YOHANET 12:28 - Ala Ane Wene Ket Mene Warogo Wo'ninapike Wene

²⁸ Halok he, nopase, hat hetage esinethakan o,” ìlùk yogotenem he, pogot oba nen ane ìkì logolìk, mel isike: “Arat esinethakìgìrìk he, hobuk esinethakegeinat o,” ìlùk yogotenem,

YOHANET 12:28 ပူးပေါင်းရင်းမြစ်များ

MATÌÙT 11:25

Atì'nogo yogoisasikesik he, o atì sat he, at Yesùt en Ala ebe yogotì logolìk he, “Ala nopase e! Pogot kweang esewerek harat o! Wene obogat atì re, it apùnì ina'la kagalek mene mel, yì wene tì wene inelu mene mel, inelu asinogo ìlùk hinakhìlìk he, it inoabùt yekerùgì ketago mene hake nek he, pak hogo yogoisegen atì ha'la walok akegetik enat yogoisegen atì nen hai wathapì lagì, nopase,” ìlùk yogosike.

MATÌÙT 17:5

Atì'nogo yogotenem aremnogoat, ohena kut mene sebelinabi wagaikesik, Ala ane ohena a'nogo a'la nen mel yogoisasike: “An naput netaùken hutìk mene. At hesik na'la hai hakìgìrek o. Halok, at ane holek logoino o,” ìlùk yogoisasikomo,

MATÌÙT 26:42

sapan ebalep isike hagat, hobuk lagak hogo lagaikesik he, mel isike: “Nopase a! An weaga'nabugun yì re, telnabusak mea halok he, hat ha'la akegen atì higit hogoat haga'lasuak o,” ìlùk, sapan isike.

MATÌÙT 3:17

Labok i pi wagaikomo re, Ala ane pogot oba nen, “Naput netawì e. Noba lìok ike o,” ìlùk ane pelakhei wagaike.

MAREKÙT 1:11

Eileken hasikomo re, Ala ane pogot oba nen mel isike: “Hat hebe an naput netaùken hutik mene. Hat hesik na'la hai hakìgìrek o,” ìlùk ane pelakhei wagaike.

MAREKÙT 14:36

hobuk aike mel isike: “Nopase. Nopase hallabok e! Hat he, yì mene tì mene hagasumo hagasusak enek atì nen, an weaga'nabugun atì, hat en telnabino, ìlùk u hak he, eken amusu hinago noagalùk wo'nesugun atì hat en wokhano ìgì. Mene re, an na'la akìgì atì lek o. We, hat ha'la akegen mene atìat haga'nabino o,” ìlùk sapan isike.

MAREKÙT 9:7

Atì'nogo ikenem he, ohena sebelinabi wagaikesik, at Ala ane ohena a'nogo a'la nen, mel yogoisasike: “An naput netaùken hutik mene ebe arìat o. Halok, at ane holek logoino o,” ìlùk yogoisasikomo re,

LUKAT 3:22

Ala Areagùn sùe pel hake ali'luk hogo ot oba labok i pi wagaike. Atì'nogo hagasikomo re, pogot oba nen ane mel isike: “Naput netawì e! Noba lìok ike o,” ìlùk isike.

LUKAT 9:35

Atì'nogo inayùk agaukwama, at Ala ane ohena a'nogo a'la nen mel yogoisasike: “An naput weteberogo menhesìgì mene ebe arìat o. Halok, at ane holek logoino o,” ìlùk yogoisasike.

YOHANET 11:4

at Yesùt yogosi lagaukwama, asuk holhikesik he, mel yogoisasike: “Oueke atì nen, at ebe motok wa'lasigin hùk. We, an nen hagatenem, apùnì nen Ala ebe hogoratìk, aput an hogo'napìk, uagalùk, oueke atì'nogo oba agama werek atì o,” ìlùk yogoisasike.

YOHANET 18:11

Atì'nogo lakhesikomo, at Yesùt en, mel yogosike: “Peterùt. Hakarok obùlù'mo houa'ma kelakhakan o. Apùnì nen i hinago wogisikenem nekarek atì hak, an nopase nen, Hat yì aik tì aik hagathabugun o, ìlùk yogonesike mene atì higit hogo haga'nabusak mea akegen? Lek o. Haga'nabusagat o,” ìlùk yogosike.

YOHANET 9:3

at Yesùt en he, mel yogoisasike: “Ero ap yì mel, opase agosa mel, weak hagasukwa ba eileken mùm ta'lagaike hùk. At he, Ala nen ap yì hagatenem apùnì nen ineileken hìlìk, at Ala nen hagaterek mene inelu asuagalùk ta'lagaikomo o,” ìlùk yogoisasikesik,

EPESÙT 2:7

At Ala atì'nogo hagasike atì re, o hobuk logogun atì ba logolìk apùnì nen he, “Ala oabùt hano motok en etawì'ninapike,” ìlùk enagat hùthìkì logouagalùk telninapike atì, ebe re, Karìsùt Yesùt enat telninapike.

EPESÙT 3:21

Nit Ala againapùrì atogotorek mene obogat Karìsùt Yesùt ninom hutik logolìk inebe aike hobuk mene ket ta'larìk laga kolek, Ala eberogoat hogorato motok logouok, ìlùk, “Amin,” ìgì atì.

2 PETERÙT 1:17

Nit o atoma were'ma, ninopase Ala nen, at Yesùt ebe hogoratìk, hai watìk, ikenem nit ninasuk holhugu. At Ala ebe esin hogorato motok welagaikarek mene a'nogo nen he, “An naput netaùken hutik mene na'la hai hakìgìrek he, ebe arìat,” ìlùk,