YOHANET 12:25 - Ala Ane Wene Ket Mene Warogo Wo'ninapike Wene

²⁵ Atì'nogo yogoisasikesik, wene aike mel yogoisasike: “At sa nen, a'la nen he, An kweangma yoma nebe neluk logousak walok, ìlùk akikerek halok he, hobuk ebe eluk motok logousak mene hesik nong asigin o. Meneat he, at sa nen a'la nen he, Kweangma yoma neluk logousak he, nabìt, ìlùk akikerek halok he, at atì hobuk ebe nong agì'lek eluk motok logogin o.

YOHANET 12:25 ပူးပေါင်းရင်းမြစ်များ

MATÌÙT 10:39

Sa nen okawerek ebe elele helegein halok he, ebe wa'larìk nong asigin o. Meneat he, sa nen an hesik wa'lasigin halok he, ebe elele helegein o,” ìlùk yogoisasike.

LUKAT 17:33

Sa nen okawerek ebe elele helegein halok, hobuk ebe nong asigin o. Meneat he, sa nen ebe elele helìgì'lek nong asigin halok he, ebe telegein o.

MAREKÙT 8:35

Sa nen, An nebe neluk logousak walok, ìlùk ebe elele helegein halok he, wa'larik nong akegein o. Meneat he, sa nen, an nebe hesik mel, hano wene yì hesik mel, wa'lasigin halok he, ebe telegein o.

MATÌÙT 16:25

Nen, sa nen okawerek en, An nebe neluk logousak walok, ìlùk ebe elele helegein halok he, wa'larìk nong akegein o. Mene re, sa nen ebe elele helìgì'lek an hesik wa'laga halok he, ebe elele helegein o.

LUKAT 14:26

“Hit hinopasa hinagosalak mel, hinagagwì hinagainapùrì mel, hinogogì hinagoromì mel, hinebe hinokawerek atì mel, obogat, Motok nabìt o, ìlùk, akìgì'lek logolìk, an nagoromì asuogolùk nawe a'ma ki wesusak mea o.

ABÌKAKAN 12:11

It ninerùgì ninagaiya'lak atì inokawerek inebe inetawì agì'lek, Ninoata halok he, hanoat o, ìlùk nikenem inoata. It atì re, Topa Eak amep wulagasogo wasukwa atì ba ho, it en Ala ane ebe wene atì pak hogo yogoisìlìk nìkì lagaika atì ba ho, Ibilit a'nogo arat mabenetsaga atì o.

MATÌÙT 19:29

Halok, an netage hùko asuagalùk sa nen awì wùrìk mel, oe agot mel, erùgì mel, opase agosa mel, againapùrì mel, eyabu siok mel, heraksalùk waga halok he, obùlù'mo Ala nen oko ebe mene motok apik wogotìk, nabùlal-habùlal wogotìk, ìgìn o.

LAKSASIKE 20:24

Atì'nogo meneat he, an nebe neluk logousak atìat esin ìlùk atì mene esinethìkì lagì lek. Ninoe Etagepogot Yesùt en nayoko hìkì logolìk, at en he, Ala oabùt hano nen hagarinaperek wene hano wene atìat yogoisìlìk lano o, ìlùk nayoko hesike atìat wùrep oba kobok hogo hagasìlùk esinethìkì lagì o.

LAKSASIKE 21:13

Asuk watenem, at en he, “Hit le aga logolìk, netaùken ekinethìkì lagep atì nahalok. Ninoe Etagepogot Yesùt hesik he, o Yerusalem atoma nen neki hele nek wasusak akìkì lagep a? Lek o. Neki hele watìk, nebe noatìk, umo hanoat o. Atì'nogo haga'nabusak elogat akìkì lagì,” ìlùk yogoisasike.

IBERANI 11:35

it hìmì aike ineagwì warek mene hobuk inelugurinapenem woginapìk, hagarìk waga lagaukwa. Atì'nogo hagarìk wago kolek, it aike re, inebe hobuk hano logogun mene Ala nen inelugurinabuak en, apùnì aike nen inebe wiik-weak hogo hagarinapo kolek, inogat elele helìgì'lek welagaukwa.