YOHANET 11:45 - Ala Ane Wene Ket Mene Warogo Wo'ninapike Wene

⁴⁵ Atì'nogo hagasikomo, it apùnì Yahuri mene inebe apigat Maria lak inoba wagaukwasik welagaukwa mene amanogo, at Yesùt en hagasike mene atì ineileken hasukwasik he, it he'nakìt logolegat inetaùken Yesùt oba hìpìrethesukwa.

YOHANET 11:45 ပူးပေါင်းရင်းမြစ်များ

YOHANET 11:19

it apùnì Yahuri mene apigat, he Maria mel, Mareta mel, inerei Lasarùt ware'ma ina'la hanorogo ìlùk, inoba wagaukwasik welagaukwa.

YOHANET 2:23

Atì'nogo isukwasik werek kolek, o Yerusalem it apùnì Yahuri mene wam topa wam warogo pesta Paskah niko kolek, at Yesùt atoma inom logolìk ebe hùthoagalùk, elalin mene hagarìk lagaike atì nen he, apùnì apik ineileken hasukwasik inetaùken at oba hìpìrethesukwa.

YOHANET 12:42

Wene atì'nogo isikomo helal waganek werek meneat he, it ap kaintek Yahuri mene he'nakìt inebe apigat, inetaùken Yesùt oba hìpìrethesukwa meneat he, it en he, yì'nogo hagatì lagaukwa: “It ap Parisi mane nen o napan egare'ma nen nineki lisogo wulakhina nogo,” ìlùk he, “Ninetaùken Yesùt oba hìpìrethogo,” ìlùk apùnì ineilhanem pak hogo ìkì lagaukwa lek.

YOHANET 11:31

Maria atì'nogo heageak siak hogo wùlìbi wagaikomo re, it apùnì Yahuri mene Maria a'la hanorogo ìlùk ouma welagaukwa mene amanogo ineileken hasukwasik he, “Maria lasarùt oak oba le asi laga hìgì,” ìlùk opolik wagaukwa.

YOHANET 10:41

Atoma were'ma, apùnì apigat at oba wagaukwasik he, mel isukwa: “At Yohanet en elalin mene aike hagatì lagaike motok lek meneat he, at en ap yì abok ìkì lagaike a'nogo ane ebe nek agaike,” ìlùk isukwasik he,

YOHANET 7:31

It aike nen hakhouogolùk ìkì lagaukwa meneat he, it apùnì apik amanogo inebe heta logolegat inetaùken Yesùt oba hìpìrethesukwasik mel isukwa: “Ap arì elalin mene hagate re, mea akegep? Nen, apùnì telninabuagalùk Ala nen lakhei wesigin isike a'nogo wìrìk he, ebe hùthoagalùk elalin mene hùkoat hagasigin nogo? Lek o,” ìlùk isukwa.