YOHANET 11:38 - Ala Ane Wene Ket Mene Warogo Wo'ninapike Wene

³⁸ Ati'mogo isukwama, at Yesùt etaùken hiselhikomo re, warek ebe amoulama aka holele'ma helep te'mek hogo hei lagaukwa ba atoma ha lagaike.

YOHANET 11:38 ပူးပေါင်းရင်းမြစ်များ

MATÌÙT 27:60

omoula at mene okawerek en kerat ako holelhike ba atì hìlìk he, kwe helep sabìa hùko mene lìpìlogo hei wìrìk te'mek hogo labethùlùk lagaike,

MATÌÙT 27:66

Atì'nogo yogoisasikomo, it amanogo wogisek wagaukwasik he, apùnì nen kwe husinogo ìlùk he, warek salek oba kwe helep te'mek hogo hesukwa a'nogo oba silo hagarek atì hak amusu wathìlìk, it ap kagalek logogun mene amanogo kagalek hisalùk lagaukwa.

MAREKÙT 15:46

Atì'nogo yogosikomo wagaikesik he, su kain kut hano mene oko palogo Yesùt warek a'nogo e ba nen pelakhei wìrìk he, su a'nogo ba ìkìlogo re, omoula apùnì warek hisùogolùk apùnì ineki nen ako holelhukwa mene ba hesike. Hìlìk he, helep hùko mene lìpìlogo wolok wìrìk he, te'mek hogo labethesike.

MAREKÙT 8:12

Yogosukwama re, at ane agaukwak a'marogo isikesik he, mel yogoisasike: “Hit apùnì o yogotak welagep yoma nen ìkì logolìk he: Nit en hùthagagùkwe hat en elalin mene aike hagasin he, ìlùk yogoneti lagep yoma re, nahalok. An nane eberogoat yogohisak: Hùthanuageip ìlùk an nen elalin mene aike hagasigin motok lek o,” ìlùk yogoisasike.

LUKAT 24:2

Wagaukwasik ineileken hìthasukwa re, omoula warek helep mene te'mek hogo yagarogo hesukwa a'nogo lìpìlogo lakhesukwama kwe hùrìk were'ma ineileken hasukwa.

YOHANET 11:33

it apùnì Yahuri mene Maria opolik wagaukwa mene amanogo inomat le aganem, at Yesùt en eileken isìlìk, it etawì nen etaùken hiselhikomo re, inoba hinok wogisìkì logolìk he, mel yogoisasike:

YOHANET 20:1

Warek atì'nogo hesukwasi'mo nen, o hari Minggu ba, at he Maria aua o Maktala mene a'nogo o mùm werek kolek hùp siak hogo warek omoulama hesukwa ba a'nogo wagaikesik eileken hìthasike hak he, kwe helep mene laberogo hesukwa mene a'nogo, wokhasukwama kwe hùrìk were'ma hasike.