YOHANET 10:36 - Ala Ane Wene Ket Mene Warogo Wo'ninapike Wene

³⁶ an nen he, Nebe Ala aput, ìgì atì nen, Ala etage weagate, ìlùk nenahalok ìkì lagep. Ala nenat nayoko hìlìk eberogoat nebe wenagasogo kweangma yoma lakhani wagaike meneat he, atì'nogo nenahalok ìkì lagep.

YOHANET 10:36 ပူးပေါင်းရင်းမြစ်များ

YOHANET 3:17

Nen, an Ala aput kweangma yoma lakhani wagaike atì re, yì apùnì tì apùnì ùkùm inoba hìlìk weagarinabuagalùk lakhani wagaike hùk. We, inebe telinabuagalùk lakhani wagaike o.

YOHANET 20:31

Atì'nogo meneat he, helal waganek werek yì obogat he, hit en he, Yesùt atì Ala aput, nit apùnì telninabuagalùk wenagasogo lakhei wagaike a'nogo eberogoat, ìlùk hùthìlìk hinetaùken at oba hìpìrethìlìk, at etage palhenem hineluk logouageip ìlùk, helal waganogo hìgì o.

YOHANET 6:27

Sùpùrùk hili arìk lek asusak mane hesik yabu hagatùp o. At he, sùpùrùk motok logogin mene nìkì logolìk, ineluk motok logousak mane atì, an nenat wokhisìkì logouagalùk, nopase nen nayoko hìlìk lakhani wagaikomo, abat ta'lasi wagagi atì hesik yabu hagatì logoni o,” ìlùk yogoisasike.

ÙRÙM 9:5

Nit ninopalak he, it en tagokwe mene. At Karìsùt ebe nit apùnì ta'lagorek hak ta'lagaike atì, it mene nen tasukwa mene re, ebe Ala meneat o. Yì mene tì mene obogat he, a'ma negen meneat he, at enek he, abel pokwe hesaksek atì nen he, at enek hogoratì logogun atì, ebe asuak, ìlùk u hak, “Amin,” ìkì logouok.

YOHANET 20:28

Atì'nogo yogosikomo, at Tomat en he, “Egi! Noe, hebe Hetagepogot Ala at hììgì o,” ìlùk yogosikomo,

YOHANET 19:7

it ap Yahuri mene amanogo nen he, mel yogosukwa: “At en ìkì logolìk, An nebe Ala aput, isike atì nen, wene Ala nen ninasuk wasike wene, nit en hagatorek atì higit hogo, at ebe wasusak elogat o. Halok he, wasusak akìkì lago,” ìlùk yogosukwa.

YOHANET 17:21

Nopase. An nen kìno yogohetì lagì yì re, mel ìlùk. An nen nopase hat neperak hutik, nen, nopase hat en an neperak hutik, welagorek atì hak, it atì'nogoat inebe obogat omakeat logouagalùk kìno yogohetì lagì o. Atì'nogo were'ma, it apùnì kweangma mene nen ìkì logolìk he, At he, opase nenat lakhei wagaike atì eberogoat, ìlùk hùthoagalùk, it inebe nit ninom hutigat logouok o.

YOHANET 17:18

Hat en an nebe apùnì kweangma mene inoba lakhani wagagin a'nogo hak, an nen it atì'nogoat apùnì kweangma mene inoba laksigi o.

YOHANET 17:8

Wene hat en yogonesigin mene amanogo, it arat yogoisigima, arat wanhasik, an hesik ìkì logolìk he, Ala nen lakhei wagaikomo, at were'ma nen eberogoat wagaike, ìlùk inelu agaikasik he, nebe hùthanha o.

YOHANET 6:69

Nit en he, ninoe hat Ala okawerek hesik menhagalìk, eberogoat at en lakhagei wagaikomo ìlùk, hùthagagosik ninetaùken hat hoba hìpìrethogo o,” ìlùk atì'nogo yogosikomo,

YOHANET 6:57

An nopase eluk motok welagarek mene nen lakhani wagaikomo wagagi a'nogo, at eluk welagarek atì nen an neluk welagìrek atì hak, sa nen, an nebe niko halok, an neluk welagìrek atì nen, at elugat logogin o.

YOHANET 5:30

Atì'nogo yogoisasikaik he, wene aike mel yogoisasike: “An naligat na'la nen kagalogo yì mene tì mene hagasusak mea atì nen he, an nen na'la akalùk hagatì lagì lek o. We, at an lakhani wagaike mene a'la akikerek mene hagasigìlùk ìkì lagì atì nen, nopase ane apoligat, apùnì oak tegelogo ùkùm inoba hìgìk, kotìk, ìkì lagì atì, higit hogoat ìkì lagì o,” ìlùk yogoisasike.

YOHANET 3:34

At Ala nen lakhei wagaike mene atì, Ala Areagùn amùkwì agì'lek motogat wogosike atì nen, Ala aneat yogonisikerek o.

LUKAT 1:35

at malaikat a'nogo nen he, “Ala Areagùn hoba louk i wìrìk he, kuna'ma kagarek hak, ninopase Ala Etagepogot omame apik atì awe a'ma hagagin o. Hagoumo, heak Ala aligat aput tasumo re, apùnì nen, At atì Ala aput, ìlùk ìkì logogun o.

MATÌÙT 27:43

Etaùken Ala oba hìpìrìk logolìk, An Ala aput o, ìlùk ìkì laga a'nogo re, at Ala nenat teligin akike halok he, telìnìk he,” ìlùk isukwa.

KALATIA 4:4

Were'ma re, at Ala nen aput ayoko hìlìk kweangma lakhei wesusak arat higit asi wagaikomo re, lakhei wagaikomo, he kweangma mene nenat tasike. Atì'nogo tasikomo, wene Ala nen ninasuk wasike wene a'nogo awe a'ma logolìk asuk hologo hagatì lagaike.

ÙRÙM 8:3

Alep he, wene Ala nen ninasuk wasike wene a'nogo, nit apùnì ninoabùt maben atì nen he, hano haga'ninabusak mea agaike. Mea agaikomo re, nit apùnì ninoabùt weak hagato were'ma, Ala okawerek aput nit hake haga'larìk, nit weak hagatorek mene atì ùkùm oba hìlìk mabenetsoagalùk lakhei wagaikomo mabenetsasike atì.

YOHANET 8:42

at en he, mel yogoisasike: “Hit he, eberogoat hinopase Ala logoilepma re, an nabusak na'la nen kagalogo wagagi hùk. We, nebe ero Ala mane, at en lakhani wagaikomo wagagisik welagì atì nen he, an nebe hinetawìrogo logoilep o.

MATÌÙT 27:54

Nen, ap tentara mene inoe kain mene mel, agoromì he'nakìt Yesùt era'lu kagalek welagaukwa mene amanogo mel, lugul langathìgìk, yì hake tì hake haga'lagìk, isike amanogo ineileken hasukwasik inayùk apik arìk he, “Ap yì re, Ala aput eberogoat hìgì o,” ìlùk isukwa.

YOHANET 10:35

Wene Ala ane helal waganek welagarek atì obogat he, aike sage agarek lek akìgì. Atì nen he, it at ane yogoisasike mene hesik, Hinebe alaat, ìlùk isikomo helal waganek werek kolegat,