YOHANET 1:13 - Ala Ane Wene Ket Mene Warogo Wo'ninapike Wene

¹³ Eserinapikomo, at againapùrì agaukwa atì re, apùnì inagainapùrì taka walok en holelinabìk mep mene logalogo taginaparek atì hak hùk. We, at Ala nenat taginapike o.

YOHANET 1:13 ပူးပေါင်းရင်းမြစ်များ

MATÌÙT 3:9

An nen he, at Ala nen Aberaham againapùrì negen haga'lasuagalùk helep yì mene elok hagasusagat o, ìlùk yogohisìgì atì nen, hit hina'la nen he, Aberaham atì nit ninopase, ìlùk akagùp o.

YOHANET 3:3

Atì'nogo yogosikomo, at Yesùt en he, mel yogosike: “Apùnì Ala nen inebe hobuk inapotkwe taginapì'lek halok he, at awe a'ma hisikere'ma atoma ineileken hogoin motok lek o, ìlùk, nane eberogoat yogohetì lagì,” ìlùk yogosikomo,

1 KORÌTÙT 3:6

Wene atì, sùpùrùk awì yatarek hak, an nen yasigi. Nen, at Apolot en he, i kesalìk lagaike. Nen, ebe re, at Ala nenat hùkothesike.

TITUT 3:5

Atì'nogo weinam agaikesik, Ala Areagùn nen nina'la sobalogo ninebe ket mene ta'ninapìk, ninoabùt hùnogoat haga'ninapìk, isike atì re, nit ninokawerek en ninoabùt higit hogo hagatì lagagu ba haga'ninapike hùk. We, ninebe at enat etawì'ninapikesik telninapike atì.

YAKOBÙT 1:18

Yì mene tì mene elalhike mene obogat makusa negen he, nit at logouagalùk, at okawerek a'la akalùk ane ebe wene atì baat ta'ninapikomo welago.

1 PETERÙT 1:23

Ala nen hobuk takhinapike atì, apùnì wa'lagaikarek mene nen taginaparek atì hak takhinapike hùk. We, Ala eluk esok motok logolìk ane lek agì'lek logogin mene ba takhinapike o.

1 PETERÙT 1:3

Ninoe Etagepogot Yesùt Karìsùt opase Ala a'nogoat hogoratì logouok. At Ala ninebe etawì motok en, Yesùt Karìsùt wa'lagaikesi'mo nen eluguthesike atì ba nit ninelugu'ninapike atì. Ninelugu'ninapikomo logolìk he, nina'la nen, “At en, hobuk hanothinabigin, isike atì sùge asigin lek,” ìlùk nina'la hai hakìkì lago.

1 PETERÙT 2:2

Yì mene tì mene etuk mìkhìlìk, hano egarek atì hak, ninoe Etagepogot oabùt hano hegep atì nen he, omalik ketago mene eilak nele nen niko motok welagaikarek atì hak, wene hano wene hinetaùken atì ba wurik asumo hanothinabuagalùk, wene atìat hinamolorogo wanho motok logoino o.

1 YOHANET 3:9

Nen, apùnì Ala nen taginaperek mene hùgì inebe lopok, at oabùt wìlìk hagatarek atì nen, weak hagato motok logousak lek. Inebe Ala againapùrì logolìk weak hagato motok welagaikarek lek o.

1 YOHANET 4:7

Nerùgì nagaiya'lak. Netawìlak e. Apùnì aike inetawìrinaparek atì ero, at Ala at atì nenat he, nit-nit netawì-hetawìrogo logouok o. Apùnì netawì-hetawìrogo logogun mene hùgì, inebe lopok Ala nen taginapikomo, at againapùrì logolìk, at ebe ineluat werek o.

1 YOHANET 5:1

Apùnì nen he, “Yesùt atì Ala nen ayoko hìlìk lakhei wagaike mene eberogoat Karìsùt a'nogoat o,” ìlùk inetaùken at oba hìpìrethagarek mene hùgì inebe lopok he, Ala nen taginapomo, at againapùrì werek o. Nen, nit ninopase Ala ninetawìrogo logolìk halok he, at againapùrì tago mene atì ninetawìrogoat logousak o.

1 YOHANET 5:18

Nit Ala againapùrì ta'ninape mene at aput emakum tasike mene a'nogo nen se'nisek were'ma, at oabùt weak mene a'nogo nen eki ha'nisegein lek o. Halok he, nit weak hutik motok hagatì logousak lek, ìlùk ninelu o.