YAKOBÙT 5:19 - Ala Ane Wene Ket Mene Warogo Wo'ninapike Wene

¹⁹ Nerùgì nagaiya'lak. Hinerùgì hinagaiya'lak aike ebe wene heraksalùk kwanìrogo nong asi laga halok, hit aike nen hobuk apotkwe Ala oba wolok wesugun atì hesik,

YAKOBÙT 5:19 ပူးပေါင်းရင်းမြစ်များ

KALATIA 6:1

Nerùgì nagaiya'lak. At aike weak hagatenem hineileken hegep halok he, at atì apotkwe oabùt hebelasuagalùk, hit Ala Areagùn eberogoat hina'la werek mene nen hinane lìok hogo asuk wa'no o. Asuk atì'nogo watenem, hit atì'nogoat hinoba asinogo ìlùk, hinokawerek hinepe hebelogo logoino.

MATÌÙT 18:15

At Yesùt en atì'nogo yogoisasikesik he, aike mel yogoisasike: “Hat aike herei hagaiyak aike nen weak hagathape halok he, hat at oba lìlìk heperak hinaligat logolìk he, Atì'nogo hagasusak lek o, ìlùk pak hogoat asuk wa'no. Atì'nogo watenem, asuk holhe halok he, sagalogo heperak hano asusak.

YAKOBÙT 5:20

wene yì hina'la hùthasak. Sa nen weak hagatì logolìk, okawerek en kwanìrogo nong asi laganem, at aike nen apotkwe Ala oba wolok waga halok he, ebe wa'lasusak higit meneat telhìk, weak hùkoat hagate mene atì sagalogo legetsìgìk, ìgìn o ìlùk, werek atì hina'la hùthìkì logoino o.

LUKAT 22:32

hat hetaùken noba hìpìrethìlìk welagen mene atì maben asinogo ìlùk he, hat hesik an Ala ayoko arat hìgìma. Hepe hebelagen halok he, hagaiya'lak yoma hat en inetaùken ago watsìkì logoino,” ìlùk yogosike.

2 PETERÙT 3:17

Nerùgì nagaiya'lak. Hinebe netawì e. Wene atì oan haga'lagì'lek werek kolek he, hinelùrogo logouageip ìlùk sekek hogo yogohisìgì atì. Hinelu logolìk, hinokawerek hinetaùken wurik hogoat logoino. It apùnì aike inasuk ware'lek hagatarek mene atì nen, wene kolo wene yogohisìkì logolìk, hit en he, “Eberogoat”, ìlùk akìlìk hinetaùken wurik welagep mene atì kopologo hebikenem hinebe nongasinogo ìlùk, hinoabùt hebelogo logoino o.

YURAT 1:11

It atì Ala nen weagarinabigin o! Alep at Kain hagasike atì hak opolik lìlì'lùgì atì. At Pileam kolo hagasike atì hak, inokawerek en uang sabùrogo helùogolùk, atì'nogoat hagarì'lùgì. At Kora nen Ala hesik “Anat hagatì logogin,” ìlùk it aike pelaksagalùk hagasike atì hak hagarì'lùgì atì ba, inebe nong akìlì'lùgì atì.

YAKOBÙT 3:14

Mene re, hina'la kolo arìk ua palhìk, hinokawerek hesik enek ebetìk, ìkì logolìk he, hinokawerek en, “An hano,” ìlùk hogorakìkì logogùp o. Atì'nogo hagasugun halok, Ala ane ebe wene atì mene sagalogo hinapeliak en ugun atì usak lek o.

2 TIMOTÌÙT 2:18

ebe wene heraksalùk kwanìrogo wùlìbìk, it en he, “Ala nen apùnì warek mene inelugurinabigin ìlùk abok isike a'nogo arat haga'lagama yì,” ìlùk, it aike yogoisikenem, inetaùken Ala oba hìpìrìk werek mene weagarinabì'lùgì atì.

IBERANI 5:2

Atì'nogo menhisikenem, it inomame lek mea meneat nogo nen he, it apùnì aike atì'nogoat wene inokot logolìk nong-hong hogo hagatarek atì, hùthìlìk he, inebe inetawìrinabìk it hesik inoba heanerogo elok hagatarek atì.

YAKOBÙT 1:16

Nerùgì nagaiya'lak. Hinebe netawì e. Hinokawerek en hinebe lalanogo ìlùk yogohisìgì atì.

YAKOBÙT 1:19

Nerùgì nagaiya'lak. Hinebe netawì e. Wene yì hina'la eberek logoino o. Hinebe lopok wene hinasuk hepok holìk he, hinane ba nen erogat ìgìk, hina'mage lagai waganem hinetaùken sebelogo logopik en erogat ìgìk, ìkì logoino o.