YOHANET 12:31 - Ala Ane Wene Ket Mene Warogo Wo'ninapike Wene

³¹ Yogotak Ala nen, apùnì kweangma mene ùkùm inoba hìgìk, kotìk, ìkì logolìk, ap etagepogot kweangma mene a'nogo mùk hogo wulaksìgìk, igin oba arat asi waga o.

YOHANET 12:31 ပူးပေါင်းရင်းမြစ်များ

2 KORÌTÙT 4:4

Atì'nogo werek atì re, it apùnì kweangma mene inopase Ibilit a'nogo nen inetaùken Ala oba hìpìrethìgì'lek mene atì, inetaùken mùmerinapikomo werek o. At Karìsùt Ala hakeatma re, ebe hogoratarek wene, hano wene atì nen lìarinabusak meneat he, lìarinabinogo ìlùk, inetaùken mùmerinapikomo werek atì.

1 YOHANET 5:19

It apùnì kweangma mene inoabùt inesok mene atì obogat he, at oabùt weak mene a'nogo eki ba welagaikarek. Atì'nogo meneat he, nit enek he, Ala ebe againapùrì mene welago, ìlùk ninelu o.

1 YOHANET 3:8

Nen, at aike nen oabùt weak hagato motok welagarek halok he, at Ibilit oabùt ero ba nenat weak hagateresi'mo nogo nen he, at atì ebe re, Ibilit aput werek o. Mene re, at Ala aput weinam hogo wagaike atì re, at Ibilit oabùt hagaterek mene atì, motok legetsagalùk wagaike o.

EPESÙT 6:12

Nit weim negen yapì lago atì re, apùnì mene ninom yapì iago hùk. Lek o. At he, kain mene, inane werek mene, o mùmmo kweangma yoma hagisek welagaikarek mene, mokareke inoabùt weak mene pogot oba hokolek kweangma hokolek were'ma ninom yapì lago.

YOHANET 14:30

Apùnì kweangma mene inoe kain a'nogo ebe wìrì'logo atì nen he, an wene apigat yogohisegein lek o. At atì wesigin meneat he, an at eki ba welagì lek o.

IBERANI 2:14

At en he, “Apùnì atì an nagainapùrì,” ìlùk isike atì re, nit apùnì wa'lagorek mene hesik isike atì nen he, at ebe wa'laga logolìk, nit apùnì wa'lagorek mene ero at Ibilit eki ba welagarek mene atì, at Yesùt en at Ibilit ebe mabenetsìgìk,

KOLOSE 2:15

At Karìsùt ebe e atì ba wa'laga logolìk, Ibilit agoromì kaintek inomame werek mene inom mabenetsìlìk he, apùnì nen selei mene inom weim yapì logolìk inomame arìk, inebe ineluk hele warogo apùnì ineilhanem wogisek wagaikarek hak, at Karìsùt en sele'ma inekalì wasike atì.

1 YOHANET 4:4

Mene re, nagainapùrì e. It apùnì kweangma mene ina'la welagarek mene atì omame lek meneat he, hit enek he, hinebe Ala againapùrì ma re, at Areagùn omame motok apik mene hina'la werek atì nen he, it ap atì mabenetsìlìk welagep atì o.

MATÌÙT 12:28

Meneat he, an nen nopase Areagùn omame ba mokareke inoabùt weak mene atì apùnì ina'la kìlìk were'ma henogo wulaksìkì lagì halok he, Ala nen awe a'ma hisegein a'nogo arat hinoba hakok i waga o.

YOHANET 3:19

Nen, Ala nen ùkùm inoba hikerek atì re, ebe yì'nogo. An nen lìa hagarinapìrek mene nebe arat kweangma pi wagagi meneat he, apùnì inoabùt weak hagatarek atì nen he, At lìa atì ninabìt o. At he, o mùm atìat walok, ìlùk ina'la akagarek.

YOHANET 9:39

Ati'nogo hogorasikomo, at Yesùt en he, mel yogosike: “An nen apùnì aike ineileken mùm mene hùgì hanorinapìk, it aike ineileken hano mene hùgì mùmerinapìk, ìkì logoigìlùk nebe kweangma yoma pi wagagi o,” ìlùk ikenem,

1 KORÌTÙT 1:20

Apùnì ina'la kagalek mene atì mel, apùnì yì wene tì wene ero inelu mene atì mel, apùnì wene serep aga logolìk inane omame agaikarek mene atì mel, we, tùlemat werek o. At Ala nen he, “Apùnì inawene ina'la kagauk hogo egarek mene atì re, apùnì inetaùken abit mene nen egarek hak ìlì'lùgi o,” ìlùk isike lek nogo?

1 KORÌTÙT 1:21

At Ala a'la motok kagalek atì nen he, mel isike: “Apùnì kweangma mene nen, inokawerek inawene kagauk hogo egarek atì nen he, an nebe inelu asusak mea o. We, it aike nen wene ebe wene yogoisìlìk nikenem, it apùnì kweangma mene nen akìkì logolìk he, Wene ati apùnì kepù mene nen egarek hake ìlì'lùgì, ìlùk iko kolegat he, it aike nen, Wene ati eberogoat, ìlùk akogoin mene halok, an nen telinabiginat o,” ìlùk oba lìok ìlìk okawerek enat isike.