YOHANET 1:29 - Ala Ane Wene Ket Mene Warogo Wo'ninapike Wene

²⁹ Wene atì'nogo isukwasik, nogo ìlùk, hùenkwe, at Yesùt Yohanet oba waganem eileken lakhìlìk he, wene mel yogoisasike: “Ala ako topa mene nit apùnì kweangma weak hagatorek mane korogo heraksegein mene a'nogo waga a'lì hineileken lakhani.

YOHANET 1:29 ပူးပေါင်းရင်းမြစ်များ

MATÌÙT 1:21

Omalik atì ebe abat tasigin o. Tasumo re, at en oe agot weak hagarìlùgì mene korogo wìlìk telinabigin o, ìlùk etage Yesùt salino,” ìlùk yogosike.

YOHANET 1:35

At Yohanet en atì'nogo yogoisasikesik, nogo ìlùk, hùenkwe re, at Yohanet ebe mel, agoromì ane wanhì lagaukwa mene inebe pìre mel, inom, atoma metek welagaukwa.

YOHANET 1:36

Atì'nogo were'ma, Yesùt kwe atìkwe lagalùk waganem Yohanet eileken lakhìlìk he, mel yogoisasike: “Ala ako topa mene a'nogo waga a'li lakhani,” ìlùk yogoisasikomo,

YOHANET 1:43

Etage atì'nogo salhikesik, nogo ìlùk hùenkwe re, at Yesùt o Kalilea lagai wesigìlùk akasikesik lagai wagaike hak, ap etage Pilipùt eperak apì agaukwasik he, mel yogosike: “Nagot e. An nopolik eme o,” ìlùk ayoko hesikomo opolik lagaike.

YOHANET 2:1

Atì'nogo hagatì lagaukwasik, nogo ineki pìre ìlùk en, ineki aike ba nen he, o Kalilea o kota aike etage Kana atì, ap aike agwe ìgetenem Yesùt agosa ayoko hesukwama atoma inom welagaukwa.

YOHANET 3:16

Yì apùnì tì apùnì Ala etawì motok en, inetaùken an noba hìpìrethogoin mene hùgì inebe lopok wa'la'lùk he, nongagì'lek ineluk motok logouagalùk, aput an nebe omakeat tago mene wogisasike.

YOHANET 4:42

he a'nogo mel yogosukwa: “Yogotak nit ninetaùken at oba hìpìrethogo yì re, wene hat en yogonisegen atì ba nek ninetaùken at oba hìpìrethogo hùk. Lek o. At he, at ebe nen wene yogonisikenem ninokawerek en ninasuk tomok holhìk, Apùnì kweangma mene obogat telninaperek mene ebe yìat o, ìlùk hùthìlìk ninelu agìk, ogo atì ha nen ninetaùken at oba hìpìrethogoat o,” ìlùk yogosukwa.

YOHANET 6:51

Sùpùrùk inelugurinaperek mene pogot oba nen pi wagarek atì re, an nebeat o. Sùpùrùk an nen wogisegein mene atì, sa nen niko halok, at ebe eluk motok logogin o. Apùnì kweangma mene ineluk logouagalùk an nebe it hesik wa'lasigin atì, an nebeat wogisegein,” ìlùk yogoisasike.

LAKSASIKE 13:39

Yì weak tì weak hagatenem he, wene Ala nen Musa ayoko hìlìk inasuk wasike wene a'nogo ba, korogo wokhasak mea meneat he, ninebe lopok ninetaùken Yesùt oba hìpìrethoumo nek he, elok korogo wokhasak werek o.

LAKSASIKE 8:32

Yogosikomo, oba hù'lasi lagasikesik eileken hìthasike hak he, ap a'nogo helal mel ìlùk wagane'ma etage salhenem hasike: “At he, topa wam wasuogolùk wolok lagaikarek atì hak wolok lagaika o. Wolok lìlìk, topa eak esi paluogolùk ikenem, ane legat kamo ikerek atì hak, at atì ane aike ìgì'lek kamo ike o.

1 KORÌTÙT 15:3

Wene emakum an yakùlnesukwama, wanhigi meneat hit hobuk yakùlhisasigi atì re, ebe mel akìgì. Nit weak hagatì lagagu mene hesik, at Karìsùt nineki elùgùn oba wasugun ìlùk helal waganogo hesukwa higit hogoat ebe wasukwa atì.

2 KORÌTÙT 5:21

Nit Karìsùt ninom hùneto halok, at Ala nen okawerek ninom ninapotkwe lapuk hogo hinagalùk, nit hesigat nit ninoabùt weak hagatorek mane atì, at Karìsùt weak hagatì'lek mene oba hesike atì.

KALATIA 1:4

Nit weak hagatorek atì nen ninopase Ala a'la nen he, “Tì'nogo hagasuak,” ìlùk a'la akasike ba, at Yesùt Karìsùt en nit apùnì kweangma mene telninabigìlùk, etaùken nenat nit ninoabùt weak motok hagatorek mene atì ùkùm at okawerek en oba hakìlìk wa'lagaike atì.

KALATIA 3:13

Ala ane ba helal waganogo hìkì logolìk he, mel isukwa: “Inebe e ba menhisìlìk inoasumo, it inebe wa'lasugun mene atì, Ala nen homan hisegein werek o,” ìlùk, helal waganogo hesukwa hagat, wene Ala nen ninasuk wasike wene atì ba re, homan hinasak higit were'ma, at Karìsùt en ninoko palogo telninabìgìlùk ùkùm nit ninoba mene korogo at oba hakasike atì.

1 TIMOTÌÙT 2:6

At Karìsùt apùnì obogat weak hagatorek atì ba hele warogo ha'nisek were'ma hele hikalogo telninabigìlùk okawerek eram en, “Nebe noasuak” ìlùk wagaike atì ba, Ala a'la nen he: “Apùnì obogat telinabuaak,” ìlùk akikerek mene atì, enagat asusak higit hogoat enagat agaike atì.

TITUT 2:14

Nit alep Ala ane heraksìlìk yì weak tì weak hagatì lagagu atì nen nineki hele warogo negen ha'nisek were'ma, at Yesùt Karìsùt en he, “It inebe an nokawerek nagainapùrì atìk he, inoabùt hano mene akiluk hogo hagatì logouak en, inebe hele hikalogo inoko paligìlùk, an nebe wa'lasigin,” ìlùk isike.

IBERANI 1:3

Mo eileken tilelek-walelek lakhei wagarek hak, Ala ebe hogoratarek mene a'nogo nen, Yesùt ebe lakhei wagaikomo kweangma lìarogo logolìk, opase alìlùmo at hake welagarek. Ati'nogo logolìk, yì mene tì mene obogat welagarek atì, at ane omame ba welagarek. Were'ma, nit weak hagatì lagagu mene horogo legethìlìk he, Ala Etagepogot esin mene a'nogo oba lagasikesik era'lu kainat welagarek atì.

IBERANI 2:17

Atì'nogo hagasike atì re, yì'nogo ìlùk. Nit apùnì weak hagatorek mene, at en legetsagalùk, at ebe Ala esewerek kain logolìk, oabùt Ala hesik hùpùn hogo hagatìk, nit apùnì etawì'ninapìk, elogat ìkì logoigìlùk, at ebe nit apùnì erùgì agaiya'lak hakeat arìk, nit hagatorek mene obogat ninoabùt wanusak meneat wanhike atì.

IBERANI 9:28

at Karìsùt hogo re, nit apùnì weak hagatorek mene legetsagalùk eki omake hesik wam Ala waretì lagaukwa atì hak, at ebe wa'lagaikesik, hobuk wesigin atì, nit weak hagatorek mene legetsagalùk wesigin hùk. Lek o. We, nit apùnì, at waganem elokoma serogo welagorek mene hùgì, hano'ninabigìlùk wesigin o.

1 PETERÙT 1:19

At he, oko hùko mene ba palogo telhinapike o. Wam topa wam eak weak mene hùk, we, hano otolik mene Ala hesik amep wulagasogo waresu hak, at Karìsùt amep wulagasogo wa'lagaike atì ba, hinoko palogo telhinapike atì.

1 PETERÙT 2:24

Nit ninoabùt weak hagatì lagagu mene atì, apùnì wa'larìk yì mene tì mene hagatarek lek atì hak, nit weak mene heraksìlìk, nineluk logolìk Ala walok mene hagatì logouagalùk, nit weak hagatì lagagu mene korogo, at Karìsùt oba hakasikomo, ebe e ba menogo hìlìk wasukwa atì. At ebe libi'-labak hogo wasukwa atì ba, hit hanothinapike atì.

1 PETERÙT 3:18

Nit apùnì weak hagatorek atì hesik nineki elùgùn oba, at Karìsùt hobuk wa'lagì'lek logoigìlùk omake hesigat wa'lagaike. Ninebe Ala oba wo'nisek lagalùk he, at oabùt higit hagaterek mene nen, nit ninoabùt kolo hagatorek mene hesik wa'lagaike atì. Ebe nit apùnì mene atì wasukwama wa'lagaike meneat he, areagùn mene atì Ala nen eluguthesike atì.

1 YOHANET 2:2

At ebe atì'nogo logolìk, nit yì weak tì weak hagatorek mene sagalogo legetsìlìk, ho'ninaperek. Atì'nogo hagaterek atì re, nit weak hagatorek mene hesik enek hùk. At he, yì apùnì tì apùnì kweangma mene obogat weak hagatarek mene hesik ninomat ho'ninaperek o.

1 YOHANET 3:5

At Karìsùt okawerek weak hagatì'lek logolìk, nit weak hagatorek mene sagalogo legetsagalùk, ebe weinam hogo wagaike atì hinelu o.

1 YOHANET 4:10

It aike inetawìrinaparek atì ebe re, nit en Ala ninetawìrasugu hùk, lek o. We, at Ala nen nit etawì'ninapikesik, at en nit weak hagatorek mene sagalogo legetsìlìk ho'ninabuagalùk, aput ninoba pelakhei wagaike atì.

ABÌKAKAN 12:11

It ninerùgì ninagaiya'lak atì inokawerek inebe inetawì agì'lek, Ninoata halok he, hanoat o, ìlùk nikenem inoata. It atì re, Topa Eak amep wulagasogo wasukwa atì ba ho, it en Ala ane ebe wene atì pak hogo yogoisìlìk nìkì lagaika atì ba ho, Ibilit a'nogo arat mabenetsaga atì o.

ABÌKAKAN 13:8

At Ala nen he, pogot kweang oan elalhì'lek logolìk, “It atem ineluk motok logouagalùk hagarinabigin,” ìlùk, inetage helal waganogo at Atopa Eak, it hesik wasukwa mene a'nogo arùesika ba hesike. It inetage atì'nogo helal waganogo hesike mene hùgì, yeke lo yeke hake hùko a'nogo hogoratì'lek werek kolek, apùnì kweangma welagaikarek mene aike obogat inetaùken yeke lo yeke hake hùko a'nogo ba hìpìrethìlìk hogoratì lagaika isìgì.

ABÌKAKAN 14:1

Atì'nogo lakhìgìrìk oba nen, opolik lakhìgì hak he, at Topa Eak a'nogo tom Sion oba metek were'ma lakhìgì. Atì re, at ebe mel, it apùnì inebe 144.000 nen, at Topa Eak ho, opase ho, eperak inetage it atì inebe lopok ineilha ba helal waganek mene mel, inom were'ma lagisìgì.

ABÌKAKAN 14:10

apùnì nen, i inom lek, we anggur eken amusu nek ale weak hinatharek atì hak, Ala a'mage hit etawìthinapì'lek, ùkùm ning hogo hinoba hegein o. Atì'nogo hinoba hìlìk, nit malaikat Ala hesik welagorek mene mel, Topa Eak a'nogo mel, nineilhanem hinebe, etu mel, hetalì al hake obasi weak mene etage belerang mel, inom-inom nikere'ma atoma lakhikamo, heinet wato motok logogun o.

ABÌKAKAN 14:4

It apùnì atì inebe re, tegelek logouogolùk, hìmì inom nogo ìgì'lek logolìk, inape ba nen inapeliak aike egare'legat, nen, apùnì aike nen he, “It atì weak aike hagatama,” ìlùk ùkùm inoba housak legat mene, logolìk, Topa Eak a'nogo kwe komakwe laga halok, opolik nikenem, sùpùrùk ebe oan werek kolek, lilu tak nekarek atì hak, Ala nen yì apùnì tì apùnì ina'la nen kìgìlogo inoko palogo telinapikomo, it inebe Ala ho, Atopa ho, hisìlìk, were'ma isìgì o.

ABÌKAKAN 15:3

Atì'nogo logolìk, wùnì at Musa Ala atitigeke a'nogo ho, Topa Eak a'nogo ho, eperak inawùnì watì logolìk mel ìkì lagaika: “Ala ninopase, u a e, Hat homame api'mo re, u a e, Yì mene tì mene hagasusak ene'ma re, u a e, Elalin hùkorogo inayùk mene nek hagatetek, u a e. Hat yì apùnì tì apùnì inopase Hetagepogot logolìk, u a e, Higit hogo nek hagarinapetek, u a e, Hano nek hagarinapetek, u a e, Ninopase, u a e.

ABÌKAKAN 17:14

Atì'nogo esewerek hìlìk, Topa Eak a'nogo weim inom yabuogolùk ugun meneat he, at Topa Eak ebe apùnì kaintek inetagepogot mel, inetagewerek mene mel, obogat inoe etagewerek hesaksegarat ma re, againapùrì wenaginabik inayoko hesikomo inoabùt at hesik hùpùn hogo hagatarek mene amanogo, at werekwe arìk, inom en, at yeke lo yeke bake a'nogo agoromì inom mabenetsogoin o,” ìlùk yogonete.

ABÌKAKAN 19:7

Atì'nogo logolìk, Topa Eak agwe negen ikagalùk awì arat we ikomo, at agwe negen a'nogo okawerek en arat tomok hogo hakìlì'mo nogo nen he, ebe arat isigin atì nen nina'la hairogo, akiluk hogo, at hogoratì logouok o.

ABÌKAKAN 19:9

Atì'nogo ikenem holhìrìk oba nen, at malaikat a'nogo nen mel yogonete: “It apùnì Topa Eak agwe negen ìkìkì logolìk, pesta isago na wesuagalùk inayoko haga mene hùgì ina'la hai hakoak o, ìlùk helal wanino o,” ìlùk yogonetesik, hobuk yogonetì logolìk: “Wene yì re, eberogoat Ala nen ike mene o,” ìlùk yogonete.

ABÌKAKAN 21:14

Nen, leget pa'leget wùrìk atì, obùle helep ebe 12 nenatma re, at Topa Eak en inebe 12 nenat wenagasogo inayoko hìlìk laksasike mene amanogo inetage helal waganek welaga hìgì.

ABÌKAKAN 21:27

Atì'nogo kìkì logogun meneat he, apùnì weak ina'meilo mene hagatìk, inapelìak ìgìk, ìkì logolìk inoba horinapì'lek mene o atoma kìkì logogun motok lek hìgì. Atì'nogo meneat he, it aike ineluk motok logouagalùk hanorinabigin mene hùgì inetage helal waganogo Topa Eak arùesika ba hike mene nek o atoma kìkì logogun hìgì o.

ABÌKAKAN 21:9

Atì'nogo yogonetesik oba nen opolik he, Ala nen elùgùn kobok apùnì weagarinabuagalùk, it malaikat inebe 7 nen Ala a'mage i negen hinago wolok kesali wagaika mene amanogo mene aike wagasik mel yogonete: “Topa Eak en agwe negen ìkike mene atì ebe yakùlhesumo heileken lakhanok en eme o,” ìlùk yogonete.

ABÌKAKAN 5:6

Atì'nogo ìlùk yogonetesik oba nen, opolik he, it Ala nen elalinapikomo ineluk welagaikarek mene aike inebe 4 amanogo mel, ap inalùgetek inebe 24 en amanogo mel, at kain welagarek obùlùk era'lukwe werek kolek, ina'la tùlem he, Topa Eak arat wasukwa mene ùkùloa'ma aik 7 ba nen wùlìk, nen, eileken 7 ba nenat mene metek welaga. Eileken 7 nen atì ebe re, Ala nen Areagùn o yì awì tì awì laksikerek mene amanogoat o.

ABÌKAKAN 5:8

Atì'nogo ekimo wanhenem he, it Ala nen elalinapikomo ineluk welagaikarek mene aike inebe 4 en amanogo mel, ap inalùgetek inebe 24 en amanogo mel, Topa Eak a'nogo awe a'ma kìlìk ineitep awì yagasogo hogoratì lagaika. Atì'nogo hogoratì logolìk, it ap inalùgetek amanogo inebe lopok gitar hake meeo mel, kemenyan amusu isoak emas mene hagarek mene ha hinago mene mel, inekimo hesogo logolìk etawì watì lagaika. Kemenyan atì ebe re, Ala againapùrì sapan egarek atìat o.

ABÌKAKAN 6:1

Atì'nogo hìgìrìk oba nen hobuk, silo hagarek atì hak, sùesika uan mene amusu ebe 7 ba te'mek hogo hesukwa mene a'nogo, Topa Eak a'nogo nen, aike emakum hikalhenem he, it Ala nen elalinapikomo ineluk welagaikarek mene inebe 4 en amanogo mene aike nen he, “Eme o,” ìlùk ane okuku ane hake ikenem nasuk holhì.

ABÌKAKAN 6:16

Atì'nogo hinago logolìk, tom mel, helep mel, mel yogoisìkì lagaika: “Ala anini ninoba hegein a'nogo arat hakok i waga yoma re, sa hak en a'la pùk etaùken sebethìlìk kamo igin akegep? Mea o. Atì nen he, hit en, at kain welagarek obùlùk oba werek atì nen elokoken age ninoatìk, Topa Eak atì a'mage ninoba hìlìk ninoatìk, ugun yì re, tukwak hogo ninebe sebelninabìk he, hina'ma hinakhinanini o,” ìlùk kìno yogoisikenem nasuk holhì o.

ABÌKAKAN 7:14

Hinok atì'nogo wo'niikenem, an nen he, “Noe, an nokot. Hat enek he, helu welagen o,” ìlùk yogotenem, at en he, mel yogonete: “It apùnì yoma re, o kweangma were'ma apùnì aike nen yì aik tì aik apik hagarinapenem, Ala nen telinapikomo, inasu Topa Eak amep oba arat kut motok sobalega mene o.