YOHANET 1:46 - Ala Ane Wene Ket Mene Warogo Wo'ninapike Wene

⁴⁶ at Nataniel en he, mel yogosike: “A! O Nasaret a'loma nen hano mene aike elogat wesusak nogo? Mea o,” ìlùk yogosikomo, at Pilipùt en he, “Hat heileken tomok hanok en eme o,” ìlùk yogosike.

YOHANET 1:46 ပူးပေါင်းရင်းမြစ်များ

YOHANET 7:52

it en at mel yogosukwa: “Hat hogo re, haua o Kalilea mene nogo? Ap Ala ane yogoisagarek mene aike o Kalilea nen wesigin ìlùk Ala ane ba helal waganek aike were'ma heileken hegein motok lek a'naga re, heileken hanorogo hìthìkì logoino,” ìlùk yogosukwa. [

YOHANET 4:29

“Ap aike nen an yì hagatìk, tì hagatìk, hagatì lagì mene obogat pak hogo motok yogonete mene ebe atem hak werek o. At ebe Karìsùt Ala nen telninabigìlùk lakhei wesigin a'nogoat he a? Hùnogoat he a. Hineileken hoageip en we'ni o,” ìlùk yogoisìlìk lagaike.

1 TESALONIKA 5:21

Yì mene tì mene wanuogolùk, “Yì hano, yì weak,” ìlùk hina'la nen walhìlìk, hano mene halogat, hineki ning hogo hesogo logolìk,

LUKAT 12:57

Atì'nogo yogoisasikesik, wene aike mel isike: “Wene hinokawerek en elùgùn warogo higirethìkì lagep lek nahalok.

MATÌÙT 2:23

Wagaikesik he, o kota etage Nasaret atì ki wagaikesik, atomaat kamo isike. Atì'nogo hagasike atì re, it ap Ala ane yogoisìkì lagaukwa mene nen ìkì logolìk, “At ap a'nogo awì Nasaret mene ugun o,” ìlùk isukwa higit hogoat haga'lagaike atì.

MATÌÙT 10:3

Pilipùt Paretolomeùt eperak mel, Tomat Matìùt pemerìntah hesik uang kìno ìlìk wanhì lagaike mene a'nogo eperak mel, Alpìùt aput Yakùp Tareùt eperak mel,

YOHANET 1:44

At Pilipùt atì re, Atereat mel, Peterùt mel inom inawì sili o Pesaira omakima mene.

YOHANET 1:45

Opolik laga logolìk, at Pilipùt a'nogo hobuk ap Nataniel eperak apì arìk, mel yogosike: “Nataniel. At Musa nen wene Ala nen ninasuk wasike wene a'nogo ba, ap aike abok ìkì logolìk helal wanhìk, nen, it ap Ala ane yogoisìkì lagaukwa mene amanogo nen abok ìkì logolìk helal wanhìk, isukwa mene a'nogo, nit arat ninom apì ago. At ebe re, Yùsùp aput o Nasaret mene Yesùt at o,” ìlùk yogosike meneat he,

YOHANET 6:5

Atì'nogo hù'lagaukwasik, at Yesùt eileken lagisasike hak he, apùnì apik esa logolek atogosi waganem eileken lagisìlìk, Pilipùt mel yogosike: “Pilipùt. Apùnì logolek aroma sùpùrùk noak en, o koma mene oko palisùok he,” ìlùk yogosike.

YOHANET 6:7

Atì'nogo yogosikomo, at Pilipùt en he, mel yogosike: “Apùnì nen yabu ineki omake hesik hagatenem ineki oko uang wogisagarek atì mene nit en 200 oba sùpùrùk horoti mene oko pali lamo re, apùnì yoma, hamùlùk hamùlùk eken wokhìgìk elok nasak? Meaat o,” ìlùk isikomo re,

YOHANET 12:21

It ap atì wagaukwasik he, ap Pilipùt awì o Kalilea tokwe, kota etage Pesaìra mene pisikesik were'ma, oba wagaukwasik he, mel yogosukwa: “Noe. Nit Yesùt oba wesusak walok en wago o,” ìlùk isukwama,

YOHANET 14:8

at Pilipùt en he, mel yogosike: “Noe. Nineileken hìlìk ninetaùken hapuk hogo logouagalùk, hat hopase atì ebe yakùlnisan o,” ìlùk yogosikomo,