YOHANET 12:36 - Ala Ane Wene Ket Mene Warogo Wo'ninapike Wene

³⁶ Hit hinebe an lìarinapìrek mane nagainapùrì asuageip en he, an ninom werek kolek yaat, nebe hù'nììlìk hinetaùken noba hìpìrethìkì logoni o,” ìlùk yogoisasike. Wene atì'nogo arat yogoisalùk, it atoma hisalùk, at Yesùt ebe wele'ma hina'lasi lagaike.

YOHANET 12:36 ပူးပေါင်းရင်းမြစ်များ

EPESÙT 5:8

Hit alebat he, o mùmmo welagagip meneat he, yogotak ninoe Etagepogot hinom hùnethìlìk, o lìa ba welagep atì nen he, hinoabùt o lìa ba logolìk hagatì logousak meneat higit hogo hagatì logoino o,

1 TESALONIKA 5:5

Apùnì o likene lìa ba welagaikarek hak, hit obogat lìa atì esewerek meneat welagep o. Nit he, o hùako mùmmo welagaikarek hak, atì mene esewerek welago hùk. Lek o.

YOHANET 8:59

Atì'nogo yogoisìkì lagaikomo, it ap amanogo nen he, at Yesùt ebe wasuogolùk helep inekim wanhukwa meneat he, Yesùt ebe hina'lagaikesik en, o Ala awì wùrì'mo herakhùlùk wele'ma lagaike.

LUKAT 16:8

Atì'nogo hagasike mene atì, at abok oe a'nogo asuk holhìkesik he, mel isike: Egi! A'la motok kagalek atì nayùk e, ìlùk atitigeke mene kolo hagatì lagaike mene a'nogo hogorasike. “Atì'nogo hogorasike atì re, it apùnì kweangma yoma mene inoabùt he, it mene hagasuogolùk ina'la motok kagalek meneat he, it Ala againapùrì ina'la lìa hagarogo hisasike mene atì, inoabùt he, it hake lek atì nen he, atì'nogo isike atì.

YOHANET 11:54

Atì'nogo isukwa atì nen he, Yesùt o Yurea atoma ap Yahuri mene ineilhanem ebe weinam hogo nìkì lagì'lek. We, hinak-hinak nìkì lagaikesik he, o atoma heraksalùk, o leimo apùnì le'ma era'lu o kota etage Eperayim lagaikesik, at agoromì ane wanhì lagaukwa mene amanago inom atoma welagaukwa.

1 TESALONIKA 5:8

Mene re, nit lìa ba welagorek mene yì, ninoabùt hebelogo logolìk he, apùnì aike nen inoasinogo ìlùk sìng inoake ba itarek hak, ninetaùken Ala oba hìpìrìk logolìk, apùnì inebe ninetawìrogo welagorek atì meneat ìkìgik, inùkùloa'ma inoasinogo ìlùk inùkùlasu haro mene salharek hak, Ala nen telogo hano'ninabigin ìlùk, nina'la hano welago atì meneat salhìgìk, ìkì logouok o.

YOHANET 3:21

Atì'nogo ina'la akagarek meneat he, it aike inoabùt higit hogo hagarì'lùgì mene hùgì inebe lopok, ina'la akìkì logolìk he, Ala ninom hutik logolìk yì'nogo hano hagatì lagoma, ìlùk, weinam asuagalùk, an lìa mene noba wagaikarek o,” ìlùk yogosike.

MATÌÙT 21:17

it apùnì amanogo hebisalùk, o kota atoma nen wùlìbi wagaikesik he, nogo o Petania i wagaike.

MATÌÙT 5:14

Nen, apùnì kweangma lìarinapùkwe re, hirat welagep o. O kota punu ebe ba wùrìk mene hinakhousak he, mea o.

YOHANET 8:12

Hobuk he, at Yesùt en it apùnì amanogo wene aike mel yogoisasike: “Apùnì lìarinapìrek atì, anat o. Sa nen an nopolik nìkì logogin halok he, an nebe lìa logolìk inelugurinapìrek mene a'nogoat wo'nabigin atì nen he, at atì o mùmmo nìkì logogin lek o,” ìlùk ìkì lagaikomo,

YOHANET 12:37

At Yesùt ebe it en hùthoagalùk ineilhanem elalinat apigat hagatì lagaike meneat he, it en, At eberogoat ìlùk, ebe hùthìkì lagaukwa motok lek.

YOHANET 12:46

Nen, it apùnì inetaùken an noba hìpìrethogoin mene hùgì obogat he, o mùm oba logoinogo ìlùk, harinabigìlùk an nebe lìarinapìrek mene kweangma yoma pi wagagi o.