo hesukwa atì nena hesik isukwa akegep,

LUKAT 7:30

Atì'nogo isukwa meneat he, it ap Parisi mene mel it ap Ala ane helal waganek yakùlisìkì lagaukwa mene mel, enek he, Yohanet en ima pelaksoagalùk lagì'lek logolìk, Ala nen atì'nogo hagatì logouagalùk a'la akasike mene a'nogo inabìt en heraksìlìk welagaukwa.

LUKAT 9:22

Inasuk atì'nogo wasikesik he: “An abat ta'lasi wagagi a'nogo, it ap inalùgetek mel, it ap Ala esewerek mene inogogi kaintek mel, Ala ane helal waganek esewerek mene mel, inom en, an nebe inabìt arìk, yì aik tì aik apigat haga'nabìk, nebe noasugun o. Noasumo re, nebe neki pìre warek logopik, aike nen he, Ala nen nelugu'nabigin o,” ìlùk, yogoisasike.

LUKAT 9:26

Sa nen, An Yesùt agot, ìgìk, an nane atì yogoisìgìk, apùnì ineilhanem pak hogo u re, ekalì halok he, an abat ta'lasi wagagi mene yì nen hogo re hobuk an nebe hogo'napìk, nopase hogoratìk, malaikat Ala aligat hesik yoko pelaksa wagarek mene amanogo hogorinapìk, iko kolek waga logolìk he, At yì an nagot, ìlùk nane pak hogo u nekalìat asigin o.

YOHANET 11:24

at Mareta nen he, mel yogosike: “O elùgùn oba apùnì wa'lagaukwa mene inelugurinabigin atì sat, at Lasarùt atì hobuk apotkwe eluk asigin ìlùk, an neluat o,” ìlùk yogotì lagaikomo,

YOHANET 5:45

Mene re, an nen Ala eilhanem ùkùm hinoba hegein ìlùk hina'la akagùp o. At he, Musa ane atì baat hano'ninabigin ìlùk hina'la hai hakegesep meneat he, at enat ùkùm hinoba hegein o.

YOHANET 6:39

Nen, at a'la akikerek mene an nen hagasuagalùk lakhani wagaike atì re, ebe yì: At en apùnì an wo'neterek mene obogat aike pelaksìgì'legat, o elùgùn oba, an nenat inelugurinabuagalùk,

YOHANET 8:47

Sa nen ebe Ala mene halok, Ala ane atì asuk holherek meneat he, hit he, hinebe Ala mene hùk. Hùnogoat mene atì nen he, at ane hinasuk holusak hinabìt atì o,” ìlùk yogoisasike.

LAKSASIKE 3:23

Sa nen wene at en yogohisegein mene atì, asuk holhì'lek halok he, at Ala nen, at againapùrì inekele'ma nen tegelogo wulaksìlìk weagathegein o, ìlùk yogoisasike.

2 KORÌTÙT 4:3

Hano wene yogoisìlìk nìkì lago atì, apùnì aike nen hùthìlì'lùgì meneat he, it apùnì alema'larì'lùgì mene enek he, wene atì hesik inetaùken apumeke laberek werek o.

IBERANI 10:25

Ninoe eki welagì'legat wesigin ìlùk ninelu atì nen he, nit atogotenem it aike kamo egarek atì hak, nit kamo ìgì'lek he, oba eberek-eberek nit-nit ninetaùken ago warogo ninasuk wat-wat ìkì logouok o.

IBERANI 12:25

It apùnì Ala ane kweangma yogoisikenem inasuk holusak inabìt welagaukwa mene, inebe ineluk herakìgì'lek inoatì lagaike atì. Halok he, nit yìrogo re, wene pogot oba nen yogonisikenem ninasuk holusak ninabìt logogun halok he, ninoatì'lek herakhinegein akegep a? Lek o. Motok ninoasigin atì nen he, at ane iko kolek hinasuk holhì'lek, “Ninabìt,” ìlùk heraksanogo ìlùk, hinepe hebelogo logoino o.

IBERANI 2:3

Atì hak, nit yogotak telninabusak hùko wene atì ninobaken nene heraksogoin halok, weaga'ninabiginat o. Emakum he, wene at ninoe Etagepogot ebe nenat apùnì aike yogoisasikomo inasuk holhukwa mene nen sekek hogo yogonisasukwa mene eberogoat haga'lagaike.

IBERANI 4:12

At Ala ane ikerek atì re, karok ela abel heta-heta mago atì hake re, lek o. We, at ane atì re, eluk mene omame apik ela motok melangsek logolìk, inoak ekalim elema kìgìk, inamokok elema kìgìk, u hak he, ina'la inetaùken oba hakha lagaresik he, ina'la akagarek mene mel, inetaùken nen walok akagarek mene mel, eileken elok peneterek.

1 PETERÙT 1:5

Hinetaùken at Ala oba hìpìrìk welagep atì nen, at omame ba hakhisek logopik he, hobuk hinebe hanothinabigin mene wùrep oba weinamethegein atì.

2 PETERÙT 3:3

Wene ebe yì tak hùthasak. O wùrep oba re, apùnì aike inane sagan weak mene inetaùken nen nikenem ina'la nen kagalogo weak hagatì logolìk, hinoba wìrìk, inane sagan wokhisìkì logolìk he,

2 PETERÙT 3:7

Mene re, pogot atì mel, kweang atì mel hobuk etu ba weagatheigìlùk Ala ane atì baat elama hesik hesogo logopik he, apùnì Ala ebe inabìt logolìk inoabùt weak hagarì'lùgì mene atì, ùkùm inoba hìlìk weagarinapìk, kweang pogot weagathìgìk, omake likeat hagasigìlùk eram enat eki hesogo werek o.