YAKOBÙT 4:12 - Ala Ane Wene Ket Mene Warogo Wo'ninapike Wene

¹² Mene re, Ala aligat en ùkùm ninoba hìgìk, kotìk, ikerek o. Ma re, at enat hano'ninapìk, weaga'ninapìk, usak elok meneat he, hit aike nen hinerùgì hinagaiya'lak mene ùkùm inoba hìkì lagep atì nenahalok. Hit en atì'nogo hagasusak mene hagatì lagep a? Mea o.

YAKOBÙT 4:12 ပူးပေါင်းရင်းမြစ်များ

ÙRÙM 14:4

Ap aike inatitigeke meneat he, hit en he, ùkùm inoba housak nogo? “At yì weak hagate. Hù'la'nìk,” nen, “At atì hano hagate, metek logonìk,” ìlùk it inoe kain atì nenat usak o. Mene re, metek logouagalùk he, ninoe Etagepogot en yogoisasak elok mene nenat yogoisamo metek logogun o.

ÙRÙM 2:1

Atì halok he, hit nerùgì nagaiya'lak yì. Ùkùm it aike nek inoba hìkì logolìk he, hit hinokawerek hinoba nokolasak mea o. Atì'nogo ùkùm it aike inoba hìkì logolìgat he, hit en it hinom higirat hagatì lagep yoma rì! Hinokawerek en ùkùm hinoba motok hakìkì lagep o.

MATÌÙT 10:28

Apùnì nen hinareagùn hinoasusak mea. We, hinagasabeke nek hinoasugun atì nen he, hinayùk hago logogùp o. Meneat he, at Ala nek he, hinareagùn mel, hinagasabeke mel, elok motok warogo etu ai'mo lakhikasagat werek atì nen, at Ala at hinayùk hogo logoino.

YAKOBÙT 5:9

Nerùgì nagaiya'lak. Atì'nogo serogo logolìk he, Ala nen ùkùm hinoba heinogo ìlùk, hit-hit ìkì logolìk, “Nagaiyak ari oabùt hagarì'logo nabìt e,” ìlùk inabok palhì'lek logoino o. At Ala nenat ùkùm apùnì inoba hìgìk, kotìk, igin atì, kwe ape ba horok asi waga atì lakhani!

IBERANI 7:25

Atì'nogo eluk motok logolìk, nit apùnì hesik Ala kìno yogoto motok welagarek atì nen he, nit Ala were'ma kuogolùk at oba ha'larìk kikenem elok telninabìk katok hogo hano haga'ninabigin atì.

ÙRÙM 14:13

Atì nen he, nit-nit aike nen, aike ùkùm oba hìgìk, aike nen, aike ùkùm oba hìgìk, ìkì logousak lek o. Nit en he, ninerùgì ninagaiya'lak ninom ninetaùken Ala oba hìpìrethìkì lago mene, weagarinapìk, ina'la kolotsìgìk, inogo ìlùk, hinoabùt hanorogo hagatì logoino o.

ÙRÙM 9:20

Eige! Nagot yì. At Ala ane ikenem, hat hane oak lagalusak nogo? Mea o. Apùnì nen isoak temùl mene hagatenem he, kweang temùl atì nen he, at hagatewerek atì yogotì logolìk he: “Hat en an yì'nogo nahalok haga'napen,” ìlùk yogosusak nogo? Mea o.

LUKAT 12:5

Meneat he, hit sa hinayùk hogo logousak nogo. An nen yogohisak. At Ala nen hinebe hinoarìk he, hobuk etu ai'mo elok lakhikasak werek atìat hinayùk hogo logoino, ìlùk yogohisìkì lagì atì.