YOHANET 1:26 - Ala Ane Wene Ket Mene Warogo Wo'ninapike Wene

²⁶ at Yohanet en he, mel yogoisasike: “An nen apùnì we ima pelaginapì lagì meneat he, ap aike hit on ebe hùthìgì'lek mene hinekele'ma metek werek o.

YOHANET 1:26 ပူးပေါင်းရင်းမြစ်များ

LUKAT 3:16

at Yohanet en mel yogoisasike: “An nebe yekerek nomame lek mene nen, we, ima nek pelakhinapì lagi o. Mene re, at aike kain omame apik mene hobuk wesigin o. At ebe wìrìk he, at en ima pelakhinabu hak, Ala Areagùn inom, etu inom, hinoba pelakhei wesigin o. At ebe kain omame apik atì nen he, esok hele homago mene, an nebe yeherek mene nen hikalusak he, mea o.

MAREKÙT 1:8

Nen, an nen, we, ima pelakhinapì lagì meneat he, at ebe wìrìk en he, ima pelakhinabu hak, Ala Areagùn hinoba pelakhei wesigin o,” ìlùk yogoisìkì lagaike.

MATÌÙT 3:11

Atì'nogo yogoisasikesik aike mel yogoisasike: “Hit weak hagatì lagep mene heraksìlìk hinepe eberogoat hebelaga ìlùk, an nebe yekerek nomame lek mene nen we ima pelakhinapì lagì. Mene re, at kain omame apik mene hobuk wesigin o. At ebe kain omame apik atì nen he, an nebe yekerek mene nen esok agùt yelik mene wolok lasak meaat. At en ima pelakhinabu hak, Ala Areagùn inom, etu inom, hinoba pelakhei wesigin o.

YOHANET 8:19

it en he, “Hat hopase atì koma werek,” ìlùk yogosukwama, at Yesùt en he, “An noba yì mel, nopase mel, hinokorat o. An nebe hinolu logoilepma re, nopase atì hineluat logoilep o,” ìlùk yogoisasike.

1 YOHANET 3:1

At Ala nen he, “It yì an nagainapùrì,” ìlùk ta'ninapikomo eberogoat nit ninebe at againapùrì welago. Atì'nogo welagorek atì nen, ninebe at etawì motok welagarek atì hani! Atì'nogo meneat he, it apùnì kweangma mene inoabùt inesok mene amanogo nen Ala ebe inokot atì nen he, nit ninebe inokorat o.

LAKSASIKE 11:16

Inoba pi wagama re, ninoe Etagepogot en wene mel ìlùk isike mene na'la ebeti: Yohanet en ima pelakhinape meneat he, Ala nen Areagùn hinoba pelakhei wesigin o, ìlùk isike mene atì oba ebeti.

YOHANET 17:25

Ala higit hogo nek hagatetek mene, nopase. It apùnì kweangma mene hat hebe inokot meneat he, an enek he, hat nelu o. Nen, it hat en wo'nesigin mene hùgì nek he, At en lakhei wagaike ìlùk, ineluat o.

YOHANET 17:3

It apùnì nen he, Ala hogorasusak ebe mene aligalegat motok welagarek, ìlùk, hebe inelu agìk, nen an Yesùt Karìsùt lakhani wagaginmo wagagi mene yì nebe inelu agìk, ìlì'lùgì atì re, ineluk motok welagaikarek ero atìat o.

YOHANET 16:3

It en atì'nogo hagathinabugun atì re, an nopase neperak ninebe inokot atì nenat hagathinabugun o.

MATÌÙT 3:6

Wìrìk he, yì weak tì weak hagatì lagaukwa mene hukalogo heraksikenem, i Yoretan ima pegalinapì lagaike.

LAKSASIKE 19:4

Atì'nogo yogosukwama, at Paùlùt en he, “Yohanet en ima pelaginapì lagaike atì, it apùnì nen, Weak hagatì lago mene arat heraksogosik ninoabùt hebelago, ìlùk iko halok pelaginapì lagaike. Atì'nogo pelaginapì logolìk he, mel yogoisìkì lagaike: An nopolik ap aike wesigin. Halok hinetaùken at oba hìpìrethìlìk logoino o, ìlùk ebe Yesùt hesigat yogoisìkì lagaike atì,” ìlùk yogoisasike.