YOHANET 10:27 - Ala Ane Wene Ket Mene Warogo Wo'ninapike Wene

²⁷ Hit hina'la atì'nogo akegesep meneat he, it aike an nako topa mene halok, nane inasuk holharesik, it en an nebe inelu nogo nen he, nopolìk wagaikarek o.

YOHANET 10:27 ပူးပေါင်းရင်းမြစ်များ

YOHANET 10:16

Nen, an nako topa wam ebe lalma yoma nek werek hùk. O wele'ma aike weregat o. Nako atoma mene nane inasuk holuagalùk wogisek wesigìlùgat welagì o. Hisa wesumo, it an nako topa wam yoko palek omakìkwe nìkì logogun. Atì'nogo niko kolek, an naligat en serisek logogin o.

YOHANET 10:14

Wam topa wam serogo welagìrek mene noabùt hano re, nebe anat o. Nopase nen an elu, nen, an nen at nelu, welagorek atì hak, an nen nako topa nelu, nen, it en an inelu, welagarek o. Atì'nogo logolìk, an nako topa elelerogo wa'lasigìlùk welagì.

ABÌKAKAN 3:20

Lakhani! An nebe kwe ba metek logolìk, kwe ane papagathìkì lagì o. Atì'nogo papagathikenem, sa nen nane asuk holìk he, kwe hù'neegein halok, an at oba ha kìlìk he, sùpùrùk niko nagaiyak-hagaiyak neperak hutik logogun o.

1 KORÌTÙT 8:3

Atì'nogo meneat he, at aike nen, Ala ebe etaùken hutik halok he, Ala nen at atì ebe elu o.

IBERANI 3:7

Atì nen he, Ala Areagùn nen mel yogonisikerek: “O yogotak ya ba Ala ane hinasuk holhep halok he,

YOHANET 5:25

Nen, apùnì warek mene nen, an Ala aput nane inasuk holugun oba oan werek meneat he, arat asi wagasik werek o. It nane inasuk holugun mene halok, ineluk arìk ineluk motok logogun o, ìlùk, eberogoat yogohisìgì.

YOHANET 8:12

Hobuk he, at Yesùt en it apùnì amanogo wene aike mel yogoisasike: “Apùnì lìarinapìrek atì, anat o. Sa nen an nopolik nìkì logogin halok he, an nebe lìa logolìk inelugurinapìrek mene a'nogoat wo'nabigin atì nen he, at atì o mùmmo nìkì logogin lek o,” ìlùk ìkì lagaikomo,

KALATIA 4:9

Mene re, an nen he, “At Ala hinebe elu welagarek,” ìlùk uem, “Hit yogotak en Ala ebe hinelu agep,” ìlùk ìgì atì. Halok he, hit hinokawerek en mokareke oabùt weak omame lek mene, eilmo lek mene, atì oba hobuk hinapotkwe awe a'ma kuogolùk ìkì lagep atì, nenahalok.

YOHANET 10:8

An wagì'lek oan werek kolek, it apùnì aike alebagik wagaukwa atì re, it inebe obogat wam topa wam yogot wanhìk, hinatìk, egarek mene wagaukwasi'mo nogo nen he, it wam topa wam en, it inane inasuk holhì'lek welagaukwa.

YOHANET 12:26

Men, at sa nen an natitigeke logolìk, a'la nen he, An Yesùt hesik hagatì logog'in, ìlùk akike halok he, an logoginmo atoma neperagat motok logouogolùk nopolik waga logousak o. Nen, at sa nen an hesik hagatì logogin mene atì, nopase nen at ebe agaugethegein o, ìlùk nane eberogoat yogohisìgì,” ìlùk yogoisasike.

YOHANET 8:43

Atì'nogo wagagisik, wene yogohisìkì lagì mene hit hùthìgì'lek welagep atì nahalok. Atì'nogo welagep atì re, an nane holek logousak hinabìt atì nen o.

LUKAT 9:23

Atì'nogo yogoisasikesik, wene aike it apùnì obogat mel yogoisasike: “Sa nen an nopolik nìkì logoigìlùk halok he, okawerek hesik hagaterek mene, Nabìt, ìlùk hebisalùk he, e ba menhisìlìk inoatarek mene atì, ageiyo meneat ninhùp-nanhùbat wolok he, an nopolik nìkì logoìgìlùk wesuak o.

MATÌÙT 17:5

Atì'nogo yogotenem aremnogoat, ohena kut mene sebelinabi wagaikesik, Ala ane ohena a'nogo a'la nen mel yogoisasike: “An naput netaùken hutìk mene. At hesik na'la hai hakìgìrek o. Halok, at ane holek logoino o,” ìlùk yogoisasikomo,

2 TIMOTÌÙT 2:19

Mene re, Ala nen o tik negen wasike mene ningsek motogat logogin atì ba helal mel ìlùk waganek werek atì: “Ninoe Etagopogot okawerek againapùrì wenaginapike mene atì inebe elu o,” ìlùk isike. Nen, wene aike re, “It aike nen he, An nebe ninoe Etagepogot apurat o, ìlùk, ìlì'lùgì mene hùgì, Weak hagasusak ninabìt o, ìlùk heraksalùk kwanìrogo wo'lakìkì logouak o,” ìlùk, isikomo helal waganek werek atì.

YOHANET 21:22

at en he, “An na'la nen he, ap arì ebe elugat were'ma, an hobuk wesigin akìgì halok he, hat en hagasusak mene hùk. An noba lopok o. Atì'nogo meneat he, hat enek he, an nopolik nìkì logoino o,” ìlùk wene atì'nogo yogosike mene atì,

LUKAT 13:27

at en he, Hit o koma nen wagep. Hinebe an nokot o. Hit weak hagatesep mene noba ki wagùp. Atem enat pìkìt lani o, ìlùk yogohisegein werek o.

MAREKÙT 8:34

Wenagasikesik he, apùnì logolek amanogo inom, agoromì ane wanhì lagaukwa mene amanogo inom, waisasikomo wagaukwama re, mel yogoisasike: “At sa nen an nopolik nìkì logoigìlùk halok he, oabùt okawerek hesik hagaterek mene atì, Nabìt, ìlùk heraksalùk he, e ba menhisìlìk inoatarek mene atì ageiyo meneat wolok he, an nopolik nìkì logoigìlùkk wesuak o.

MATÌÙT 25:12

at en he, Hit atì sanì. Hinebe an nokot o, ìlùk, eberogoat Yogohisìgì,” ìlùk yogoisasike.

MATÌÙT 16:24

Atì'nogo yogosikesik he, at agoromì ane wanhì lagaukwa mene amanogo aike mel yogoisaaike: “At sa nen an nopolik nìkì logoigìlùk halok he, oabùt okawerek hesik etaùken tùlem logolìk hagaterek mene atì, Nabìt, ìlùk heraksalùk, e ba menhisìlìk inoatarek mene atì ageiyo meneat wolok nopolik nìkì logoigìlùk wesuak o.

MATÌÙT 7:23

an nen pak hogo yì'nogo yogoisegein: Hit hinebe an nokot o. Weak motok hagarìk nìkì lagep mene atì nera'lu ya logogùp o. Pùgùlakani, ìlùk yogoisegein o,” ìlùk yogoisasike.

ABÌKAKAN 14:4

It apùnì atì inebe re, tegelek logouogolùk, hìmì inom nogo ìgì'lek logolìk, inape ba nen inapeliak aike egare'legat, nen, apùnì aike nen he, “It atì weak aike hagatama,” ìlùk ùkùm inoba housak legat mene, logolìk, Topa Eak a'nogo kwe komakwe laga halok, opolik nikenem, sùpùrùk ebe oan werek kolek, lilu tak nekarek atì hak, Ala nen yì apùnì tì apùnì ina'la nen kìgìlogo inoko palogo telinapikomo, it inebe Ala ho, Atopa ho, hisìlìk, were'ma isìgì o.

LAKSASIKE 3:23

Sa nen wene at en yogohisegein mene atì, asuk holhì'lek halok he, at Ala nen, at againapùrì inekele'ma nen tegelogo wulaksìlìk weagathegein o, ìlùk yogoisasike.

MAREKÙT 10:21

at Yesùt eileken oba hìlìk etawì arìk he, mel yogosike: “Hat he, wene omakeat enek aike hagatì'lek welagen o. Hat yoma nen lìlìk he, hagarok yì mene tì mene atoma obogat it aike inoba abasi lan o. Abarìk he, oko wokhesugun mene atì, it apùnì aike inagarok lek inelageik mene atì sùpùrogo wogisano. Atì'nogo wogisegen halok he, hat pogot oba mene hùkoat esewerek asigin o. Halok, atì'nogo arat sùpùrogo wogisalùk he, an nopolik nìkì logoinok en we'no,” ìlùk yogosikomo,