YOHANET 1:12 - Ala Ane Wene Ket Mene Warogo Wo'ninapike Wene

¹² Atì'nogo hebisasukwa meneat he, it apùnì aike nen, at ebe wìlìk he, inetaùken at oba hìpìrethesukwama, Ala againapùrì ebe mene asuagalùk eserinapike.

YOHANET 1:12 ပူးပေါင်းရင်းမြစ်များ

MATÌÙT 10:40

“At sa nen hinebe wokhinabigin halok he, an nebeat wo'nabigin o. Nen, an nebe wo'nabigin atì, an nopase lakhani wagaike mene a'nogo ebeat wanigin o.

MATÌÙT 12:21

Nen, it apùnì etakwe mene nen at etage ìlìk, At en hano'ninabigin o, ìlùk ugun,” ìlùk isike mene werek atì higit hogoat haga'lasuagalùk hagasike atì.

MATÌÙT 18:5

Nen, sa nen yekerek yì hake an hesik wanhe halok he, an nebeat wo'nabigin o,” ìlùk yogoisasike.

YOHANET 1:11

At okawerek aua wagaika meneat he, at oe agot en ebe wanhì'lek hebisasukwa.

YOHANET 11:52

Mene re, it apùnì Yahuri mene hesik enek isike hùk. Apùnì obogat Ala againapùrì mene hùgì o yì awì tì awì pùgùlogo lagaukwasik welagaikarek mene inom lapuk hogo hisagalùk, Yesùt wa'lasigin mene hesik isike.

YOHANET 2:23

Atì'nogo isukwasik werek kolek, o Yerusalem it apùnì Yahuri mene wam topa wam warogo pesta Paskah niko kolek, at Yesùt atoma inom logolìk ebe hùthoagalùk, elalin mene hagarìk lagaike atì nen he, apùnì apik ineileken hasukwasik inetaùken at oba hìpìrethesukwa.

YOHANET 20:31

Atì'nogo meneat he, helal waganek werek yì obogat he, hit en he, Yesùt atì Ala aput, nit apùnì telninabuagalùk wenagasogo lakhei wagaike a'nogo eberogoat, ìlùk hùthìlìk hinetaùken at oba hìpìrethìlìk, at etage palhenem hineluk logouageip ìlùk, helal waganogo hìgì o.

YOHANET 3:18

Halok, sa nen etaùken an noba hìpìrethiko halok he, Ala nen ùkùm oba hìlìk weagathegein lek meneat he, an nen etaùken an Ala aput omakeat tago mene yì noba hìpìrethìgì'lek atì nenat, weagathegein mene ùkùm arat oba hikomo werek o.

LAKSASIKE 3:16

Ap esok wùt warek welaga mene yì nen he, Yesùt atì eberogoat, ìlùk etage palogo, etaùken at oba hìpìrethike atì ba, ap yì hineileken hegeresipmo re, ebe hinelu mene a'nogoat omame aga yì. Etaùken atì'nogo Yesùt oba hìpìrethike atì ba, hit hineilhanemat motok hanothikomo yì.

ÙRÙM 8:14

Ala nen Areagùn wokhisikerek atì re, apùnì inebe it aike inatitigeke logolìk inoabùt inayùksek hagatarek atì hak, hagathinapì logouagalùk wokhisikerek hùk. We, at Ala okawerek againapùrì hagathinabìk, kùlhinabuagalùk wokhisikerek. Atì nen he, it apùnì Ala Areagùn nen wogisek nikerek mene hùgì, inebe lopok he, inebe Ala againapùrìat werek o. Atì'nogo logolìk ninebe Ala Areagùn oba hìpìrethìlìk logolìk he, mel ìkì lago: “Nopase Ala, nopase Ala,” ìlùk ninane pak hogo ìkì lago atì.

ÙRÙM 8:16

Atì'nogo ìkì lago atì re, at Ala Areagùn nen, “Hinebe Ala againapùrì o,” ìlùk yogonisikenem, nit ninetaùken oba nen ogorek atì.

ÙRÙM 8:19

Pogot kweang yì mene tì mene Ala nen walhasike mene yoma nen he, “Ala againapùrì inebe hùnogoat hagarinapenem sele'ma hogorinabugun atì mera haga'lasigin,” ìlùk, alìk warì'lùgì.

KALATIA 3:26

Hit hinetaùken Karìsùt Yesùt oba hìpìrìk welagep atì nen hinebe obogat he, Ala againapùrì welagep atì.

KALATIA 4:6

Atì'nogo hele hikalogo hinasikomo, ninebe Ala againapùrì welago atì nen he, at aput Areagùn ninetaùkenma hina wagaikomo logolìk, at Ala hesik he, nit en, “Nopase, nopase e,” ìkì logouagalùk ikerek atì.

KOLOSE 2:6

Hit en he, “Karìsùt Yesùt ninoe Etagepogorat o,” ìlùk ebe helasigip atì nen, hinom hutik motok logoino o. Atì'nogo logolìk, hinoabùt he, wene yakùlhisasukwa higit hogoat,

2 PETERÙT 1:4

It apùnì kweangma yoma yì mene tì mene walok en, inetaùken nen nikenem inoabùt weak hagarìk weak akagarek mene atì heraksalùk hese wùlìbi wìrìk he, Ala oabùt wanuagalùk, hano mene wo'nisìlì'logo atì. At en elalinat hagatenem hogorato motok welagaikarek mene a'nogo nen he, “Yì mene tì mene oko ba wanusak mea. Hano motok hùko mene, wokhisegein werek o,” ìlùk abok yogonisasike atì, ebe wo'nisìlì'logo atì.

1 YOHANET 3:1

At Ala nen he, “It yì an nagainapùrì,” ìlùk ta'ninapikomo eberogoat nit ninebe at againapùrì welago. Atì'nogo welagorek atì nen, ninebe at etawì motok welagarek atì hani! Atì'nogo meneat he, it apùnì kweangma mene inoabùt inesok mene amanogo nen Ala ebe inokot atì nen he, nit ninebe inokorat o.

1 YOHANET 3:10

Ala againapùrì mel, Ibilit againapùrì mel, ninetawì wekelogo inoabùt enagat haga'larì'lùgì re, yì. Sa nen oabùt higit hogo hagatì'legat, erùgì agaiya'lak etawìrinapì'legat, hagarì'logo halok, at atì ebe Ala aput lek o.

1 YOHANET 3:2

Nerùgì nagaiya'lak, netawìlak e. Yogotak nit ninebe Ala againapùrì welago meneat he, hobuk ninebe logogun mene weinamethìgì'lek oan hinago werek o. Atì'nogo meneat he, nit ninelu re, Yesùt ebe yogotak werek mene nineileken tùkùm hogo hogoin atì nen, at wesigin atì like ebe waganem, nit ninebe at ebe werek atì hak haga'lasugun o.

1 YOHANET 3:23

At en wene ninasuk wasike atì, ebe re: “Hit hinetaùken an naput Yesùt Karìsùt oba hìpìrethìlìk, at en yogohisike atì hagat, hit-hit netawì-hetawìrogo logoino o,” ìlùk ninasuk wasike atìat o.