YAKOBÙT 5:13 - Ala Ane Wene Ket Mene Warogo Wo'ninapike Wene

¹³ Hit aike hina'la kolo welagep halok he, sapan ìkì logoino o. Nen, hit aike hina'la hai hakìkì lagep halok he, wùnì Ala awùnì watì logoino o.

YAKOBÙT 5:13 ပူးပေါင်းရင်းမြစ်များ

EPESÙT 5:19

Hit-hit weneane ìkì logolìk, Ala hesik etawì watìk, wùnì watìk, silang ìgìk, egarek mene atì wanìk ìkì logoino. Hinetaùken oba nen etawì watìk, wùnì watìk, ìkì logolìk, ninoe Etagepogot ebe hogoratì logoino.

IBERANI 5:7

At Yesùt ebe kweangma yoma were'ma apùnì nen wasinogo ìlùk, Ala nen elok telusak atì nen he, le aga logolìk, ane hùkorogo Ala etage palogo ayoko hìkì logolìk, opase ane ayùk hogo hologo welagaike atì nen, ane asuk holhike.

ABÌKAKAN 14:3

Atì'nogo inane apik ìkì logolìk, Ala ebe kain welagarek obùlùk oba werek kolek, it at en elalinapike mene aike inebe 4 en amanogo mel, ap inalùgetek amanogo mel, ineilhanem etawì ket mene helalogo it apùnì hetakwe yakùlhì'lek inokot, we, it apùnì inebe 144.000 kweangma nen arat telinape mene amanogo nek inelumo watì lagaika inane holhì.

LUKAT 22:44

Etaùken ago wasike mene re, a'la motok weak logolìk hobuk sapan ekin hogo ikenem, likak mep hake mene tegethìgìk kweangma titung-tatung pisike.]

MATÌÙT 26:30

Wene atì'nogo yogoisasikesik he, wùnì Ala awùnì aike wa'lùk wùlùpukwasik he, Saitun ùkùl oba lagasukwa.

ABÌKAKAN 7:10

“Ninopase Ala kain obùlùk oba welagatek mene, u a e, Topa Eak heperak, u a e, Telninapùkwe ero hirat welagasep, u a e,” ìlùk etawì watì lagaika isìgì.

1 KORÌTÙT 14:26

Halok he, nerùgì nagaiya'lak. Nìkì'nogo hagatì logousak. Yì'nogo hagatì logousak o. Hit hinebe atogothìlìk he, at aike nen Ala awfmi isa igik, at aike nen wene sekek hogo yakùlhisìgìk, at aike nen Ala amùn elema wene yogohisìgìk, at aike nen wene inane hinokot mene ba elalinat ikenem, at aike nen hit hinane ba higit hogo yogohisìgìk, ìkì logolìk he, Ala againapùrì inetaùken ago warogo yì wene tì wene atì obogat elok atì'nogo ìkì logousak o.

LUKAT 23:42

hobuk, at Yesùt mel yogosike: “Noe e! Hat kain hetagepogot logoigìlùk waga logolìk, an noba ebe'no o,” ìlùk yogosikomo,

1 KORÌTÙT 14:15

Halok he, an nìkì'nogo hagasik. Yì'nogo hagasigin. Sapan atì re, Ala Areagùn nen yogoneto kolek inane nokot mene ba elalinat ìgìk, ninokawerek ninane ba netaùken hùthìlìk en ìgìk, igin o. Nen, wùni atì re, Ala Areagùn nen yogoneto kolek inane nokot mene ba elalinat watìk, ninokawerek ninane ba netaùken hùthìlìk en watìk, iginat o.

YAKOBÙT 5:10

Nerùgì nagaiya'lak. Holoat it ap Ala ane yogoisìkì lagaukwa mene amanogo nen he, “Ninopase Etagepogot en ike meneat yogohisìkì lago,” ìlùk yogoisikenem, it apùnì aike nen inebe weagarinapo kolegat, ina'la pùk agì'lek inepe morogo welagaukwa mene atì inoabùt wanino o!