YOHANET 1:27 - Ala Ane Wene Ket Mene Warogo Wo'ninapike Wene

²⁷ At atì ebe hobuk an nopolik waga meneat he, at ebe kain. An nebe yekerek atì nen he, at esok agùt hele homago mene atì, an nen hikalusak mea o,” ìlùk yogoisasike.

YOHANET 1:27 ပူးပေါင်းရင်းမြစ်များ

MATÌÙT 3:11

Atì'nogo yogoisasikesik aike mel yogoisasike: “Hit weak hagatì lagep mene heraksìlìk hinepe eberogoat hebelaga ìlùk, an nebe yekerek nomame lek mene nen we ima pelakhinapì lagì. Mene re, at kain omame apik mene hobuk wesigin o. At ebe kain omame apik atì nen he, an nebe yekerek mene nen esok agùt yelik mene wolok lasak meaat. At en ima pelakhinabu hak, Ala Areagùn inom, etu inom, hinoba pelakhei wesigin o.

MAREKÙT 1:7

Atìgìnhi logolìk, mel yogoisìkì lagaike: “An nebe yekerek nomame lek mene wagì yì, ap kain omame apik mene hobuk wesigin o. At ebe kain omame apik atì nen he, at esok agùt yelik mene an nen neitep awì yakhìlìk en hikalusak he, mea o.

LUKAT 3:16

at Yohanet en mel yogoisasike: “An nebe yekerek nomame lek mene nen, we, ima nek pelakhinapì lagi o. Mene re, at aike kain omame apik mene hobuk wesigin o. At ebe wìrìk he, at en ima pelakhinabu hak, Ala Areagùn inom, etu inom, hinoba pelakhei wesigin o. At ebe kain omame apik atì nen he, esok hele homago mene, an nebe yeherek mene nen hikalusak he, mea o.

YOHANET 1:15

Wene at ebe hesik Yohanet en mel yogoisasike: “An nopolik hobuk ap aike wesigin, ìlùk abok yogohisìgìrek a'nogo re, ebe yìat o. At yì hobuk an nopolik waga meneat he, ebe an oan ta'lagì'lek werek kolek, at alebat welagaike atì nen he, an nebe maben o. Kain he, arat o,” ìlùk, ane hùkorogo yogoisasike.

YOHANET 1:30

Alebat wene an nen yogohisìkì logolìk he, Ap aike nopolik wesigin meneat he, an oan ta'lagì'lek werek kolegat welagaike atì nen, an nebe yekerek mene re, at enek he, kain o, ìlùk, abok yogohisìgìrek a'nogo re, ebe waga arìat o.

YOHANET 10:41

Atoma were'ma, apùnì apigat at oba wagaukwasik he, mel isukwa: “At Yohanet en elalin mene aike hagatì lagaike motok lek meneat he, at en ap yì abok ìkì lagaike a'nogo ane ebe nek agaike,” ìlùk isukwasik he,

LAKSASIKE 13:25

Yogoisìkì lagaikesik, at en hagasusak mene arat hagatì lagaikesik, wùrep oba hagasigìlùk he, mel yogoisasike: Hit en an sa akìkì lagep. Hit en serogo welagep atì, ebe an lek o. Hina'la eberek logoino. At ebe an nopolik wesigin o. Waganem he, an nebe yekerek. Kain he, arat o. At esok sepatu laberek mene atì, an nen hikalusak mea o, ìlùk yogoisasike.

LAKSASIKE 19:4

Atì'nogo yogosukwama, at Paùlùt en he, “Yohanet en ima pelaginapì lagaike atì, it apùnì nen, Weak hagatì lago mene arat heraksogosik ninoabùt hebelago, ìlùk iko halok pelaginapì lagaike. Atì'nogo pelaginapì logolìk he, mel yogoisìkì lagaike: An nopolik ap aike wesigin. Halok hinetaùken at oba hìpìrethìlìk logoino o, ìlùk ebe Yesùt hesigat yogoisìkì lagaike atì,” ìlùk yogoisasike.