YOHANET 11:33 - Ala Ane Wene Ket Mene Warogo Wo'ninapike Wene

³³ it apùnì Yahuri mene Maria opolik wagaukwa mene amanogo inomat le aganem, at Yesùt en eileken isìlìk, it etawì nen etaùken hiselhikomo re, inoba hinok wogisìkì logolìk he, mel yogoisasike:

YOHANET 11:33 ပူးပေါင်းရင်းမြစ်များ

YOHANET 11:38

Ati'mogo isukwama, at Yesùt etaùken hiselhikomo re, warek ebe amoulama aka holele'ma helep te'mek hogo hei lagaukwa ba atoma ha lagaike.

YOHANET 12:27

At Yesùt en wene atì'nogo yogoisasikaeik he, sapan aike mel isike: “Nopase, an yì aik tì aik hegein atì nen, yogotak netaùken motok hiselì'logo atì re, hat en nebe telnabin o, illùk yogohesusak meneat he, atì'nogo haga'nabuagalùgat wagagisi'mo nogo nen he, atì'nogo igin lek o, nopase.

MAREKÙT 3:5

Kamo isukwama re, at Yesùt eileken isìlìk lagaikesik he, a'la nen he: “Inoabùt lagai-lagorek yì rì!” ìlùk a'la kolo arìk a'mage lagasike. A'mage lagalìk inoba uarek he, ap a'nogo mel yogosike: “Heki kothan o,” ìlùk yogosikomo re, eki kothasikomo arat hano agaike.

ÙRÙM 12:15

It apùnì aike ina'la hai hakiko halok he, hit hinomat hina'la hai hakìgìk, it aike le ago halok he, hit hinomat le agìk, ìkì logoino o.

IBERANI 4:15

Nit ninoe kain Ala esewerek welagarek atì re, nit ninomame lek mea atì, at okot hùk o. At nit ninoabùt wanhikesik were'ma, nit weak hagasuagalùk nina'la kagalherek atì hak, at atì'nogoat yì hesik tì hesik a'la kagali waga lagaike meneat he, at weak aike hagatì'lek logolìk ninoabùt elu o.

MAREKÙT 9:19

Yogosikomo re, at en it apùnì amamogo mel yogoisasike: “Hit apùnì o yogotak welagep mene yì re, hinetaùken noba hìpìrethìgì'lek welagep yì rì! An nepe morogo neki mìren oba ninom logogun nogo. Yekerek arì an noba wolok we'ni o,” ìlùk yogoisasikomo oba wolok wagaukwa.

YOHANET 13:21

At Yesùt en, wene atì'nogo arat yogoisasikesik oba nen, at a'la weak agaikomo, ane pak hogoat mel yogoisasike: “Hit ap hinebe ya mene aike nen an nebe noasuagalùk yoko legein o, ìlùk eberogoat yogohisìgì,” ìlùk yogoisasike.

YOHANET 11:19

it apùnì Yahuri mene apigat, he Maria mel, Mareta mel, inerei Lasarùt ware'ma ina'la hanorogo ìlùk, inoba wagaukwasik welagaukwa.

YOHANET 11:31

Maria atì'nogo heageak siak hogo wùlìbi wagaikomo re, it apùnì Yahuri mene Maria a'la hanorogo ìlùk ouma welagaukwa mene amanogo ineileken hasukwasik he, “Maria lasarùt oak oba le asi laga hìgì,” ìlùk opolik wagaukwa.

YOHANET 11:34

“Lasarùt ebe kakwe hak salhegepma werek,” ìlùk yogoisasikomo, it en he: “Noe. Heileken hanok en eme o,” ìlùk yogosukwama re,

YOHANET 11:35

at le agaikeat.