YOHANET 11:4 - Ala Ane Wene Ket Mene Warogo Wo'ninapike Wene

⁴ at Yesùt yogosi lagaukwama, asuk holhikesik he, mel yogoisasike: “Oueke atì nen, at ebe motok wa'lasigin hùk. We, an nen hagatenem, apùnì nen Ala ebe hogoratìk, aput an hogo'napìk, uagalùk, oueke atì'nogo oba agama werek atì o,” ìlùk yogoisasike.

YOHANET 11:4 ပူးပေါင်းရင်းမြစ်များ

YOHANET 11:40

at Yesùt en he, mel yogosike: “An nen wene yogohetì logolìk, Hetaùken an noba hìpìrethegen halok he, Ala hogoratarek mene a'nogo aike hagatenem heileken hegeinat o, ìlùk, arat yogohetì'lek nogo? Yogohetìat o,” ìlùk yogosikomo,

YOHANET 9:3

at Yesùt en he, mel yogoisasike: “Ero ap yì mel, opase agosa mel, weak hagasukwa ba eileken mùm ta'lagaike hùk. At he, Ala nen ap yì hagatenem apùnì nen ineileken hìlìk, at Ala nen hagaterek mene inelu asuagalùk ta'lagaikomo o,” ìlùk yogoisasikesik,

1 PETERÙT 4:14

Apùnì aike nen at Karìsùt hesik wenakhisiko halok he, hina'la nen he, “Ala Areagùn hogoratarek mene a'nogo ninoba louk ikomo welago,” ìlùk hina'la hai hakìkì logoino o.

YOHANET 17:5

Nopase. Kweang oan walhìgì'lek logolìk, neperagat esin welagagu a'nogo mene yogotak hat were'ma atoma esinethanino.

YOHANET 2:11

At Yesùt ebe hùthoagalùk elalin mene aike hagatì'le'ma emakum hagasike re, o Kalilea o kota Kana logolìk hagasike atì. Atì'nogo hagasike atì ba, at hogoratarek mene inelurogo yakùlisasikomo, it at agoromì ane wanhì lagaukwa mane amanogo Yesùt ebe hùthìlìk, inetaùken at oba hìpìrethesukwa.

1 PETERÙT 4:11

Atì'nogo ìkì logolìk, Yesùt Karìsùt hinom hutik logolìk hagatenem, it apùnì aike nen Ala hogoratì logouagalùk, hit aike nen wene yogoisìkì logolìk, Ala aneat yogoisìgìk, hit aike nen it aike leberisìkì logolìk, Ala omame wo'nisikerek atì baat leberisìgìk, ìkì logoino o. Atì'nogo hagatì logolìk, Yesùt omame apik esok motok welagarek a'nogo hogorato motok logouok ìlùk, “Amin,” ìgì atì.

PILIPI 1:20

An na'la nen he, wene Karìsùt hesik u nekalì agì'lek yogoisìkì logousak namolo. Halok, nekalì agì'lek yogoisìkì logogin o, ìlùk, hùthìlìk na'la hano welagì. Ninhùp-nanhùbat pak hogoat yogoisìgìrek hak, yogotak atì'nogoat yogoisagalùgat welagì. Nebe neluk logoumo hanoat. Nen, wa'lasumo hanoat. An atì'nogo haga'napo kolek, nebe abirekeat Karìsùt hesik hagatì lagì atì ba, apùnì nen Karìsùt hogorasuagalùgat welagì.

YOHANET 17:1

At Yesùt en wene atì'nogo yogoisasikesik he, at ot hìok hogo eileken pogot oba lìakhasikesik he, mel isike: “Nopase. An haga'nabugun a'nogo arat asi waga o. Hat en hageat apùnì aike wo'nesigin mene hùgì inebe lopok an haput en hagarinabumo ineluk motok logouagalùk apùnì obogat neki ba hesigin atì nen he, hat hebe esinethageik en, an haput esinethani me o, nopase.

YOHANET 9:24

Atì'nogo isukwama, it en he, ap alebat eileken mùmat ta'lagaikesik welagaike mene a'nogo hobuk, “Eme,” ìlùk waesukwama wagaikomo re, mel yogosukwa: “Ap atì ebe weak hagaterek mene nit ninelu atì nen he, hat hokawerek en hane eberogoat Ala etage hopuk palogo yogonisan o,” ìlùk yogosukwama,

YOHANET 8:54

at en he, mel yogoisasike: “An nokawerek en hogorakìkì logoilema re, we tùlemat hogorakìkì logoile o. An nopase ebe nelu mene atì, hit en, at ebe hùthìgì'lek logolìk, Nit ninopase Ala, ìlùk egesep a'nogo, at ebe nenat, hogo'nabì'logo. An nen, At ebe nokot, ìlùk ilema re, hit hinapeliak egesep hagat ile o. Mene re, at ebe nelu nogo nen he, at ane hologo hagatì lagì o.

ÙRÙM 11:11

An nen hinok aike wokhisagat. Apùnì kwe laganem inesok a'lip temuk hogo waragarek hak, it apùnì Isirael mene weak agaukwa atì, moto'-motogat alema'lagaukwa nogo? Motok lek o. We, it weak hagasukwa atì nen, Ala nen it apùnì etakwe mene telinapike atì. Atì'nogo telinapenem he, it Isirael mene nen: “Nit telninabuem,” ìlùk inoba ua palìk inepe hebelasuagalùk hagasike atì.

YOHANET 17:10

An mene obogat he, hat meneat o. Nen, hat mene obogat he, an meneat o. It hagarì'lùgì atì ba, an esinethanì'lùgì o.

YOHANET 12:28

Halok he, nopase, hat hetage esinethakan o,” ìlùk yogotenem he, pogot oba nen ane ìkì logolìk, mel isike: “Arat esinethakìgìrìk he, hobuk esinethakegeinat o,” ìlùk yogotenem,

1 PETERÙT 1:21

Ebe wa'lagaikesi'mo Ala nen eluguthìlìk hogoratì logouagalùk menhesikomo, hinetaùken Ala ba hìpìrethìlìk, “Hobuk at en hano'ninabigin,” ìlùk oba eberek welagep atì.

PILIPI 1:11

Yì mene tì mene awì yatenem ero hùko arìk eken ìterek hak, at Yesùt Karisùt en hagathinapì logogin oba, hinoabùt higit hogo hagato motok aike inomat hagatì logogun halok, at ebe waganem he, apùnì aike nen Ala hai watìk, hogoratìk, ugun o.

YOHANET 10:38

Meneat he, an nen hagato kolegat, hit eberogoat ìlùk hinetaùken an noba hìpìrethousak hinabìt atì o. Atì'nogo hagatesep atì re, an nen nopase neperak hutik, nen at en an neperak hutik, welagorek atì, hinelu arìk en eberogoat ìlùk hùthoageip en he, an hagatì lagì mene atì eberogoat ìlùk hùtheni o!” ìlùk yogoisìkì lagaikomo,