YOHANET 10:16 - Ala Ane Wene Ket Mene Warogo Wo'ninapike Wene

¹⁶ Nen, an nako topa wam ebe lalma yoma nek werek hùk. O wele'ma aike weregat o. Nako atoma mene nane inasuk holuagalùk wogisek wesigìlùgat welagì o. Hisa wesumo, it an nako topa wam yoko palek omakìkwe nìkì logogun. Atì'nogo niko kolek, an naligat en serisek logogin o.

YOHANET 10:16 ပူးပေါင်းရင်းမြစ်များ

MATÌÙT 17:5

Atì'nogo yogotenem aremnogoat, ohena kut mene sebelinabi wagaikesik, Ala ane ohena a'nogo a'la nen mel yogoisasike: “An naput netaùken hutìk mene. At hesik na'la hai hakìgìrek o. Halok, at ane holek logoino o,” ìlùk yogoisasikomo,

LUKAT 15:8

Atì'nogo yogoisasikesik he, wene aike mel yogoisasike: “He aike uang sen mene ebe 10 nen hesogo were'ma omakeat aike nalaga halok he, heraksìgì'lek esage kìalhìlìk he, o hùlùkwe lelem motok wulakhìlìk tegelhì logolìk he, arat herakikerek a'nogo lek?

YOHANET 10:11

Wam topa wam esewerek logolìk serogo welagìrek mene, noabùt hano re, nebe anat o. Wam topa wam esewerek logolìk serogo welagaikarek mene, oabùt hano mene re, ako topa elelerogo wa'lasigin ìlùk a'la akikerek.

YOHANET 10:2

Nen, sa nen, kwe ebekwe kike halok he, at atì wam esewerek logolìk serogo welagarek meneat o.

YOHANET 10:27

Hit hina'la atì'nogo akegesep meneat he, it aike an nako topa mene halok, nane inasuk holharesik, it en an nebe inelu nogo nen he, nopolìk wagaikarek o.

YOHANET 10:3

At wam esewerek logolìk serogo welagarek mane atì, ebe waga halok, at aike wam awì kwe ba kagalek welagarek mene nen kwe hùthikenem, at wam esewerek a'nogo nen ane hakhikenem, it wam topa wam en, at ane inasuk holharesi'mo nogo nen he, inetage lopok waisìlìk, wogisek eta'ma wùlùperek o.

YOHANET 10:4

Wogisek wùlùperesik, at ebe alebagìk laga kolek he, ako topa amanogo, at ane inelumo nogo nen he, opoligat lagaikarek o.

YOHANET 10:5

Atì'nogo hano lagaikarek meneat he, it ap aikeagùn inane ikenem, it wam topa wam en it inane inokot nogo nen he, inopolik lagì'lek hese lagaikarek o,” ìlùk,

YOHANET 11:52

Mene re, it apùnì Yahuri mene hesik enek isike hùk. Apùnì obogat Ala againapùrì mene hùgì o yì awì tì awì pùgùlogo lagaukwasik welagaikarek mene inom lapuk hogo hisagalùk, Yesùt wa'lasigin mene hesik isike.

YOHANET 17:20

“Nopase. It atì inaligat hesik enek sapan ìkì lagì hùk. Lek o. It aike hunigat mene, it en wene yakùlisa logoin oba inetaùken an noba hìpìrethogoin mene inomat hesik sapan ìkì lagì o.

YOHANET 6:37

Mene re, an pogot oba nen pi wagagi atì re, an nokawarek na'la nen kagalogo hagasigìlùk pi wagagi hùk. We, at lakhani wagaike mene a'la akikerek mene atìat higit hogo hagasigìlùk pi wagagi atì nen he, apùnì an nopase nen wo'neterek mene inebe lopok noba waganem he, an nen, Hit an noba wesusak lek, ìlùk, wenagisegein lek o.

LAKSASIKE 15:14

Ala nen it apùnì etakwe mene inoba eberìk he, mel isike: It aike an nagainapùrì asuagalùk woginabigin o, ìlùk woginapike mene hesik, at Simon nen yogonisike atì.

LAKSASIKE 22:14

Hikenem, at en he, At Ala ninopalak en hogoratì lagaukwa mene a'nogo nen he, at a'la akikerek mene helu agìk, at aput oabùt higit mene Yesùt atì heileken ìgìk, at ane ape ba nen ikenem hasuk holhìk, inogolùk, hebe wenakhapesik hayoko hike atì.

ÙRÙM 11:25

Nerùgì nagaiya'lak. Wene Ala amùn elema wene yì hinokot logousak atì, an nabìt. Hit hinokawerek en he: “Nit wene ninelu o,” ìlùk hogorakanogo ìlùk he, wene yì yogohisak. It apùnì Isirael mene aike inetaùken ningsek atì re, elama hesigat werek o. Nen, hobuk it apùnì etakwe mene ki wesugun mene hùlì elok ki wagaika halok he,

2 TESALONIKA 2:13

Nerùgì nagaiya'lak. Hinebe ninoe Etagepogot en etawì werek o. Ero ba Ala nen hinebe telhinabigìlùk wenakhinapikomo, hit en ebe wene atì eberogoat ìlùk wanhìk, nen, hinebe Ala Areagùn nen Ala okawerek hesik hakìlìk tegelogo hisìgìk, ìkì logogun atì ba telhinabigin atì nen, nit Ala hai wasusak higit hogoat, hit hesik hai wato motok welago.

IBERANI 13:20

Ninopase Ala lapulogo hinikerek mene a'nogo nen, ninoe Etagepogot Yesùt wa'lagaikesi'mo nen ebe eluguthesike. At ebe amep wulagasogo wasukwa atì ba, Ala nen wene motok logogin mene warogo wo'ninapikesik, nit obogat Yesùt en ako topa negen se'nisek logouagalùk ebe menhesike atì.

1 PETERÙT 2:10

Hit alep he, Ala hinom inapik welagagip meneat he, yogotak hinebe Ala againapùrì agep o. Nen, alep he, hit en he, “Ala ninebe etawì werek,” ìlùk hinokot welagagip meneat he, yogotak “Ninebe Ala etawì nen wo'ninapikomo welago,” ìlùk hinelu agep o.

1 PETERÙT 2:25

Hit alep he, wam topa wam kwe nong asi lagarek atì hak, nong asi laga lagagip meneat he, yogotak at Ala nen, ap hinebe hakhisek logolìk sethisek welagarek mene oba hinapotkwe wokhisek hika wagama welagep o.

1 PETERÙT 5:4

Atì'nogo hagato were'ma re, ninoe ako esewerek a'nogo wesipik he, “Hano motok hagatì lagepma,” ìlùk oko hogorato motok logogun mene wokhisegein o.

ABÌKAKAN 3:20

Lakhani! An nebe kwe ba metek logolìk, kwe ane papagathìkì lagì o. Atì'nogo papagathikenem, sa nen nane asuk holìk he, kwe hù'neegein halok, an at oba ha kìlìk he, sùpùrùk niko nagaiyak-hagaiyak neperak hutik logogun o.