YAKOBÙT 5:7 - Ala Ane Wene Ket Mene Warogo Wo'ninapike Wene

⁷ Ati nenat, nerùgì nagaiya'lak. Ninoe Etagepogot ebe oan wagì'lek werek kolek he, hina'la pùk agì'lek hinepe morogo serogo logoino o. Apùnì nen yabu wagane'ma sùpùrùk awì yakhìlìk welagaikarek atì hina'la hùtheni! Atì'nogo awì yakhìlìk werek kolek moso o mo lagaiko kolek nìkìk, piko kolek nìkìk, hobugalep niko kolek ina'la pùk agì'legat, “Hobuk sùpùrùk isalo aganem ebe hùko mene takegein,” ìlùk inepe morogo serogo welagaikarek atì hak,

YAKOBÙT 5:7 ပူးပေါင်းရင်းမြစ်များ

KALATIA 6:9

Halok he, ninomame lek agì'legat hano mene hagatì logogun halok he, yì mene tì mene yakhìlìk higit asi laganem, ebe palharek hak, hobuk elùgùn oba ebe hano mene helogoin atì nen he, ninaberalì agì'legat hagatì logouok o.

KOLOSE 1:11

Ninopase Ala omame apik hogoratarek mene a'nogo hinomamethinapenem, hit hinomamerogo motok logouageip ìlùk ayoko hìkì lagìat. Atì'nogo hinomamethinapenem, yì mene tì mene ekin hinoba aga kolek, hina'la pùk agì'lek, hinepe morogo logolìk, hina'la hai hakìgìk,

IBERANI 6:15

Atì'nogo yogosikomo, Aberaham a'la pùk agì'lek serogo welagaike atì ba, wene abok yogosike mene atì, amt ebe agaike atì.

ÙRÙM 2:7

At Ala nen he, it apùnì o'moko nen inebe hogorinaparek mene mel, agaugerinaparek mane mel, hili agarek lek mene mel, ese asuogolùk inepe morogo logolìk inoabùt higit hagatarek mene hùgì, inebe ineluk motok logouagalùk hagarinabigin.

KALATIA 5:5

Mene re, nit en, ninetaùken Karìsùt oba hìpìrethesugusik, “Ala Areagùn nen tì'nogo lebe'nisiko kolek, Ala nen ùkùm ninoba mene korogo wokhìlìk, at ninom hobuk ninapotkwe hùnogo hinegein werek,” ìlùk oba eberek welago atì.

1 TESALONIKA 2:19

Nit en he, “Hano asigin,” ìlùk nina'la hai hakìkì lago atì re, sanìlak hesik nogo. Ninoe Etagepogot Yesùt ebe wìrìk, “Hano hagatep,” ìlùk, at eilhanem enagat hinamo ninalong asigin atì, ero kì ba nen nogo. Ero hùnogo mene hesik hùk. Hit hinebe hesigat ninalong asigin o.

MATÌÙT 24:44

Atì hak he, hit hina'la nen he, At tì sat wesigin, ìlùk, akìgì'lek wonogat werek kolek, an abat ta'lasi wagagi a'nogo re, arat wesigin atì, hinebe tegelek logoino,” ìlùk yogoisasike.

1 TESALONIKA 3:13

Atì'nogo hagathinapì logopik he, ninoe Etagepogot Yesùt okawerek agoromì inom at waganem he, hinebe ninopase Ala okawerek hesik hisìlìk, at eilhanem ùkùm hinoba lek hano tegelek were'ma hisa wesuak en, hinetaùken wurigethinapì logouak o.

MATÌÙT 24:27

Atì re, an abat ta'lasi wagagi a'nogo, wesigin he, o eilabùt o mo lìabi wagarek a'loma nen omake hesik yegelogo, o mo kikerek higit lakhei wagarek atì hak wesigin o,” ìlùk atì'nogo yogoisasikesik he,

ÙRÙM 15:4

Ala ane helal waganek atì ba re, ninepe morogo welagìk, nina'la hano agìk, ogorek atì nen he: “Hano asigin,” ìlùk Ala oba eberek logouagalùk, nirat ninasuk warogo Ala ane ba hageat helal waganogo hesukwa atì.

2 PETERÙT 3:4

“Hinoe Etagepogot en he, An hobuk wesigin, ìlùk wene wathisasike a'nogo ebe kì waga. Wagì'lek werek kolek ninopaselak arat wa'lagaukwa meneat he, yì mene tì mene Ala nen emakum walhasikomo welagaike hagat esok motok werek yì,” ìlùk inane sagan wokhisa wesugun o.

1 TESALONIKA 1:3

Ninopase Ala eilhanem sapan atì'nogo ìkì logolìk he, hit hinetaùken Ala oba hìpìrìk logolìk hinoabùt hagatì lagep mene mel, apùnì aike hinetawìrogo logolìk, hinomamerogo leberisìkì lagep mene mel, hina'la nen, “Ninoe Etagepogot Yesùt Karìsùt en hano haga'ninabigin,” ìlùk, hinepe morogo welagep mene mel, nit en hit hagatì lagep mene atì hesik hinoba lì'mathìgì'lek, eberek motok welago.

1 KORÌTÙT 1:7

Hinetaùken atì'nogo wurigethìlìk, ninoe Etagepogot Yesùt Karìsùt weinam hogo wesigin ìlùk, serogo logolìk he, Ala nen wo'nisikerek mene atì, aike wanhì'lek welagep hùk. We, obogat wanhigisip welagep o.

LUKAT 21:27

Atì sat he, an abat ta'lasi wagagi a'nogo nomamerogo ohena a'la pi waganem, ineileken nììlìk apik hogo'nabugun o.

LUKAT 18:8

Lek o. Hepok-hepok elele woginabigin o, ìlùk eberogoat yogohisìgì. Atì'nogo hagarinabigin meneat he, an abat ta'lasi wagagi a'nogo hobuk wesipik he, apùnì kweangma mene yoma aike inetaùken noba hìpìrìk were'ma isa wesigin a? Lek he a,” ìlùk yogoisasike.

LUKAT 8:15

Nen, kweang hanoma pisike atì ebe re, it apùnì aike hano wene atì inasuk holharesik he, inetaùkenma motok tùkùm hogo helagaresik hebìgì'lek hesogo logolìk, eken apik ìterek atìat o,” ìlùk yogoisasike.

MATÌÙT 16:27

An abat ta'lasi wagagi a'nogo re, hobuk nopase hogorato motok welagaikarek atì hagat haga'la'lùk, it malaikat Ala nen pogot oba nen yoko pelaksa wagarek mene amanogo ninom wìrìk, atì sat he, apùnì obogat inoabùt lopok hagatarek mene higit hogoat oko wogisa wesigin o.

MATÌÙT 16:28

Nen, hit metek welagep yoma mene aike wa'lagì'lek logolìk, an abat ta'lasi wagagi a'nogo kain Netagepogot logoìgìlùk apùnì obogat nawe a'ma hisa waganem hineileken neogoinat o, ìlùk eberogoat yogohisìgì,” ìlùk yogoisasike.

YOHANET 21:22

at en he, “An na'la nen he, ap arì ebe elugat were'ma, an hobuk wesigin akìgì halok he, hat en hagasusak mene hùk. An noba lopok o. Atì'nogo meneat he, hat enek he, an nopolik nìkì logoino o,” ìlùk wene atì'nogo yogosike mene atì,

YOHANET 21:23

it Yesùt agoromì ane wanhì lagaukwa mene nen he, “Yesùt en he, Nagot arì ebe hobuk wa'lasigin motok lek o,” ìlùk ike salek, abok wìagathesukwa. Meneat he, at Yesùt en he, “An nagot arì hobuk wa'lasigin motok lek o,” ìlùk ìgì'lek. We, “An na'la nen, ap arì ebe elugat were'ma an hobuk wesigin akìgì halok he, hat en hagasusak mene hùk. An noba lopok o,” ìlùk wene atì mane hesik isike meneat, ati'nogo isukwa atì.

YAKOBÙT 4:11

Nerùgì nagaiya'lak. Hit-hit hinabok pal-pal ìkì logousak lek. Hinerùgì hinagaiya'lak aike inabok palhìk, ùkùm inoba hìgìk, egep halok he, wene Ala nen ninasuk wasike wene a'nogoat weak ìlùk u hagat ìkì lagep atì. Nen, wene atì weak ìlùk ìkì lagep halok, wene atì hinasuk hologo hagatì lagep hùk. We, hit en he, “Wene atì weak. Ebe hano re, tì'nogo usak mene isikomo,” ìlùk u hak ìkì lagep atì.

YAKOBÙT 5:3

hit mene emas mel, perak mel, nakusi warogo herakhìgìk, ikomo holìk werek atì rì! Hinebe o wùrep oba logolìgat he, yì mene tì mene hinokawerek hesik hologo hakìlìk welagep atì nen, hobuk Ala nen ùkùm hinoba hikenem, nakusi werek atì nenat, “It inoabùt atìgìnìk,” ìlùk, enagat sele'mathikenem yì mene tì mene etu nen nikerek atì hak, hinebe nakusi warek atì nenat weagathinabigin o.

YAKOBÙT 5:10

Nerùgì nagaiya'lak. Holoat it ap Ala ane yogoisìkì lagaukwa mene amanogo nen he, “Ninopase Etagepogot en ike meneat yogohisìkì lago,” ìlùk yogoisikenem, it apùnì aike nen inebe weagarinapo kolegat, ina'la pùk agì'lek inepe morogo welagaukwa mene atì inoabùt wanino o!