YAKOBÙT 3:2 - Ala Ane Wene Ket Mene Warogo Wo'ninapike Wene

² Nit apùnì obogat hano hagatì lago salek yì hesik, tì hesik, weagat hagatorek atì. Meneat he, sa nen ane ba nen wene weak mene aike ìgì'lek loporogo nek ikerek halok he, eki esok ebe obogat lopothìkì logolìk etaùken katok hogo wurigat werek o.

YAKOBÙT 3:2 ပူးပေါင်းရင်းမြစ်များ

MATÌÙT 12:34

Hit hinebe walo nen tagokwe mene yoma sanì! Apùnì nen yì wene tì wene inapema nen egarek atì re, ina'la peserek logolìk kagalogo lagai waganem egarek atì nen he, hit he, hinoabùt weagat logolìk wene hano mene ìkì logousak nogo? Mea o.

MATÌÙT 12:37

Hit hinokawerek hinane egesep mene higit hogoat Ala nen ùkùm hinoba hìgìk, kotìk, iginat o,” ìlùk yogoisasike.

ÙRÙM 3:10

Ala nan atì'nogoat isikomo, helal waganogo hìkì logolìk, mel isukwa: “Apùnì inoabùt higit hagatarek mane aike lek o. Omakeat halok aike legat o.

ÙRÙM 7:21

An noabùt hagatìrek ìgì atì re, mel hìkì lagì. Hano hagasigilùk ikenem he, weak hagasusak enek haga'naperek o.

1 KORÌTÙT 9:27

It apùnì aike hano asuagalùk hano wene yogoisìlìk nìkì lagì meneat he, nokawerek herakhanumo nong asinogo ìlùk, nokawerek en nebe wara hak, netaùken ning hogo sebelìgìk, apùnì inawe a'ma logolìk inane hologo welagaikarek hak, an nebe nane awe a'ma logoigìlùk nasuk warìgìk, ìkì lagì o.

KALATIA 3:22

Ala ane ba helal waganogo hìkì logolìk he, “Apùnì hinebe obogat weak hagatì lagep mene atì ba, hineki hele homago hake welagep,” ìlùk, yogonisasike atì, nit ninetaùken Yesùt Karìsùt oba hìpìrethoumo, Ala nen abok isike mene a'nogo re, nit ninetaùken at oba hìpìrethogoin mene hùgì wo'nisagalùk isike atì.

KOLOSE 1:28

Ati nen, nit en he, wene Karìsùt abok atì hukalogo apùnì obogat inebe lopok yogoisìlìk laga lago. Atì'nogo yogoisìkì lago atì ba, inebe lopok Karìsùt inom hutik logolìk, inetaùken wurik ari'mo, Ala oba wogisek wesuogolùk, nina'la kagalek motok logolìk, inasuk watìk, wene yakùlisìgìk, ìlìk laga lago atì.

KOLOSE 4:12

At Epaperat, Karìsùt Yesùt atitigeke, ebe hit meneat a'nogo nen, hai wathinapeat o. At en he, hit hina'la nen, “Ala ane atì eberogoat,” ìlùk huthìlìk he, hinetaùken wurik arìk hinebe metegat logolìk he, yì mene tì mene Ala a'la akikerek hak hagato logouageip ìlùk sapan hit hesik ning hogo iko motogat welagarek.

IBERANI 13:21

Hit Ala a'la walok akikerek mene nek hano hagasuageip en he, yì mene tì mene hano mene obogat wokhisoak. Atì'nogo wokhisikenem, nit ninom obogat en Ala a'la hanorogo hagatì logouagalùk, ninoabùt at en wo'nisegein atì, ebe re, Yesùt Karìsùt en wo'nisoak o. At Karìsùt atìat hogorato motok logouok o. Ebe asuak u hak, “Amin,” ìgì atì.

YAKOBÙT 1:26

Nen, sa nen, “An Ala awe a'ma logolìk higit hogo hagatì lagì,” ìlùk, akìkì logolìgat he, ane elùgùn ware'lek yùgùn-yagan ikerek halok, okawerek en lalìkì logolìk, Ala a'la hanorogo hagatì lagì salek, we tùlemat hagarì'logo o.

YAKOBÙT 1:4

Hinetaùken akut negen aike welagì'lek obogat elok hogo wurik asuagalùk he, hina'la pùk agì'lek hinetaùken hapuk hogo logoino o.

YAKOBÙT 2:10

Hit aike wene Ala nen ninasuk wasike wene a'nogo obogat hesogo logolìgat he, omakeat aike sagalogo hebisegep halok, “Wene atì obogat sagalogo hebisega o,” ìlùk, eberogoat, ùkùm hinoba agama werek o.

1 PETERÙT 3:10

Wene atì hesik mel isukwa: “Apùnì inoabùt ninopase Etagepogot a'la walok akikerek mene higit hogo hagarì'lùgì mene hùgì, at eileken inoba logolìk, sapan ayoko hikenem inane asuk holherek o. Meneat he, it weak hagarì'lùgì mene hùgì, elokoken age warisikerek o, atì nen, sa nen, An neluk aike inom logoile, ninhùp-nanhùbat hano mene nek haga'laganem hìkì logoile, ìlùk logou walok halok he, ameli ba weak wene ìgì'lek welagìk, ape ba nen apeliak apùnì aike lalinapì'lek welagìk, weak mene apotma heraksalùk hano mene nek hagatìk, oabùt apùnì aike inom lapuk hogo hano welagaikarek atì mene esinethìlìk omamerogo hagarìk lagìk, ìkì logousak o,” ìlùk Ala ane ba helal waganogo hesukwa.

1 PETERÙT 5:10

Were'ma, at Ala ebe hogorato motok logogun atì hak, hit Karìsùt hinom hutik were'ma hinomat hogothinapo logouagalùk hinayoko hesikomo, yogotak ya hamùlùgat enek hinoba yì aik tì aik hìkì logopik, hobuk, at oabùt hano motok a'nogo nen, katok hogo hagathinapìk, hinetaùken wurigethìgìk, hinomamethinapìk, hapuguthinapìk, igin o.