YOHANET 12:17 - Ala Ane Wene Ket Mene Warogo Wo'ninapike Wene

¹⁷ Nen, at Lasarùt warek salhukwasi'mo nen he, at Yesùt en waesikomo ebe eluk agaikesik wùlìbi waganem, it apùnì ineileken hasukwa mene amanogo nen, it he'nakìt yogoisìkì logolìk,

YOHANET 12:17 ပူးပေါင်းရင်းမြစ်များ

ABÌKAKAN 1:2

Ati'nogo yogonetomo, Ala ane atì Yesùt Karìsùt en abok yogonetenem wene obogat an neileken hìgì mene atì abok pak hogo helal waganogo hìgì atì o.

LAKSASIKE 5:32

Atì'nogo hagate ìlùk nit nineileken tùkùm hogo hogosik en, Eberogoat, ìlùk yogohisìkì lago. Apùnì Ala ane hologo hagatorek mene hùgì, at Areagùn wo'nisikerek atì ninom enat wene atì yogohisìkì lago,” ìlùk yogoisasike.

YOHANET 19:35

Atì'nogo haga'lagaike mene atì, hit hùthoageip ìlùk, ap aike eileken welagaike mene nen wene atì abok pak hogo ìlì'logo. Nen, at en hogo re, “Eberogoat neileken tùkùm hogoat hìgìrìk abok pak hogo yogoisìgì,” ìlùk, at eluat o.

YOHANET 12:9

At Yesùt en atì'nogo yogoisasikesik were'ma, apùnì nen he, “At Yesùt o Petania werek o,” ìlùk isukwama, it apùnì Yahuri mene inebe logolegat inasuk holhukwasik lagaukwa. Atì'nogo lagaukwa atì re, at Yesùt enek ineileken hùogolùk lagaukwa hùk. At he, Lasarùt warek mene Yesùt en eluguthesike a'nogo eperagat ineileken isùogolùk lagaukwa.

YOHANET 21:24

Wene Yesùt agot aike hesik isike atì, nebe anat o. An neileken hasigi mene nenat pak hogo yogohisa hak, helal palogo hìgì yì. Wene atì an neileken hasigi mene nenat pak hogo yogohisìgì eberogoat, ìlùk, nit obogat ninelu.

YOHANET 11:42

An nen hat kìno yogohetenem, nane hasuk holhetek a'nogo, an nelu meneat he, it apùnì yoma nen, hat en an lakhani wagagin atì nebe hùthanuagalùk yogohetì o, nopase,” ìlùk isikesik,

YOHANET 11:31

Maria atì'nogo heageak siak hogo wùlìbi wagaikomo re, it apùnì Yahuri mene Maria a'la hanorogo ìlùk ouma welagaukwa mene amanogo ineileken hasukwasik he, “Maria lasarùt oak oba le asi laga hìgì,” ìlùk opolik wagaukwa.

YOHANET 1:34

at ebe neileken tùkùm hogo hìgìrìk hùthìgì o. Atì'nogo hùthìgìrìk, at atì Ala aput eberogoat o, ìlùk, abok hit pak hogo yogohisìkì lagì yì,” ìlùk yogoisasike.

YOHANET 1:32

Atì'nogo yogoisasikesik, hohuk at eileken hasike mene pak hogo mel yogoisasike: “Ala Areagùn sùe pal hake mane pogot oba nen pi wagasik Yesùt ot oba laboksek were'ma neileken hìgì o.

YOHANET 1:19

At Yohanet en wene atì'nogo yogoisiko were'ma, it ap Ala esewerek mene mel, inùkùl etage Lewi mene mel, inom en, “Yohanet. Hat hebe sa hak nogo,” ìlùk, oba hinok wanuagalùk, ap Yahuri mene o Yerusalem en laksa wagaukwama Yohanet oba wagaukwa.