YOHANET 1:15 - Ala Ane Wene Ket Mene Warogo Wo'ninapike Wene

¹⁵ Wene at ebe hesik Yohanet en mel yogoisasike: “An nopolik hobuk ap aike wesigin, ìlùk abok yogohisìgìrek a'nogo re, ebe yìat o. At yì hobuk an nopolik waga meneat he, ebe an oan ta'lagì'lek werek kolek, at alebat welagaike atì nen he, an nebe maben o. Kain he, arat o,” ìlùk, ane hùkorogo yogoisasike.

YOHANET 1:15 ပူးပေါင်းရင်းမြစ်များ

MATÌÙT 3:11

Atì'nogo yogoisasikesik aike mel yogoisasike: “Hit weak hagatì lagep mene heraksìlìk hinepe eberogoat hebelaga ìlùk, an nebe yekerek nomame lek mene nen we ima pelakhinapì lagì. Mene re, at kain omame apik mene hobuk wesigin o. At ebe kain omame apik atì nen he, an nebe yekerek mene nen esok agùt yelik mene wolok lasak meaat. At en ima pelakhinabu hak, Ala Areagùn inom, etu inom, hinoba pelakhei wesigin o.

MAREKÙT 1:7

Atìgìnhi logolìk, mel yogoisìkì lagaike: “An nebe yekerek nomame lek mene wagì yì, ap kain omame apik mene hobuk wesigin o. At ebe kain omame apik atì nen he, at esok agùt yelik mene an nen neitep awì yakhìlìk en hikalusak he, mea o.

LUKAT 3:16

at Yohanet en mel yogoisasike: “An nebe yekerek nomame lek mene nen, we, ima nek pelakhinapì lagi o. Mene re, at aike kain omame apik mene hobuk wesigin o. At ebe wìrìk he, at en ima pelakhinabu hak, Ala Areagùn inom, etu inom, hinoba pelakhei wesigin o. At ebe kain omame apik atì nen he, esok hele homago mene, an nebe yeherek mene nen hikalusak he, mea o.

YOHANET 1:27

At atì ebe hobuk an nopolik waga meneat he, at ebe kain. An nebe yekerek atì nen he, at esok agùt hele homago mene atì, an nen hikalusak mea o,” ìlùk yogoisasike.

YOHANET 17:5

Nopase. Kweang oan walhìgì'lek logolìk, neperagat esin welagagu a'nogo mene yogotak hat were'ma atoma esinethanino.

YOHANET 8:58

at en he, mel yogoisasike: “An nane eberogoat yogohisak o. Ap Aberaham atì ebe oan ta'lagì'lek werek kolek, an nesok motogat welagìrek o,” ìlùk yogoisasike.

KOLOSE 1:17

At Ala nen yì mene tì mene oan elalhì'lek werek kolek welagaikesik he, yogotak yì mene tì mene obùlù'mo lopok werek atì, at enat hesogo were'ma hano werek o.

IBERANI 13:8

At Yesùt Karìsùt ebe re, o holo nen, yogotak en, esok motok welagarek atì hak, hobuk atì'nogoat esok motok logogin o.

ABÌKAKAN 1:11

“Hat heileken hegein mene atì, helal waganino o. Waganogo re, it Ala againapùrì gereja 7 nen atogotarek mene, o etage Epesùt mel, Simirina mel, Perekamùt mel, Tiatira mel, Saritit mel, Pilalepia mel, Laolikia mel, inoba lakheino o,” ìlùk yogonete.

ABÌKAKAN 2:8

Atì'nogo yogonetesik, hobuk yogonetì logolìk, “An he, ero ba nen pìkìt erepùl oba motok logogin mene a'nogo arat wa'lagagisik en hobuk neluk agagisik welagìrek mane a'nogo nen, wene yì yogohesik: At Ala nen malaikat ayoko hìlìk lakhei wesu hak, at againapùrì o Simirina atogotarek mene inayoko hìlìk hisasikomo werek a'nogo, wene an nen it yogoisegein mene yì, hat an helal waganogo inoba lakheinok en, it mel yogoisak: