YOHANET 11:32 - Ala Ane Wene Ket Mene Warogo Wo'ninapike Wene

³² Wago kolek, he Maria a'nogo eileken Yesùt ebe lakhìlìk he, oba lagaikesik eitep awì yagasogo awe a'ma soma isikesik he, mel yogosike: “Noe. Hat yoma wìrìk logoilenma re, an nenei wa'laga atì, wa'la'lep lek akìgì o,” ìlùk yogosikesik le aganem,

YOHANET 11:32 ပူးပေါင်းရင်းမြစ်များ

LUKAT 17:16

Wagaikesik, Yesùt awe a'ma eitep awì yagasogo ot lupuk hai wasike. Ap atì awì o Samaria mene.

LUKAT 5:8

Atì'nogo haga'lasigìlùk isikomo, at Simon a'nogo Yesùt eilhanem eitep awì yukuk hogo soma ìlìk he, “Noe e! An weak hagatìrek mene yì re, yoma hebanìlùk lan o,” ìlùk yogosike.

LUKAT 8:41

Atì'nogo wanhukwama, ap aike etage Yaìrùt, o apùnì Yahuri mene sapan egarek oba inoe kain mene, a'logo omakeat tago mene ebe ta'lagaikesik oba nen, mo lagagìk pìgìk iko kolek, umur 12 tahun haga'lagaike hak, ou en horogat wa'lasigìlùk ìkì lagaikomo, Yesùt oba wagaikesik awe a'ma eitep awì yagasogo hai watì logolìk he, mel yogosike: “Noe. An naua lùok o,” ìlùk, ane elageik ane yogosike. Atì'nogo yogosikomo, Yesùt at eperak lùogolùk laganem he, apùnì motok apik opolik kerelek-hoporek lagaukwa.

YOHANET 11:2

He Maria atì ebe re, hobuk amusu obasi hano mene ninoe Etagepogot Yesùt esok oba wasikesik esi ba horasike mene a'nogo. Atì'nogo inaua were'ma ineki aike sapùl he, at Lasarùt oba ou hùnesikomo re,

YOHANET 11:21

Lagaikesik Yesùt yogotì logolik he, mel isike: “Noe. Hat yoma wìrìk logoilenma re, an nerei wa'laga atì re, wa'la'lep lek akìgì o.

YOHANET 11:37

Atì'nogo isukwa meneat he, it apùnì amanogo mene he'nakìt en he, mel isukwa: “At en ap aike eileken mùm mene hano hagate atì hak, Lasarùt eluk logouagalùk haga'lepma re, wa'la'lep akegep? Wa'la'lep legat o,” ìlùk isukwa.

YOHANET 4:49

ap kain a'nogo nen yogotì logolìk he, “Noe e. An naput ebe oan wa'lagì'lek werek kolek atemat haga'nok en lùok o,” ìlùk yogosikomo,

ABÌKAKAN 22:8

Atì'nogo yogonetomo, yì wene tì wene obogat yì re, an Yohanet yogonetenem nasuk holhìk, neileken hìgìk, ìgì o. Atì'nogo nasuk holhìk, neileken hìgìk, ìgìrìk he, at malaikat wene atì an neileken lakhoagalùk yakùlnetì laga mene a'nogo, neitep awì yagasogo hogorasigìlùk ìgì.

ABÌKAKAN 5:14

It atì'nogo ikenem he, it Ala nen elalinapikomo ineluk welagaikarek mene aike inebe 4 en amanogo nen mel ìkì lagaika: “Ebe asuak,” u hak, “Amin,” ìkì lagaika. Nen, it inalùgetek inebe 24 amanogo nen hogo re, at awe a'ma kìlìk ineitep awì yagasogo hogoratenem isìgìat o.

ABÌKAKAN 5:8

Atì'nogo ekimo wanhenem he, it Ala nen elalinapikomo ineluk welagaikarek mene aike inebe 4 en amanogo mel, ap inalùgetek inebe 24 en amanogo mel, Topa Eak a'nogo awe a'ma kìlìk ineitep awì yagasogo hogoratì lagaika. Atì'nogo hogoratì logolìk, it ap inalùgetek amanogo inebe lopok gitar hake meeo mel, kemenyan amusu isoak emas mene hagarek mene ha hinago mene mel, inekimo hesogo logolìk etawì watì lagaika. Kemenyan atì ebe re, Ala againapùrì sapan egarek atìat o.