Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YOHANET 10:28 - Ala Ane Wene Ket Mene Warogo Wo'ninapike Wene

28 Nopolik niko kolek, it ineluk motok logouagalùk inelugurinapì logogin atì nen he, it inebe wa'larìk nong asugun lek. It an neki ba werek kolek, it ap aike nen telogo woginabusak mea o.

အခန်းကိုကြည့်ပါ။ ကော်ပီ




YOHANET 10:28
60 ပူးပေါင်းရင်းမြစ်များ  

Mene re, an pogot oba nen pi wagagi atì re, an nokawarek na'la nen kagalogo hagasigìlùk pi wagagi hùk. We, at lakhani wagaike mene a'la akikerek mene atìat higit hogo hagasigìlùk pi wagagi atì nen he, apùnì an nopase nen wo'neterek mene inebe lopok noba waganem he, an nen, Hit an noba wesusak lek, ìlùk, wenagisegein lek o.


Atì'nogo eluk motok logolìk, nit apùnì hesik Ala kìno yogoto motok welagarek atì nen he, nit Ala were'ma kuogolùk at oba ha'larìk kikenem elok telninabìk katok hogo hano haga'ninabigin atì.


Hageat, at Ala nen nit ninebe elu logolìk, at aput hake asuagalùk wena'ninapike. At Yesùt ebe makusa mene, agoromì apigat at inom logouagalùk wena'ninapike atì.


Atì'nogo yogoisasike atì re, oan haga'lagì'lek werek kolek alebat, at Yesùt en Ala yogotì logolìk he: “Ala nopase. Apùnì hat en wo'nesigin mene amanogo aike nalagì'lek o,” ìlùk yogosike mene a'nogo ane ebe asuagalùk atì'nogo yogoisasike atì.


At Ala nen hit hano hagathinabigìlùk, emakum eki hakhikasikesik he, hano hagathinapì logopik en, hùlì at Yesùt Karìsùt wesigin atì like o eil hotologo wutarek hak, hano hagathinabi wesigin atì eberogoat ìlùk, netaùken hapuk hogo welagì.


Nen, at okawerek en, “Wokhisegein,” ìlùk abok yogonisasike a'nogo re, ninebe nabùlal-habùlal haga'ninabigìluk isike o.


i an nen wogisamo niko halok be, it ina'la nen i elesi hake huluk-huluk palogo wùlùpo motok logogin atì nen he, ineluk motok logolìk, it hobuk i nele aga logogun motok lek o,” ìlùk, yogosike.


Yogotak nit Karìsùt Yesùt ninom hutik welago mene hùgì Ala nen ùkùm ninoba hìlìk weaga'ninabigin lek o.


Hit ninopase Ala omame werek elok hakhisek logousak mene oba laganem, hinesok peik hogo warìgì'lek hanorogo hakhisek logopik he, at ebe hogorarì'lùgì ba atoma, ùkùm hinoba hìgì'legat, hina'la hai hakiko kolek menogo elok hika legein mene atì, hai watì logouok o.


“It apùnì aike nen, an nane wanhì logolìk, inetaùken an lakhani wagaike mene a'nogo oba hìpìrethogoin halok, apùnì wa'la'lùk lagaikarek ero hebisalùk ineluk motok logogun mene ero ba arat wagaikasik werek o. Ineluk motok logogun mene ese agaikasik werek atì nen he, hobuk ùkùm inoba hegein lek o, ìlùk eberogoat yogohisìgì.


It apùnì atì inebe re, nit mene palek meneat he, it inebe eberogoat nit werekwe mene lek o. It inebe eberogoat nit werekwe mene logoilepma re, inebe nit ninom motogat logoilo o. Mene re, Ala a'la nen, “It atì, inebe obogat hit mene lek, hunigat mene werek, ìlùk, enagat asuak,” ìlùk akasike ba it atì'nogo wùlùpukwa atì.


At Ala nen aput hesik wene pak hogo yogonisìkì logolìk, “Inebe ineluk motok welagaikarek atì, ero re, an napurat ma re, an nen Yesùt ebe wokhisìkì logolìk, nabùlal-habùlal ebe mene wokhisasigi atì,” ìlùk yogonisasike.


Atì'nogo ìkì logolìk, hina'la nen, “Ninoe Etagepogot Yesùt Karìsùt ninebe etawì nen, nit hobuk nabùlal-habùlal haga'ninabigin,” ìlùk, serogo logolìk he, at Ala nen ninebe etawì atì re, hit en at hinom hutigat logoino o.


Hinetaùken at Ala oba hìpìrìk welagep atì nen, at omame ba hakhisek logopik he, hobuk hinebe hanothinabigin mene wùrep oba weinamethegein atì.


at Yesùt en he, mel yogosike: “Apùnì ineluk motok logouagalùk, an nenat inelugurinapìrek o. At sa nen etaùken an noba hìpìrethìlì'mo nen wa'lasigin halok he, at ebe wa'lasigin meneat he, hobuk eluk arìk eluk motok logogin o.


An Yùrat, Yakobùt agot, Yesùt Karìsùt atitigeke a'nogo nen, hit wene yì helal waganogo hinoba lakhei wagì atì. Nerùgì nagaiya'lak. Ala nenat hinayoko hesikesik hinebe etawì logolìk, Yesùt Karìsùt hesik sethisek werek atì.


Nerùgì nagaiya'lak. Hinebe ninoe Etagepogot en etawì werek o. Ero ba Ala nen hinebe telhinabigìlùk wenakhinapikomo, hit en ebe wene atì eberogoat ìlùk wanhìk, nen, hinebe Ala Areagùn nen Ala okawerek hesik hakìlìk tegelogo hisìgìk, ìkì logogun atì ba telhinabigin atì nen, nit Ala hai wasusak higit hogoat, hit hesik hai wato motok welago.


Halok, sa nen etaùken Ala aput oba hìpìrethìlì'logo halok, ineluk logogun mene ese agasik werek o. Meneat he, sa nen, at aput atì ane holhì'lek obaken nene heraksìlì'logo halok, ineluk motok logogun mene atì ese asigin lek. We, Ala a'mage oba hìlìk logogin o.


Atì'nogo lakhani wagaikomo nìkì lagì atì nen, apùnì nen yì aik tì aik haga'napo kolegat he, netaùken ebe nelu mene oba hìpìrìk welagì, ìlùk nekalì agì'lek, na'la pùk hogo welagì. At en he, “An mene yì ha'narek logoino. Ha'narek were'ma, hùlì an nebeat wesigin o,” ìlùk, noba hìlìk nayoko hesike mene atì, okawerek omame ba elok ha'narek logogin o, ìlùk na'la hùthìkì lagì.


Weak hagataresik wa'lagaikarek atì ba, weak hagatarek mene omame agaike atì hak, ninoe Etagepogot en ùkùm ninoba mene korogo wokhìlìk, Ala ninom hùnogo hinasike atì ba, Ala oabùt hano nen etawì'ninaperek mene atì omame agaikomo re, nineluk motok logogun atì.


Mene re, it apùnì aike hobuk inetaùken Yesùt oba hìpìrethikenem ineluk motok logouagalùk, hagarinabigin mene ina'la nen akìkì logolìk he, “Paùlùt weak hagato kolegat he, Karìsùt Yesùt a'la pùk agì'lek epe morogo motok welagaikesik en, etawìrarìk ebe wanhìke atì re, at en apùnì weak hagatarek mene atì'nogo woginapere'ma hìgì,” ìlùk, Ala oabùt enagat hùthoagalùk, an tak atì'nogo wo'napike atì.


Weak hagatarek atì oko re, wa'lagaikarek atì. Nen, ninoe Etagepogot Yesùt Karìsùt ninom hutik were'ma re, Ala oabùt hano nen oko legat nineluk motok logouagalùk haga'ninaperek atì.


Ap omakeat en Ala ane sagalogo weak hagasikesik, wa'lagaikesi'mo re, wa'lagwì ero at oba nen omame agaikesik he, wìalagaike atì. Atì'nogo meneat he, Ala hano nen, Yesùt Karìsùt welegat wo'nisasikomo, at ebe omakeat en, hano hagasike atì nek he, hùko esin motok. Atì'nogo hagatì logolìk, ùkùm ninoba mene welegat korogo wokhìlìk Ala ninom ninapotkwe hùnogo hinasikomo, at ninom hutik nineluk logolìk ninomamerogo hano logogun,


Nit ninetaùken Yesùt oba hìpìrethesugu atì baat, at en Ala oabùt hano nen hano'ninaperek atì a'ma hinikomo atì ba hakothìlìk welago. Logolìk, Ala hogorato motok welagaikarek atì hak, nit atì'nogoat hogo'ninabigin o, ìlùk nina'la hai hakìkì lago.


Hìlìk he, ebe helep en wato kolek, at Sitepanùt a'nogo Yesùt etage palhì logolìk he, “Yesùt noe. Nareagun hat en wo'nabi me o,” ìlùk isike.


Nineki hamùlùgat logopik he, apùnì kweangma mene ineileken neogoin motok lek meneat he, hit enek he, an nelugat logogin, nen hit hobuk hinelugat logogun atì nen he, hineileken neogoin o.


Sa nen etaùken an noba hìpìrethiko halok he, ineluk motok welagaikarek mene ese agasik werek o, ìlùk, eberogoat yogohisìgì,” ìlùk yogoisasikesik,


Sùpùrùk hili arìk lek asusak mane hesik yabu hagatùp o. At he, sùpùrùk motok logogin mene nìkì logolìk, ineluk motok logousak mane atì, an nenat wokhisìkì logouagalùk, nopase nen nayoko hìlìk lakhani wagaikomo, abat ta'lasi wagagi atì hesik yabu hagatì logoni o,” ìlùk yogoisasike.


At Karìsùt mep wulagasogo wa'lagaike atì ba, ùkùm ninoba mene korogo wokhìlìk Ala ninom hobuk ninapotkwe hinasikesik nogo nen he, hobuk Ala a'mage ninoba hikenem telninabigin lek nogo? Telninabiginat o.


Atì'nogo yogoisìkì lagaikomo, at Simon Peterùt a'nogo nen he, mel yogosike: “Eigo. Noe. Ninebe nineluk motok logousak hesik mene re, wene hat en yogonisìkì lagen hake yama re, hat herakhagalùk ap sa ba lasak akegen.


Atì'nogo hagasikomo, at Yesùt ane hùkorogo Ala yogotì logolìk he, “Nopase e! An nareagùn selok hogo, hat hekimo waninok en, ìlùk yogohetì o,” ìlùk yogosikesik he, arat lebek hogo wa'lagaike.


It apùnì aike inapeliagat ìkì logolìk he, Karìsùt a'nogo nebe anat o, ìgìk, nen, it aike nen, Ala ane yogohisìgìrek mene anat o, ìgìk, i wesugun o. Wìrìk he, Apùnì Ala nen wenaginapike mene amanogo lalinabusak he a? Lek he a, ìlùk lalinabuogolùk he, inane eberogoat akoagalùk hagasusak lek mene elalin mene hagarìk wesugun o.


Ap aike mea meneat he, an nopase nen nako topa wo'nesike mene atì nek he, ebe omame werek o. It an nopase nen wo'nesike mene atì, at eki ba were'ma, it ap aike nen telogo woginabusak mea o.


Nen, at eluk motok welagarek mene atì, ebe opase eperak eluk motok welagaikesik en, opase nen nit nineileken hoagalùk weinamethesikomo nineileken hasugusik enat abok yogohisìkì lago o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ