YOHANET 1:11 - Ala Ane Wene Ket Mene Warogo Wo'ninapike Wene

¹¹ At okawerek aua wagaika meneat he, at oe agot en ebe wanhì'lek hebisasukwa.

YOHANET 1:11 ပူးပေါင်းရင်းမြစ်များ

MATÌÙT 15:24

Atì'nogo yogosukwama, at Yesùt en he, mel yogoisasike: “Ala nen, It apùnì Isirael mene inebe re, wam topa wam nalagarek atì hak werek atì nen, it enek isa lan ìlùk lakhani wagama o,” ìlùk yogoisasike.

LUKAT 19:14

Laga kolek he, it oe agot amanogo ap atì inapsìrì nen he, wene palhukwasik, At ap atì ninoe kain etagepogot logousak he, ninabìt, ìlùk yogoisa lano, ìlùk, yoko opolik laksasukwa.

YOHANET 1:10

At enat pogot kweang elalhike meneat he, at ebe kweangma wagaikesik were'ma re, it apùnì kweangma mene yoma nen, at ebe hùthìgì'lek welagaukwa.

YOHANET 1:12

Atì'nogo hebisasukwa meneat he, it apùnì aike nen, at ebe wìlìk he, inetaùken at oba hìpìrethesukwama, Ala againapùrì ebe mene asuagalùk eserinapike.

YOHANET 19:27

at agot a'nogo yogotì logolìk he, “Nagot. Hat hagosa arìat o,” ìlùk iko kolek aremnogoat Yesùt agosa a'nogo, at agot a'nogo oua'ma logouagalùk aua wolok lagaike.

YOHANET 3:32

At eileken hasike mene mel, asuk holhike mene mel, pak hogo yogoisiko kolek meneat he, it apùnì obogat en he, at en wene pìlìngìrogo yogoisikerek mene atì, inobaken nene heraksìlì'lùgì o.

LAKSASIKE 13:26

“Halok he, hit apùnì Aberaham en tagokwe mane mel, etakwe mene Ala ane hologo hagatì lagep mene yoma hinom welagep mene mel, nerùgì nagaiya'lak. Wene telninabusak wene atì Ala nen nirat ninoba lakhei wagama yì.

LAKSASIKE 13:46

Atì'nogo isukwa meneat he, it Paùlùt Parenapat aperagat inayù'lek hogoat logolìk he, mel isukwa: “Ala ane atì hit tak yogohisasak obaat yogohisa wago meneat he, hit hinabìt en heraksegesip, hinokawerek en he, Nit nabùlal-habùlal haga'ninabusak he, mea o, ìlùk u hagat ìkì lagep atì nen, nit ninoe Etagepogot en ninayoko hìkì logolìk yogonisasike hagat hagasugun. At en: An nen he, apùnì etakwe mene lìarinapìk, o wùrep oba werek mene telinapìk, igìlùk he, esage kìalek hake, hit hinebe hikìgì o, ìlùk yogonisasike higit hogo, hebek hogoat it apùnì etakwe mene yogoisa logoin o,” ìlùk yogoisasukwa.

LAKSASIKE 21:6

Atì'nogo ìlùk, hai wat-wat ìkì lagagusik, it inapotkwe inaua waga kolek, nit so a'la kisugu.

ÙRÙM 15:8

Wene atì hesik aike yogohisak. At Karìsùt wagaikesik he, it inogat inekalìma mene palek Yahuri mene amanogo inawe a'ma kisike atì. Atì'nogo kisike atì re, Ala nen he: “An nen tì'nogo hagarinabigin o,” ìlùk ninapulak abok yogoisìkì lagaike a'nogo eberogoat ebe agìk,

ÙRÙM 9:1

An nerùgì nagaiya'lak ninùkùl etage omakeat mene weak werek atì nen, na'la weagat welagìk, koloat welagìk, ìkì lagì. Na'la nen he, “Ala nen, an Karìsùt neperak hutik welago mene atì kopologo herakhanìlìk, it inobùlù'mo homan hanilep e, akìkì lagì atì ba, it woginabilep e,” ìlùk Karìsùt neperak hutik logolìk ìgì atì re, eberogoat ìgì. Napeliak ìgì lek o. Ala Areagùnn nen na'la logolìk, “Wene atì re, eberogoat,” ìlùk yogonetìk, nokawerek na'la nen hogo re, “Eberogoat ìgì,” ìlùk akìgìk, ìgìrek.

ÙRÙM 9:5

Nit ninopalak he, it en tagokwe mene. At Karìsùt ebe nit apùnì ta'lagorek hak ta'lagaike atì, it mene nen tasukwa mene re, ebe Ala meneat o. Yì mene tì mene obogat he, a'ma negen meneat he, at enek he, abel pokwe hesaksek atì nen he, at enek hogoratì logogun atì, ebe asuak, ìlùk u hak, “Amin,” ìkì logouok.

KALATIA 4:4

Were'ma re, at Ala nen aput ayoko hìlìk kweangma lakhei wesusak arat higit asi wagaikomo re, lakhei wagaikomo, he kweangma mene nenat tasike. Atì'nogo tasikomo, wene Ala nen ninasuk wasike wene a'nogo awe a'ma logolìk asuk hologo hagatì lagaike.