YOHANET 1:24 - Ala Ane Wene Ket Mene Warogo Wo'ninapike Wene

²⁴ It ap wagaukwa atì re, it ap Parisi mene nenat laksa wagaukwama wagaukwasik, aike mel yogosukwa:

YOHANET 1:24 ပူးပေါင်းရင်းမြစ်များ

MATÌÙT 23:26

Hit ap Parisi mene hineileken motok mùm mene yì rì! Hinageisoak atì eilemkwe tak hanorogo sobalino o. Atì'nogo hagatep halok he, etakwe elok sobalasiginat o. Hit kolo hagatì lagep atì nen Ala nen weagathinabigin o.

LUKAT 11:53

o a'nogo hebisalùk eta'ma wùlìbi lagaike. Wùlìbi lagaikomo re, it ap Ala ane helal waganek esewerek mene mel, Parisi mene mel, ina'mage at oba hìkì logolìk, “At Yesùt atì ane igin oba wene eken hìlìk ebe wasuok,” ìlùk he, anema hùko wanhìk, hamùlùgat wanhìk, ìkì logolìk ineil wanhì lagaukwa.

LUKAT 16:14

Atì'nogo yogoisasikomo re, it ap Parisi mene amanogo uang motok inetaùken hutik welagaukwasi'mo nogo nen he, Yesùt en wene atì'nogo ikenem inasuk holhukwasik he, inane lì'nù tìng-taung hogo agato agaukwa.

LUKAT 7:30

Atì'nogo isukwa meneat he, it ap Parisi mene mel it ap Ala ane helal waganek yakùlisìkì lagaukwa mene mel, enek he, Yohanet en ima pelaksoagalùk lagì'lek logolìk, Ala nen atì'nogo hagatì logouagalùk a'la akasike mene a'nogo inabìt en heraksìlìk welagaukwa.

YOHANET 1:23

Atì'nogo yogosukwama re, at Yohanet en he, mel yogoisasike: “At Yesaya Ala ane yogoisìkì lagaike mene a'nogo nen, mel isike: Ap aike o leimo apùnì le'ma atoma ane wai ìkì logolìk he, Ninoe Etagepogot wesiginkwe hanorogo yatì logoni o, ìlùk, ìkì logogin, ìlùkisikomo helal waganek werek a'nogo re, nebe anat o,” ìlùk yogoisasike.

YOHANET 1:25

“Hat en he, An nebe re apùnì telninapukwe Ala nen ayoko hìlìk lakhei wenigin hike a'nogo lek o. Nen, Elia legat o. Nen, Ala ane yogonisìkì logouagalùk lakhai wesigin isike a'nogo legat o, egen meneat he, apùnì ima pelaginapì lagen atì nahalok,” ìlùk yogosukwama re,

LAKSASIKE 26:5

Nit Ala awe a'ma kìlìk logolìk hagatì lago wene atì, it ap aike Parisi mene inawene hesogo logolìk, yùgùnat hake hagato kolek, an enek he, motok ning hogo hesogo logolìk hagatì lagagi atì, it ap yoma hageat en inelu motok o. Halok it en he, Atì eberogoat hagatì lagaike meneat ike, ìlùk yogohesusak he a? Inabìt he a.