YAKOBÙT 5:3 - Ala Ane Wene Ket Mene Warogo Wo'ninapike Wene

³ hit mene emas mel, perak mel, nakusi warogo herakhìgìk, ikomo holìk werek atì rì! Hinebe o wùrep oba logolìgat he, yì mene tì mene hinokawerek hesik hologo hakìlìk welagep atì nen, hobuk Ala nen ùkùm hinoba hikenem, nakusi werek atì nenat, “It inoabùt atìgìnìk,” ìlùk, enagat sele'mathikenem yì mene tì mene etu nen nikerek atì hak, hinebe nakusi warek atì nenat weagathinabigin o.

YAKOBÙT 5:3 ပူးပေါင်းရင်းမြစ်များ

ÙRÙM 2:5

Inane hologo hinoabùt hebelùhùk yì rì! O elùgùn oba Ala a'mage lagalìk he, apùnì inebe lopok inoabùt hagatarek higit hogoat, weinamat ùkùm inoba hìgìk, kotìk, igin atì like, hit ùkùm hinoba houagalùk hinokawerek en ùkùm hinoba hakiko motok welagep yì rì!

ABÌKAKAN 21:8

Atì'nogo meneat he, it apùnì aike inayùk hoporek mene mel, Ala ane wanharesik en heraksagarek mene mel, Ala a'meilo mene hagatarek mene mel, apùnì inoare mene mel, pailak haksìgìk haksoagalùk hagatìk, egarek mene mel, wesagùn akolek inoatarek mene mel, tùgì hareken oba hìpìrìk logolìk, hogoratarek meme mel, inapeliak egarek mene obogat mel, i laut etu mene yekelek were'ma, hetalì al hake obasi weak mene etage belerang inom-inom amulok nike motok welagare'ma atoma laksegein o. Laksegein atì re, inebe alep elama hesik wa'larìk oba nen hobuk wa'lasugun atìat o,” ìlùk yogonete.

2 PETERÙT 3:3

Wene ebe yì tak hùthasak. O wùrep oba re, apùnì aike inane sagan weak mene inetaùken nen nikenem ina'la nen kagalogo weak hagatì logolìk, hinoba wìrìk, inane sagan wokhisìkì logolìk he,

2 TIMOTÌÙT 2:17

Wene ebe wene le'maat yakùlisìlì'lùgì mene atì, apùnì inoumo aik palinapenem, ibima arìk, ebema arìk, hùko agarek hak, it atì inane atì'nogoat ìlì'lùgì atì ba it aike hùkoat weagarinabì'lùgì atì. Ap Himeneùt Piletùt eperak atì'nogo hagatì logolìk,

ABÌKAKAN 17:16

Nen, aik ùkùloa'ma 10 nen wùlìk a'nogo ho, yeke lo yeke hake ebe a'nogo ho, inom en, he yanani nikerek mene atì, ebe inabìrethìlìk he, yì mene tì mene at mene helìgìk, ebe alulukwa heraksìgìk, ìlìk, ebe warogo heta nìkì logolìk, ato etu lolisogoin o.

LAKSASIKE 2:17

At en he, mel isike: At Ala nen ìkì logolìk he, O wùrep oba an Nareagùn atì, hùkorogoat apùnì obogat inoba pelakhei wesigin o. Pelakhei waganem he, hinagainapùrì elege yekerùgì mel, hìmì hìlìmìkìrùgì mel, it en an nane apùnì yogoisìgìk, hinagoromì elege nen inabìkakan hìgìk, hinopaselak yamanùgwì nen inabì hìgìk, ìkì logogun o.