YOHANET 12:45 - Ala Ane Wene Ket Mene Warogo Wo'ninapike Wene

⁴⁵ Nen, at sa nen, eileken an niike halok he, an lakhani wagaike mene a'nogoat eileken hike o.

YOHANET 12:45 ပူးပေါင်းရင်းမြစ်များ

KOLOSE 1:15

Ala ebe nineileken hogorek lek meneat he, ebe poto hagarek hake, Yesùt ebe atìat o. At Ala nen, yì mene tì mene, pogot oba mene mel, kweangma mene mel, nineileken hogorek mene mel, hogorek lek mene mel, elalhike atì. Nineileken hogorek lek mene aike re, malaikat inomame apik logolìk inawe a'ma hagisek were'ma inane hologo welagaikarek mene atìat. Ala nen atì'nogo obogat elalhike atì, ebe re, at Karìsùt enat, okawerek hesigat elalhike atì nen, yì mene tì mene obogat atì, abel negen werek kolek, esin he, Ala aput makusa mene Karìsùt at atì.

2 KORÌTÙT 4:6

At Ala nen ìkì logolìk he: “O mum atì a'la nen lìa a'nìk,” ìlùk isike atì hak, at enat nit nina'la mùm mene atì lìa'ninapikomo welago. Atì'nogo logolìk, at Karìsùt elokoken apipin yatenem nineileken lakhìlìk he, at Ala hogoratarek mene a'nogo ebe atìgìnìk ìlùk hùthìkì logouagalùk atì'nogo lìa'ninapike atì.

IBERANI 1:3

Mo eileken tilelek-walelek lakhei wagarek hak, Ala ebe hogoratarek mene a'nogo nen, Yesùt ebe lakhei wagaikomo kweangma lìarogo logolìk, opase alìlùmo at hake welagarek. Ati'nogo logolìk, yì mene tì mene obogat welagarek atì, at ane omame ba welagarek. Were'ma, nit weak hagatì lagagu mene horogo legethìlìk he, Ala Etagepogot esin mene a'nogo oba lagasikesik era'lu kainat welagarek atì.

YOHANET 12:41

At Yesaya nen wene atì'nogo isike atì re, at Yesùt hobuk hagatenem ebe hogorasugun mene hesik eileken hasikesik en, at abok isike atì.

YOHANET 15:24

It apùnì he'nakìt en hagatarek motok lek mene, yì wene tì wene ineilhanem hagatì lagagi a'nogo hagatì logoile le'ma re, It weak, ìlùk ile lek o. Atì'nogo meneat he, an nen wene atì obogat hagatenem ineileken neasukwasik en, an nopase neperak inapsìrì motok haga'ninabì'lùgì o.

1 YOHANET 5:20

At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.

YOHANET 6:40

nopase a'la akikerek o. Atì'nogo akìkì logolìk, apùnì nen Ala aput nebe yì ineileken nììgìk, inetaùken noba hìpìrethìgìk, iko halok, inebe lopok ineluk motok logouagalùk, o elùgùn oba, an nen inelugurinabuagalùk a'la akikerek o,” ìlùk yogoisasike.