YOHANET 10:29 - Ala Ane Wene Ket Mene Warogo Wo'ninapike Wene

²⁹ Ap aike mea meneat he, an nopase nen nako topa wo'nesike mene atì nek he, ebe omame werek o. It an nopase nen wo'nesike mene atì, at eki ba were'ma, it ap aike nen telogo woginabusak mea o.

YOHANET 10:29 ပူးပေါင်းရင်းမြစ်များ

YOHANET 6:37

Mene re, an pogot oba nen pi wagagi atì re, an nokawarek na'la nen kagalogo hagasigìlùk pi wagagi hùk. We, at lakhani wagaike mene a'la akikerek mene atìat higit hogo hagasigìlùk pi wagagi atì nen he, apùnì an nopase nen wo'neterek mene inebe lopok noba waganem he, an nen, Hit an noba wesusak lek, ìlùk, wenagisegein lek o.

YOHANET 17:9

“An nen sapan ìkì lagì yì re, it apùnì kweangma mene hesik ìkì lagì hùk. We, it hat hagainapùrì mene an wo'nesigin atì nen he, it hesigat sapan ìkì lagì o.

YOHANET 14:28

An legein meneat he, hobuk napotkwe hinoba wesigin o, ìlùk yogohisìgì a'nogo arat hinasuk holhep akìgì. An nebe hinetaùken hutik logoilepma re, an nopase ebe esin, nen an nebe mea atì nen he, an nopase oba legein atì hesik hina'la hai hakelep o.

YOHANET 17:6

Apùnì kweangma mene hat en hageat wo'nesigin mene hùgì obogat, hat hebe inelu asuagalùk yakùlisìgì o. It inebe hat mene an wo'nesiginmo nogo nen he, hat hane hologo hagatarek o.

YOHANET 17:11

Yogotak an he, kweangma yoma aregenma logogin lek o. We, hat hea wesigin meneat he, it enek he, kweangma yoma logogun o. Hat weak hagatì'lek tegelek motok welagatek mene, nopase. Nit neperak ninebe omakeat welagorek a'nogo hak, it atì'nogoat inebe omakeat logouak en he, hat hetage esin mene an salnapigin atì ba, it hagisek logoino o, nopase.

YOHANET 10:28

Nopolik niko kolek, it ineluk motok logouagalùk inelugurinapì logogin atì nen he, it inebe wa'larìk nong asugun lek. It an neki ba werek kolek, it ap aike nen telogo woginabusak mea o.

YOHANET 10:30

Nopase neperak ninebe re, omakeat o,” ìlùk yogoisìkì lagaikomo,