YAKOBÙT 4:7 - Ala Ane Wene Ket Mene Warogo Wo'ninapike Wene

⁷ Ati nen he, Ala awe a'ma hinetaùken seberogo kìlìk ane hologo logolìk, Ibilit ane atì sagalogo heraksìkì logoino. Heraksamo re, at en herakhikalùk hese wùlìbiginat o.

YAKOBÙT 4:7 ပူးပေါင်းရင်းမြစ်များ

1 PETERÙT 5:6

Atì'nogoat, Ala nen hobuk hinetagewerek menhikoagalùk, yogotak ya hinokawerek en hogorakìgì'lek, at eki omame werek mene awe a'ma kìlìk hinetaùken seberogo hagatì logoino o.

IBERANI 12:9

Nen, nit ninopaselak ninebe ta'ninapukwa mene nen ninasuk watenem, inane hologo agauk hogo hagarinaporek atì hak, nineluk logouagalùk ninopase nen nina'la ket ta'ninabì'logo mene ane hologo agauk hogo hagasusak lek nogo? At ane hologo hagasusagat o.

ÙRÙM 10:3

It be, Ala nen ùkùm inoba mene korogo wokhìlìk hobuk inapotkwe inom hùnogo hisoagalùk, at awe a'ma kìlìk logolìk hagasusak mene inokot en hagatì'lek welagaukwa. We, inokawerek ina'la nen akalùk inomamerogo hagatì lagaukwa atì.

MATÌÙT 11:29

An nasukwe kalek su a'le sakore'ma re, hano kalogo wokhikamo seweagat hogoin atì nen he, hinomolo ba wìlìk, an noabùt enago logolìk inawe a'ma negen welagìrek a'nogo tùkùm hogo yakùlìk nìkì logoino o. Atì'nogo nìkì logogun halok, hinetaùken hapuk igin o,” ìlùk yogoisasike.

EPESÙT 5:21

Ala atì'nogo hai watì logolìk he, Karìsùt agaugeratì logolìk, hit-hit aike nen aike awe a'ma logolìk inane hologo hagatì logoino.

1 PETERÙT 2:13

At Ala nen he, hit mel hagatì logouagalùk a'la akasike. Apùnì inetaùken lek mene nen wene inokot logolìk ìlì'lùgì atì, inekalì arìk inane lek asuagalùk, hit hinoabùt hano hagatì logouagalùk akasike atì nen he, ninoe Etagepogot hesik, apùnì nen pemerintah mene kain logouagalùk menhisasukwa mene atì, inebe obogat inawe a'ma kìlìk inane hologo hagatì logoino o. Atì'nogo hagatì logolìk, Kaisat etagepogot pemerintah mene kain esin hake atì mel, at en it gubernurlak apùnì weak hagatenem ùkùm inoba hìgìk, hano hagatenem hogorinapìk, hagatì logouagalùk inayoko hìlìk laksa wagarek mene atì mel, inane hologo hagatì logoino o.

ÙRÙM 14:11

Ala nen he, mel yogoisasike: “An hinopase Netagepogot neluk motok welagìrek mene nen nane eberogoat yogohisak. Apùnì inebe lopok he, an nawe a'ma ki wìrìk, it en he, Ala harat o, ìlùk inape ba lopok pak hogo yogonesugun o,” ìlùk yogoisasikomo helal waganogo hesukwa.

LAKSASIKE 26:19

Atì'nogo yogosikesik, aike mel yogosike: “Atì nen, Agarìpa noe. Ala nen Yesùt nelokoma melasuagalùk lakhei wagaike mene atì, ane hologo hagatì logoigìlùk nomamerogo hagato motok welagì.

LAKSASIKE 9:6

Hebe mela'lùk he, o kota arì lìlìk kìno. Kikenem ap aike nen, Hat tì'nogo haga'no, ìlùk yogohesigin mene werek o,” ìlùk yogotenem,

EPESÙT 6:13

Halok he, weak mene nen weagathinabi waganem weim hineil haroweak metegat logopik, arat yabìk metek logouogolùk, sìng ìtarek hak Ala nen yì mene tì mene wo'nisikerek atì mene ì'no.