YOHANET 1:51 - Ala Ane Wene Ket Mene Warogo Wo'ninapike Wene

⁵¹ hobuk wene aike mel yogoisasike: “Apùnì e pelarek obakwe lagagìk, pìgìk, egarek atì hak, hobuk pogot healogo it malaikat Ala nen yoko laksa wagarek mene amanogo, an abat ta'lasi wagagi a'nogo noba lagagìk, pìgìk, ikenem hineileken nisìkì logogun o, ìlùk nane eberogoat yogohisìgì,” ìlùk yogoisasike.

YOHANET 1:51 ပူးပေါင်းရင်းမြစ်များ

MATÌÙT 25:31

At Yesùt en atì'nogo yogoisasikesik he, wene aike mel yogoisasike: “An abat ta'lasi wagagi a'nogo, apùnì nen hogo'napo kolek, it malaikat Ala nen pogot oba nen yoko pelaksa wagarek mene amanogo obogat ninom wìrìk, an hogo'napo kolek kain Netagepogot welagìrek oba logolìk,

MATÌÙT 26:24

An abat ta'lasi wagagi a'nogo, hagasigin mene helal waganek werek higit hogoat hagasigin meneat he, at ap nebe noasuagalùk yoko legein mene atì nek he, eigo. Motok weagat asigin o. At ap atì ta'la'lep le'ma re, hanoat logoilep mene,” ìlùk yogoisasikomo,

MATÌÙT 3:16

ima pelakhesikomo re, yegelogo lagai wesigin ha'ma re, pogot healogo Ala Areagùn sùe pel hùke mene ot oba labok i pi waganem eileken hasike.

MATÌÙT 4:11

Atì'nogo yogosikomo re, Ibilit a'nogo Yesùt heraksalùk wo'lakasikomo re, malaikat pogot oba nen Yesùt oba pi wìrìk he, serogo welagankwa.

MATÌÙT 8:20

Atì'nogo yogosikomo, at Yesùt en he, “Lo yeke atì re, awì wùrìk akola welagarek. Nen, sùe purogo nikerek mene atì, awì wùrìk welagaregat. Mene re, an abat ta'lasi wagagi atì nek he, nogo ìkì logousak oba nawì wùrìk he, motok lek o,” ìlùk yogosike.

MATÌÙT 9:6

Ekin meneat he, an abat ta'lasi wagagi atì, kweangma yoma logolìk apùnì yì weak tì weak hagatarek mene an nenat sagalogo legetsìkì logouagalùk Ala nen esewerek hanhike atì hùthanuageip,” ìlùk he, ap eki esok wùt warek mene a'nogo mel yogosike: “Hebe melarìk he, halit talogo nogo ìkì lagen mene arì helaluk haua lan o,” ìlùk lakhesike.

MAREKÙT 1:10

Ima pelapikomo aik oba wùlìbi wesigin ha'ma re, Ala Areagùn pogot healogo sùe pel hake ot oba labok i pi waganem eileken hasike.

MAREKÙT 14:62

Hinok atì'nogo wokhasikomo, at Yesùt en he, mel yogosike: “Ati, an nebe yìat o. An abat ta'lasi wagagi a'nogo, at Ala omame apik yì mene tì mene hagasusak enek a'nogo era'lu eki ebekwe kainat logopik he, pogot oba atoma nen ohena a'la pi waganem hineileken neogoin o,” ìlùk yogosike.

LUKAT 2:13

Atì'nogo yogoisiko kolek aremnogoat he, malaikat pogot oba nen yoko pelaksa wagarek mene inebe motok apik ka nen heat weinam agaukwasik he, at malaikat aike a'nogo inomat Ala hogoratì logolìk mel isukwa:

LUKAT 2:9

Atì'nogo were'ma aremnogo, ninopase Etagepogot agot malaikat pogot oba nen yoko pelaksa wagarek mene aike ka nen heat wagaikesik inera'lu melaganem he, ninopase Etagepogot hogoratarek mene apopok inoba yarogo hisasikomo, it inayùk motok apik agaukwa.

LUKAT 22:43

it malaikat Ala nen yoko laksikerek mene aike pogot oba nen oba pi wagaikesik he, etaùken ago wasike.

LUKAT 22:69

“Hùlì yogotak yì nen he, hobuk an nopase Ala omame werek yì mene tì mene hagasusak enek a'nogo eki ebekwe kainat logogin o,” ìlùk yogoisasikomo,

LUKAT 24:4

Warek ebe le'ma hasukwasik he, “Yì ki'nogo haga'lagama,” ìlùk inoake palarìk wenesùgì ebetenem, ap inebe pìre inasu apipin apik mene laberogo, it hìmì ineilhanem aremnogo ka nen heat inera'lu melasi wagaukwa.

LUKAT 3:21

At Yohanet en apùnì obogat ima pelaginapì logolìk he, at Yesùt ima pelakhesikeat. Ima pelakhesikomo, at Yesùt ebe nen sapan iko kolek he, pogot healogo,

YOHANET 1:50

Atì'nogo yogosikomo, Yesùt en he, mel yogosike: “An nen, Hat e ara eroma hùrek welagen a'naga an arat neileken hììgì o, ìlùk, yogohetì atì ba hùthanhen a? Atì re, we hamùlùgat negen hagatenem neegen meneat he, hobuk hùkorogo hagatenem heileken neegein o,” ìlùk isikesik,

YOHANET 10:1

At Yesùt en wene atì'nogo yogoisasikesik he, hobuk aike mel yogoisasike: “An nen wene aike eberogoat yogohisak o. Sa nen wam topa warn wanigìlùk ebe lalma kigìlùk he, kwe ebekwe kìgì'lek, we, leget esia'le harogo kike halok he, at atì yoga wanherek mane eki abusak wanigìlùgat o.

YOHANET 10:7

Atì'nogo hùthìgì'lek werek kolek, hobuk at Yesùt en he, mel yogoisasike: “Wene eberogoat aike yogohisak. Wam topa wam atì inakwe re, an nebeat o.

YOHANET 13:16

Wene aike yì yogohìsak: Ap kain aike inawe a'ma negen werek kolek, at atitigeke mene esin negen welagarek lek o. Atì hak, ap yoko laksikerek mene inawe a'ma negen werek kolegat he, at yoko lagarek mene atì esin negen welagarek motok lek o, ìlùkk eberogoat yogohisìgì.

YOHANET 13:38

at Yesùt en he, mel yogosike: “Hat an hesik eberogoat wa'lasusak welagen a? Lek o. Sùe ayam ane ìgì'lek werek kolek, hat en, An Yesùt nokot, ìlùk heki hìnagan oba labelì'mo nen ayam ane igin o, ìlù eberogoat yogohetì” ìlùk yogosike.

YOHANET 14:12

At sa nen etaùken an noba hìpìrethike halok he, an hagatì lagì mene atì, at en hagatì logoginat o. An hagatì lagì atì re, hamùlùgat negen meneat he, an nopase oba legein atì nen he, at sa nen etaùken an noba hìpìrìk welagarek mene atì nen ebenagei'mo hùkorogo hagatì logogin o, ìlùk nane eberogoat yogohisìgì.

YOHANET 16:20

Hobuk hit hina'la nen lì agìk, le agìk, ugun meneat he, it apùnì kweangma mene ina'la hai hakogoin o. Atì'nogo meneat he, hit hina'la weak logogun mene atì, hobuk hano aganem hina'la hai apik hakogoin o, ìlùk eberogoat yogohisìgì.

YOHANET 16:23

Hùlì atì hùlì arat asi lìlìk he, hit en wene aike an noba hinok wo'neogoin motok lek o. Halok, an nen wene aike yogohisak: Hit en yì mene tì mene an netage palogo nopase kìno yogosugun halok he, at en wokhisegeinat o, ìlùk eberogoat yogohisìgì.

YOHANET 21:18

Atì'nogo yogosikesik he, wene aike mel yogosike: “Alebat, hat hebe elege logolìk he, An o atoma legein, ìlùk pagaluk hokawerek enat ning hogo ikìlìk laga lagag'in meneat he, hobuk hat hebe yaman arìk, heki pisarogo lakhikenem he, it aike nen hat heki hele ning hogo wathabìk he, o hat lasak habìtmo wokharek logoin o, ìlùk eberogoat yogohetì,”

YOHANET 3:3

Atì'nogo yogosikomo, at Yesùt en he, mel yogosike: “Apùnì Ala nen inebe hobuk inapotkwe taginapì'lek halok he, at awe a'ma hisikere'ma atoma ineileken hogoin motok lek o, ìlùk, nane eberogoat yogohetì lagì,” ìlùk yogosikomo,

YOHANET 3:5

at Yesùt en he, mel isike: “Apùnì i ba mel, Ala Areagùn nen mel, taginapì'lek halok, Ala nen awe a'ma hisikere'ma atoma kugun motok lek o, ìlùk, nane eberogoat yogohetì lagì.

YOHANET 5:19

Weim abok atì'nogo isukwama, at Yesùt en he, ap amanogo wene yì'nogo yogoisasike: “Yì mene tì mene an nopase nen hagatenem neileken hìgì'lek, we, an na'la nen kagalogo hagasusak mea atì nen he, an nopase hagaterek meneat higit hogo hagatì lagì o, ìlùk eberogoat yogohisìgì.

YOHANET 5:27

An nebe abat ta'lasi wagagi atì nen, apùnì oak tegelogo ùkùm inoba higik, kotìk, uagalùk, nopase nen anat neki ba hanhike o.

YOHANET 6:26

at en he, mel yogoisasike: “An wene aike yogohisak. An nebe hùthanuageip ìlùk elalinat hagatenem hineileken neegep a'nogo nen hera'nabìk wagep hùk. Lek o. We, sùpùrùk horoti mene sùpùrogo wokhisìgìma hinalabut ning hogo nekep a'nogo nenat hera'nabìk wagep hisìgì o, ìlùk oberogoat yogohisìgì.

YOHANET 6:32

Atì'nogo yogosukwama, at en he, mel yogoisasike: “An nen wene aike yogohisak. Sùpùrùk pogot oba nen pelakhisa waga lagaike atì re, at Musa nen hùk. Lek o. At he, sùpùrùk ebe mene atì re, nopase nen an nebe apùnì kweangma mene inelugurinapìrek mene pogot oba nen pi wagagi atìat wokhisikerek o,” ìlùk yogoisasike.

YOHANET 6:47

Sa nen etaùken an noba hìpìrethiko halok he, ineluk motok welagaikarek mene ese agasik werek o, ìlùk, eberogoat yogohisìgì,” ìlùk yogoisasikesik,

YOHANET 6:53

at Yesùt en he, “An nen wene aike yogohisak. An abat ta'lasi wagagi a'nogo nebe nìkìk, namep nìkìk, ìkì lagep lek halok, ineluk motok welagaikarek mene, hit esewerek agì'lek welagep o, ìlùk eberogoat yogohisìgì.

YOHANET 8:34

at en he, mel yogoisasike: “Apùnì weak hagaterek mane atì inebe lopok he, weak hagatarek atì atitigekeat, ìlùk eberogoat yogohisìgì o.

YOHANET 8:51

Nen, sa nen an nane hologo hagatì logogin halok he, wa'lagì'lek eluk motok logogin o, ìlùk eberogoat yogohisìgì,” ìlùk, yogoisìkì lagaikomo,

YOHANET 8:58

at en he, mel yogoisasike: “An nane eberogoat yogohisak o. Ap Aberaham atì ebe oan ta'lagì'lek werek kolek, an nesok motogat welagìrek o,” ìlùk yogoisasike.

LAKSASIKE 10:11

Pogot healogo re, su kain hake hùko mene okut 4 karek oba kelik mene kweangma pelakhei waganem eileken hasike.

LAKSASIKE 7:56

Eileken lìagisìlìk, at en he: “Lakhani! Pogot healagama re, It abat ta'lasi wagaike mene a'nogo, Ala era'lu metek eperak were'ma neileken lìagisìgì o,” ìlùk yogoisasike.

2 TESALONIKA 1:9

It atì'nogo ùkùm inoba hìlìk he, ninoe Etagepogot omame apik en hogorato motok welagaikare'ma eilhanem atoma nenat wea'ma atoma motogat logouagalùk laksegein o.

1 TIMOTÌÙT 3:16

Wene atì, nit Ala awe a'ma logolìk eberogoat ìlùk akogorek wene hinago welagaike mene Ala nenat hukalogo weinamethesikomo, “Wene atì esin,” ìlùk pak hogo ìkì lago. Ati re: At Karìsùt ebe apùnìat weinam agaike o. At Ala Areagùn nen, “At Karìsùt atì eberogoat,” ìlùk sele'mathesike o. It malaikat Ala nen yoko pelaksa wagarek mene ineileken hasukwa o. Agoromì nen at hagatì lagaike wene a'nogo yì apùnì tì apùnì etakwe mene yogoisìlìk lagaukwa o. Apùnì o yì awì tì awì mene aike apigat en, “At ebe eberogoat,” ìlùk, inetaùken at oba hìpìrethesukwa o. Ala nen pogot oba hogorato motok welagaikare'ma lìakhesikomo welagarek o. Wene atì re, at Ala nenat weinamethesikomo pak hogo ìkì lago o.

IBERANI 1:14

Ala agoromì malaikat atì inebe re, nìkì'nogo hagatarek mene nogo. It inebe re, nit Ala nen telninabigin mene hùgì lebe'nisìkì logouagalùk, at en inayoko hìlìk laksa wagarek meneat o.

YURAT 1:14

Alebat Aram en ta'larìk waga lagaukwasik, hùlì 7 ba mene hùlì, at Henok ta'lagaike mene nen, it apùnì atì ùkùm inoba hegein mene hesik mel isike: “Lakhani. Ninoe Etagepogot a'nogo nen agoromì at okawerek en yoko pelaksa wagarek mene inebe motok logolegat wogisek pi wesigin o.

ABÌKAKAN 19:11

Wene atì'nogo yogonetesik oba nen opolik he, pogot healaganem wam etage kuda esi kut mene apot oba, ap aike etage re, Hùpùhogohagarìk, ìgìk, Eberogoarìlìk, ìgìk, egarek mene, hùrek logolìk, weim higit hogo yapìk, ùkùm higit hogo inoba hìgìk, kotìk, ìlìk nikenem lakhìgì o.

ABÌKAKAN 4:1

Atì'nogo yogonetenem hìgìrìk oba nen opolik he, nabìkakan oba aike yì'nogo lakhìgì. Pogot oba re, kwe aike hùrìk were'ma, at alep ane pìkon ane hùko mene hake ba yogonetenem nasuk holhì mene a'nogo nen hobuk mel yogonete: “Wene ya logopik en hobuk haga'lasigin mene heileken lakhanogolùk, yakùlhesik en he, lagai me o,” ìlùk yogonete.