YOHANET 12:42 - Ala Ane Wene Ket Mene Warogo Wo'ninapike Wene

⁴² Wene atì'nogo isikomo helal waganek werek meneat he, it ap kaintek Yahuri mene he'nakìt inebe apigat, inetaùken Yesùt oba hìpìrethesukwa meneat he, it en he, yì'nogo hagatì lagaukwa: “It ap Parisi mane nen o napan egare'ma nen nineki lisogo wulakhina nogo,” ìlùk he, “Ninetaùken Yesùt oba hìpìrethogo,” ìlùk apùnì ineilhanem pak hogo ìkì lagaukwa lek.

YOHANET 12:42 ပူးပေါင်းရင်းမြစ်များ

YOHANET 9:22

Atì'nogo yogoisasukwa atì re, it ap kaintek Yahuri mene nen, ìkì logolìk he, “It apùnì inebe lopok en, Ap yì re, Ala nen nit apùnì telninabuagalùk lakhei wesigin isike a'nogo Karìsùt ebe yìat o, ìlùk pak hogo iko halok he, ouma sapan egare'ma nen lisogo wulaksùok o,” ìlùk wene palhukwa mene werek atì nen he, ap atì opase agosa it ap kaintek Yahuri mene inayùk en he,

YOHANET 7:13

Atì'nogo isukwa meneat he, it ap kaintek Yahuri mene inayùk en he, inane weinam hogo Yesùt abok ìgì'lek. We sami-samok enek isukwa atì.

MATÌÙT 10:32

Atì'nogo yogoisasikesik, aike mel yogoisasike: “Sa nen, Yesùt atì an noe o, apùnì ineilhanem ane pak hogo iko halok he, an hogo re, At atì an nagot o, ìlùk nopase pogot oba mene eilhanem, nane pak hogo iginat o.

1 YOHANET 4:15

Sa nen, “Yesùt atì Ala aput,” ìlùk pak hogo yogoisikerek halok, at Ala nen at eperak hutik motok, nen, at en Ala eperak hutik motok, welagaikarek o.

1 YOHANET 4:2

Hit en he, “At atì Ala Areagùn mene a'la werek a? Hùnogoat mene a,” ìlùk inoabut tak palhì logousak atì re, yì'nogo. It aike wìrìk he, “At Yesùt Karìsùt atì, Ala nen lakhei wagaikomo eberogoat abat ta'lasi wagaike,” ìlùk pak hogo egarek mene nen iko halok he, hit en he, “It atì Ala Areagùn ina'la logolìk ìlì'lùgì,” ìlùk, hùrisìkì logousak o.

ÙRÙM 10:10

Apùnì inetaùken Ala oba hìpìrethikenem he, at en ùkùm inoba mene korogo wokhìlìk, hobuk inapotkwe at inom hùnogo hisikerek. Nen, inape ha nen, at abok pak hogo ikenem he, telinaperek atì.

LAKSASIKE 5:41

Wulaksasukwama, it ap wene ero pìlìngìtì lagaukwa mene amanogo heraksalùk wùlùpukwasik, it-it ìkì logolìk he, “Ala nen he, Hit Yesùt etage hesik apùnì nen, Hit weak, ìlùk wenakhisamo elok, ìlùk a'la akike higit hogoat wena'nisaga atì hano,” ìlùk ina'la hai hakìlìk wùlùpukwa.

YOHANET 19:38

Atì'nogo hagasukwama, ap Yùsùp, awì o Arimatea mene, Yesùt awe a'ma kisikesik, ap Yahuri mene ayùk en he, ane hinagasogo wanhì lagaike mene atì nen, Yesùt warek wanigìlùk ap Pilatùt kìno yogosi lagaike. Atì'nogo kìno yogosikomo, at Pilatùt en he: “Ì o. Hano,” ìlùk yogosikomo, at Yùsùp en Yesùt warek a'nogo wani wagaike.

YOHANET 16:2

Apùnì nen o sapan egare'ma nen hit hineki lisogo wulakhikogoinat o. Nen, hobuk it apùnì hit hinoasugun mene inebe lopok ina'la nen he, Ala hesik hano inoato, ìlùk, ugun mene weregat o.

YOHANET 11:45

Atì'nogo hagasikomo, it apùnì Yahuri mene inebe apigat Maria lak inoba wagaukwasik welagaukwa mene amanogo, at Yesùt en hagasike mene atì ineileken hasukwasik he, it he'nakìt logolegat inetaùken Yesùt oba hìpìrethesukwa.

YOHANET 9:34

it en he, mel yogosukwa: “Hat hoabùt weagat ta'lagagitik, weak motok hagatetek meneat he, hat en wene nit yakùlnisasak nogo? Motok mea o,” ìlùk yogosukwasik he, o sapan egarek oba nen eki lisogo legeta'ma wulaksa wagaukwa.

YOHANET 3:2

At ap atì o hùako ineki aike sapùl Yesùt oba wagaikesik he, mel yogosike: “Noe. Ap aike Ala eperak hutik lek halok he, hat en elalin mene hagarìk nìkì lagen atì hak, hagasusak motok mea. Atì nen he, hat en wene yakùlnisoagalùk Ala nen lakhagei wagama wagen ìlùk ninelu aga,” ìlùk yogosike.

LUKAT 12:8

Atì'nogo yogoisasikesik, aike mel yogoisasike: “Sa nen, Yesùt atì an noe o, ìlùk apùnì ineilhanem, pak hogo iko halok he, an abat ta'lasi wagagi a'nogo nen hogo re, At yì an nagot o, ìlùk, it malaikat Ala nen yoko laksa wagarek mene amanogo ineilhanem nane pak hogoat yogoisegein o.

LUKAT 6:22

Nen, it ap yoma inapulak en, it ap alep Ala ane yogoisìkì lagaukwa mene hagarinapì lagaukwa hagat, hit yogotak an abat ta'lasi wagagi a'nogo nane wanhep atì nen ina'mapsìrì wathikìkì logolìk, hit enek kogologo hikìgìk, inane pùk weak wenakhisìgìk. Ap yì weak, ìlùk hinetage ìkì logolìk hinabok weak palhìk, atì'nogo hagathinapo halok, oko wokhisegein mene pogot oba apik werek atì nen he, hina'la hai hakìkì logolìk huleken etawì watì logoino.

LUKAT 23:13

Nen, at Yesùt wolok lagaukwama re, at Pilatùt en, it ap Ala esewerek mene inogogì kaintek mel, it ap Yahuri mene kaintek inetagewerek mene aike mel, inagoromì obogat mel, “Atogosi we'ni o,” ìlùk yogoisasikomo wagaukwama re,

YOHANET 7:31

It aike nen hakhouogolùk ìkì lagaukwa meneat he, it apùnì apik amanogo inebe heta logolegat inetaùken Yesùt oba hìpìrethesukwasik mel isukwa: “Ap arì elalin mene hagate re, mea akegep? Nen, apùnì telninabuagalùk Ala nen lakhei wesigin isike a'nogo wìrìk he, ebe hùthoagalùk elalin mene hùkoat hagasigin nogo? Lek o,” ìlùk isukwa.