YOHANET 10:10 - Ala Ane Wene Ket Mene Warogo Wo'ninapike Wene

¹⁰ Nen, it ap yogot wanharek mene wagaikarek atì, wam topa wam yogot hinatìk, inoatìk, inebe motok legetsìgìk, hagasuogolùk wagaikarek meneat he, an wagagi atì nek he, it apùnì yì mene tì mene api'mo oba hilarogo welagaikarek atì hak, inebe ineluk motok logouagalùk inelugurinabì'mo nen ebe mene oba hilarogo logouagalùk wagagi o.

YOHANET 10:10 ပူးပေါင်းရင်းမြစ်များ

MATÌÙT 18:10

Atì'nogo yogoisasikesik he, aike mel yogoisasike: “Malaikat Ala nen pogot oba nen yoko pelaksa wagarek mene nen yekerùgì yì hake serisek logolìk nopase eilhanem motok welagaikarek atì nen he, yekerùgì atì hina'la meatsagùp o. [

MATÌÙT 18:11

An abat ta'lasi wagagi a'nogo re, apùnì nong arì'lùgì mene atì heragasogo telinabigìlùk wagagi o.]

MATÌÙT 21:13

mel yogoisasike: “Helal waganek oba re, at Ala nen ìkì logolìk, An nawì wùrìk yì hesik apùnì nen ìkì logolìk he, O sapan ìkì logogun oba, ìlùk ìkì logogun, ìlùk isikomo helal waganek werek o. Meneat he, hit en he, it ap apùnì inagarok ineki abusak telogo helagarek mene inawì negen wùrogo hisìkì lagep yì rì!” ìlùk wenagisasike.

MATÌÙT 23:13

Atì'nogo yogoisasikesik he, it Ala ane helal waganek esewerek mene mel, Parisi mene mel, inom mel yogoisasike: “Hit ap Ala ane helal waganek esewerek mene yì mel, hit Parisi mene yì mel, hinogat oba nek hano salek logolìk hinetaùken pìre mene yì rì! Hit atì apùnì Ala awe a'ma kinogo ìlùk he, hit enat kwe yagatì lagep yoma rì! Hit hinokawerek kìgì'lek logolìk he, it aike kuogolùk ikenem, hit en he, Kusak lek o, ìlùk wene palhì lagep yoma rì!

MAREKÙT 11:17

Wene palhikesik, it apùnì amanogo inasuk watì logolìk, mel yogoisasike: “At Ala nen ìkì logolìk he, An nawì wùrìk yì hesik apùnì nen ìkì logolìk he, Yì apùnì tì apùnì inùkùl etage lopok sapau ìkì logogun oba o, ìlùk ìkì logogun, isike mene helal waganek werek a'nogo lek? Atì'nogo ìlùk helal waganek werek meneat he, hit en he, it ap apùnì inagarok ineki abusak telogo helagarek mene inawì negen wùrogo hisìkì lagep yì rì!” ìlùk inekalì warogo inasuk wasike.

LUKAT 19:10

Telhinape mene atì, an abat ta'lasi wagagi a'nogo, it apùnì nong arì'lùgì mene heragasogo telinabigìlùk wagagiat o,” ìlùk yogoisasike.

YOHANET 10:1

At Yesùt en wene atì'nogo yogoisasikesik he, hobuk aike mel yogoisasike: “An nen wene aike eberogoat yogohisak o. Sa nen wam topa warn wanigìlùk ebe lalma kigìlùk he, kwe ebekwe kìgì'lek, we, leget esia'le harogo kike halok he, at atì yoga wanherek mane eki abusak wanigìlùgat o.

YOHANET 10:11

Wam topa wam esewerek logolìk serogo welagìrek mene, noabùt hano re, nebe anat o. Wam topa wam esewerek logolìk serogo welagaikarek mene, oabùt hano mene re, ako topa elelerogo wa'lasigin ìlùk a'la akikerek.

YOHANET 12:47

An kweangma yoma pi wagagi atì re, apùnì ùkùm inoba heigìlùk pi wagagi hùk. We, inebe telinabigìlùk pi wagagi atì nen he, at sa nen an nane asuk holìgat he, nane hologo hagatì'lek halok, an nenat ùkùm oba hegein hùk. Lek o.

YOHANET 12:6

Atì'nogo wene palhike atì re, apùnì inagarok lek mene atì etawì nen isike hùk. We, at agaiya'lak inom obogat inauang awì hesogo logolìk, at okawerek hesik hinagasogo helìkì lagaike atì nen isike.

YOHANET 3:17

Nen, an Ala aput kweangma yoma lakhani wagaike atì re, yì apùnì tì apùnì ùkùm inoba hìlìk weagarinabuagalùk lakhani wagaike hùk. We, inebe telinabuagalùk lakhani wagaike o.

YOHANET 5:40

hinebe hineluguthinabuagalùk an noba wesusak he, hinabìt o.

YOHANET 6:51

Sùpùrùk inelugurinaperek mene pogot oba nen pi wagarek atì re, an nebeat o. Sùpùrùk an nen wogisegein mene atì, sa nen niko halok, at ebe eluk motok logogin o. Apùnì kweangma mene ineluk logouagalùk an nebe it hesik wa'lasigin atì, an nebeat wogisegein,” ìlùk yogoisasike.

ÙRÙM 2:21

Atì'nogo it apùnì aike yakùlisìkì logolìgat he, hinokawerek yakùlìkì lagep lek yoma rì! Hit en ìkì logolìk he, “Yogot wanhùp o,” ìlùk it aike yogoisìkì logolìgat he, hit hinokawerek yogot wanhì lagep yoma rì!

1 TIMOTÌÙT 1:15

Apùnì weak hagato were'ma Karìsùt Yesùt en ninebe telninabigìlùk kweangma yoma pi wagaike ìlùk ìgì atì, apùnì nen he, “Wene atì eberogoat,” ìlùk tùkùm hogo wanusak mene. Apùnì aike weak hamùlùgat negen hagatarek meneat he, an enek he, weak hùko motok hagatì lagagi atì.

IBERANI 6:17

Atì'nogo haga'lagarek atì hak, Ala nen he, “Apuni an na'la akìlìk abok yogoisìgìrek mene hùgì, nane etenogo hobuk hunigat mene aike yogoisìgìrek lek o,” ìlùk, it abok yogoisasike mene hùgì nek eberogoat akoagalùk he, hopuk palogo yogoisasike atì.

IBERANI 7:25

Atì'nogo eluk motok logolìk, nit apùnì hesik Ala kìno yogoto motok welagarek atì nen he, nit Ala were'ma kuogolùk at oba ha'larìk kikenem elok telninabìk katok hogo hano haga'ninabigin atì.

2 PETERÙT 1:11

Ninoe Etagepogot Yesùt Karìsùt telninabì'logo mene a'nogo, kain motogat logoginmo atoma hika kìkì logolìk, at en he, “Hit hinebe esewerek o,” ìlùk, hai warogo hanorogo wokhisek kigin o.