YOHANET 12:40 - Ala Ane Wene Ket Mene Warogo Wo'ninapike Wene

⁴⁰ “At Ala nen he, it ineileken nen tùkùm hogo hìlìk, ina'la ebethìlìk inoabùt hebelarìk he, an nawe a'ma waganem, an nen it hano hagarinabi nogo ìlùk, an nenat it ineileken mùmetsìgìk, ina'la pùgùtsìgìk, isigi o,” ìlùk isikomo, Yesaya nen helal waganogo hesikomo werek atì.

YOHANET 12:40 ပူးပေါင်းရင်းမြစ်များ

LUKAT 8:10

at Yesùt en he, mel yogoisasike: “Ala nen awe a'ma hisikerek wene atì, at a'la hinago welagaike mene atì, hit enek he, wene atì hinelu asuageip ìlùk pak hogo yogohisasak ìlùk, akasike meneat he, it apùnì aike atì re, at Ala nen he, Ineileken hìkì logogun meneat he, tùkùm hogo hìkì logogun lek o. Nen, inasuk holhì logogun meneat he, tùkùm hogo hùthìkì logogun legat o, ìlùk isike atì higit asuagalùk wene atì oba lìthìgìgat yogoisìkì lagì o,” ìlùk yogoisasike.

LAKSASIKE 3:19

Atì nen he, hit weak hagatì lagep mene atì, ninopase Etagepogot Ala nen sagalogo legetsìlìk, hinetaùken hesik hineil ekat hogo hagathinabi wagìk, at en he, Karìsùt hinebe telhinapùkwe hinoba lakhei wesigin, ìlùk wene warisasike a'nogo ebe Yesùt atìat hinoba hobuk lakhei wagìk, uak en he, hinoabùt hebelarìk hinelokwe Ala wago'no o.

YOHANET 9:39

Ati'nogo hogorasikomo, at Yesùt en he, mel yogosike: “An nen apùnì aike ineileken mùm mene hùgì hanorinapìk, it aike ineileken hano mene hùgì mùmerinapìk, ìkì logoigìlùk nebe kweangma yoma pi wagagi o,” ìlùk ikenem,

LUKAT 4:18

“It apùnì inagarok motok lek inelageik mene atì hano wene yì yakùlisìkì logouagalùk menhanhikomo nogo nen he, nopase Etagepogot Areagùn pelakhei wagama an noba louksek werek o. Nen, nayoko hìkì logolìk mel yogonesike: It apùnì ineki hele homago mene hele hikalinabigin wene inom, ineileken pùk mene hano asuagalùk hagarinabigin wene inom, yogoisìgìk, it apùnì inawe a'ma negen sebelogo hebisìlì'lùgì mene telogo inalepma hisìgìk,

ÙRÙM 9:18

At Ala nen, “At yì netawì,” ìlùk a'la akikerek mene halogat, etawìratìk, nen, “At atì etaùken ningetsegein,” ìlùk a'la akikerek mene halogat etaùken ningetsìgìk, ikerek atì.

LAKSASIKE 28:26

Ala nen he, Apùnì aroma inoba lìlìk he, wene yì yogoisano. Hinasuk holek logogun meneat he, tùkùm hogo hùthìkì logogun lek o. Nen, hineileken hìrogo logogun meneat he, tùkùm hogo hìkì logogun legat o.

MATÌÙT 15:14

Ineileken mùm logolìgat he, kwe lisìlì'lùgì atì hebisani o. At aike eileken mùm mene nen, at aike atì'nogo eileken mùmat mene yogotì logolìk he, Kwe yìkwe lù, ìlùk eki hagasogo wolok legein halok he, eperagat holugu i kaluk wagane'ma pile wo'laka pugun o,” ìlùk yogoisasike.

LAKSASIKE 15:3

It Ala againapùrì nen atì'nogo isukwasik laksasukwama re, o atoma nen he, Penisia nen, Samaria nen, laga logolìk he, mel yogoisìlìk lagaukwa: “It apùnì etakwe mene inoabùt hebelarìk inelokwe Ala wogotama o,” ìlùk yogoisìlìk laganem, it Ala againapùrì atoma mene ina'la hai hùkoat hakasukwa.

MAREKÙT 6:52

Atì'nogo hogorasukwa atì re, alep horoti seik-peik hogo wogisasike a'nogo hùthìgì'lek ina'la pùk logolìk, hobuk sogoi palagaikomo hogorasukwa atì.

YOHANET 12:39

At Ala nen tì'nogo hagarinapike atì nen, it atì'nogo eberogoat ìlùk hùthìgì'lek hagatì lagaukwa, ìlùk Yesaya nen aike mel isike: