YAKOBÙT 4:6 - Ala Ane Wene Ket Mene Warogo Wo'ninapike Wene

⁶ Atì'nogo meneat he, Ala nen ninebe etawìrogo logolìk, hùkorogo lebe'nisikerek atì. Atì'nogo hagaterek atì nen mel isukwa: “Apùnì inokawerek en hogorakikenem Ala nen inoasigìlùk abìt isikerek. Mene re, inokawerek inetaùken seberogo logogun halok etawìrinaperek o,” ìlùk helal waganogo hesukwa.

YAKOBÙT 4:6 ပူးပေါင်းရင်းမြစ်များ

MATÌÙT 23:12

Ap sa nen okawerek en, An kain, ìlùk melasigin halok he, Ala nen ebe sebek hogo inawe a'ma hegein o. Nen, at sa okawerek en it aike inawe a'ma negen logogin halok he, Ala nen ebe hesak hogo hegein o,” ìlùk yogoisasike.

1 PETERÙT 5:5

Nen, atì hagat he, hit ap elege nagoromì. It aike nen Ala ane ba mel isukwa: “Apùnì inokawerek en hogorakikenem, Ala nen inoasigìlùk abìt isikerek o. Meneat he, inokawerek inetaùken seberogo logogun halok, etawìrinaperek o,” ìlùk helal waganogo hesukwama werek atì nen, hit en inalùgetek inawe a'ma kìlìk inane hologo hagatì logoino o. Atì'nogo hagatì logolìk he, hit obogat he, hinokawerek en hogorakìgì'lek inawe a'ma logolìk, hit aike nen it aike inatitigeke welagìk, it en hit hinatitigeke welagìk, ìkì logolìk lebet-lebet ìkì logoino o.

LUKAT 18:14

It sapan atì'nogo isukwa atì hesik, an wene aike yogohisak. Ap sa nen etaùken hesagathakìlìk hogorakiko halok he, Ala nen sebelhikerek o. Nen, ap sa nen etaùken sebelhakìlìk, An mea, akike halok he, Ala nen hesagathikerek atì nen he, at ap sapan alep ike mene atì, Ala nen wene oba mene sagalogo legetsìgì'lek kamo isike. Meneat he, at ap sapan hobuk isike mene atì nek he, Ala nen wene oba mene sagalogo legetsasikomo aua lagaike, ìlùk yogohisìgì,” ìlùk yogoisasike.

LUKAT 1:52

Apùnì kaintek inetage pogot welagaikarek mene atì sebelogo hisìkì logolìk he, it inetage lek mene atì menhisìgìk,

MATÌÙT 13:12

Sa nen agarok werek mene atì, Ala nen hobuk oba louk hogo wogosumo re, at ekimo apik asigin o. Nen, sa nen agarok lek halok he, hamùlùgat enek logogin mene atì, Ala nen apotkwe telogo helamo re, elageik asigin o.

YAKOBÙT 4:10

Ninoe Etagepogot awe a'ma kìlìk hinetaùken seberogo logogun halok he, at en hesagathikegeinat o.