YAKOBÙT 3:17 - Ala Ane Wene Ket Mene Warogo Wo'ninapike Wene

¹⁷ Atì'nogo meneat he, apùnì Ala nen ina'la kagalhenem, inoabùt esin hagatarek he, weak aike hagatì'lek ineil lopok hogo welagaikarek atì. Atì'nogo logolìk, apùnì aike inom lìok hogo welagìk, inoabùt enago welagìk, inane hologo hagatìk, e eken hano mene ìterek atì hak, hanorogo hagatìk, apùnì inetawìrogo motok welagìk, apùnì aike inelokoma hisìgìk, aike inapotma hisìgìk, ìgì'legat, inetaùken pìre welagì'legat, hanorogo hagatarek atì.

YAKOBÙT 3:17 ပူးပေါင်းရင်းမြစ်များ

YAKOBÙT 3:15

Atì'nogo hagatarek atì re, Ala nen ina'la kagalhenem hagatarek hùk. We, ero at Ibilit enat ina'la kagalhenem apùnì kweangma mene inoabùt inesogat logolìk walok akagarek mene hagatarek o.

ÙRÙM 12:9

Hit hinetaùken oba nenat apùnì aike hinetawìrogo logoino o. Weak mene hinapsìrì motok logolìk he, hano mene hineki ning hogo hesogo logoino o.

YAKOBÙT 1:17

Ninopase Ala pogot oba mene a'nogo nenat yì mene tì mene lorek mene wo'nisìgìk, hano motok mene wo'nisìgìk, pela'nisa wagarek atì. At enat pogot obakwe lìa welagarek mene atì elalhikesik he, at ebe hùnogoat haga'lagìk, abel etenogo mùm agìk, lìa agìk, ikerek lek.

YAKOBÙT 1:5

Mene re, at Ala oabùt hano nen apùnì obogat etawì logolìk wenagisìgì'lek wogisikerek atì nen, hit aike hina'la kagale'lek halok, at kìno yogosumo hina'la kagaliginat o.

1 YOHANET 3:18

Halok he, nagainapùrì e. Nit en apùnì aike ninetawìrinapì'lek logolìgat he, ninane ba nek he, “Ninetawìrinapì logouok o,” ìlùk ìkì logousak mea o. At he, inebe ninetawìrinabìk, nineki ba nen eberogoat leberisìkì logouok o.

1 PETERÙT 1:22

Ebe wene atì hinasuk holhì logolìk, hina'la nen weak mene horogo laksìlìk, hinerùgì hinagaiya'lak Ala againapùrì mene aike eberogoat hinetawìrogo hagatì lagep atì, hinom hutik motok logolìk netawì-hetawìrogo hagatì logoino.

MATÌÙT 5:8

Nen, apùnì inetaùken omakeat tegelek welagaikarek mene atì, hobuk Ala ebe ineileken hogoin atì nen he, ina'la hai hakìkì logousak o.

1 YOHANET 3:3

Nit nina'la nen, “Atì'nogo haga'lasugun,” ìlùk, oba eberek welagorek mene ninebe lopok on, at okawerek ebe tegelek welagarek atì hak, nit atì'nogoat tegelìkì logousak o.

LUKAT 6:36

Halok he, ninopase etawìrinaperek hak, hit en apùnì hinetawìrinapì logoino o,” ìlùk yogoisasike.

IBERANI 12:14

Hit hinebe tegelogo Ala mene hisìgì'lek logogun halok he, at ebe hineileken hogoin motok lek atì nen he, apùnì obogat hinom hano lapuk hogo logolìk, hinebe at hesik hisìlìk weak hagatì'lek hano tegelek motok logouogolùk hinomamerogo hagatì logoino o.

2 TIMOTÌÙT 2:24

At sa nen ninoe Etagepogot hesik hagatì logolìk, atì'nogo hagasusak lek. We, apùnì obogat oabùt lìok hogo inom logousak o. Epe morogo logolìk, apùnì wene hanorogo yakùlisìkì logousak.

1 PETERÙT 2:1

Atì nen, hit weak hagatì lagep mene atì motok heraksìlìk logoino o. Apùnì aike lalinapìk, hinetaùken pìre hagatìk, ua palhìk, hinapeliak en apùnì aike inabok weak palhìk, ìkì lagep atì, heraksìkì logoino o.

YAKOBÙT 2:4

hit hinoabùt motok weak hagatì logolìk he, hit-hit, “At atì esin. Nen, at atì mea,” ìlùk penerogo hisìkì lagep atì.

IBERANI 12:11

Ninasuk wato kolek atemat nina'la hano agarek lek. We, nina'la weak agarek meneat he, hobuk ninasuk watarek atì ba, ninasuk warek welagorek mene hùgì, yì mene tì mene eken ìterek atì hak, ninoabùt hano lìoksek logolìk higit hogo nek hagatì logogun atì.

KOLOSE 1:10

Atì'nogo hinelu arìk he, ninoe Etagepogot a'la hanorogo, at walok akikerek mene higit hogo hagatì logousagat. Yì mene tì mene awì yatenem ero hùko arik eken ìterek hak, hit Ala oabùt hinelu aga logolìk, yì mene tì mene hano mene hagatì logousak atì.

ÙRÙM 15:14

Nerùgì nagaiya'lak. Hit hinoabùt hano motok logolìk, yì wene tì wene hinelu motogatma, hit-hit hinasuk wat-wat usak elok welagep atì, an nelu o.

1 KORÌTÙT 12:8

At Ala Areagùn nen, at aike wene kagauk hogo ìkì logouagalùk wogoterek. Nen, at Areagùn ati nenat, at aike yì wene tì wene elu motok logouagalùk wogoteregat.

YAKOBÙT 4:8

Hit Ala oba lopok hogo lagep halok he, at hogo re, hinoba lopok hogo wesiginat o. Hit weak hagatì lagep mene atì, hineki bakwe horogo hebisìkì logoino o. Hinetaùken pìre agorek atì, hina'la weak mene horogo laksìkì logoino o.

1 TIMOTÌÙT 5:21

Wene yogohetì mene atì, hat en he, apùnì aike helokoma hisìgìk, aike hapotma hisìgìk, ìgì'lek higit hogo yogoisìkì logoino, ìlùk Ala mel, Karìsùt Yesùt mel, ineilhanemat, malaikat Ala nen wenaginapikesik yoko pelaksa wagarek mene mel, ineilhanemat yogohetì atì.

MATÌÙT 23:28

Atì hak he, apùnì nen hit hinogat etakwe yì yethisikenem hano akìlì'lùgì meneat he, hinetaùken pìre logolìk, hina'la re, yì weak tì weak hagatesep atì mene motok peserek welagep atì nen Ala weagathinabigin o!

1 TESALONIKA 2:7

Atì'nogo meneat he, inagosalak en ineagwì alelogo woginabìk hagisek welagaikarek hak, nit hit ninom logolìk alelogo hakhisek logolìk hagatì lagagu atì.

PILIPI 4:8

Nerùgì nagaiya'lak. Wene elùgùn oba yì aike yogohisak, Hina'la ebetì logolìk he, hanorogo hagatìk, hogorinabusak mene hagatìk, ìlì'lùgì mene oba ebetì logoino. Atì ebe re, wene eberogoat mene oba ebetìk, hogorasusak mene oba ebetìk, higit hogo hagatarek mene oba ebetìk, inoabùt lopoksek logolìk hagatarek mene oba ebetìk, inoabùt heanerogo hagatarek mene oba ebetìk, inoba lìok usak mene oba ebetìk, ebeto motok logoino.

PILIPI 1:11

Yì mene tì mene awì yatenem ero hùko arìk eken ìterek hak, at Yesùt Karisùt en hagathinapì logogin oba, hinoabùt higit hogo hagato motok aike inomat hagatì logogun halok, at ebe waganem he, apùnì aike nen Ala hai watìk, hogoratìk, ugun o.

LAKSASIKE 9:36

O Yope atoma, he aike etage Paik ìlùk, apùnì Yunani mene inane ba etage Torekat u hak, it inane ba Tabita ìlùk ìkì lagaukwa mene welagaike. At he atì, ninoe Etagepogot Yesùt ane wanhikesik, yì mene tì mene hano hagatì logolìk, apùnì inekim lek inelageik mene leberisiko motok welagaike.

YOHANET 1:47

Atì'nogo yogosikomo, at Nataniel Yesùt oba wesigìlùk waganem, at Yesùt eileken lakhìlìk, at abok mel yogoisasike: “Ap arì ebe Isirael ebe mene. Ane pìre ikerek motok lek mene arì lakhani!” ìlùk yogoisasikomo,

YOHANET 1:14

Ebe Wene a'nogo abat agaikesik ninomat welagagu. Ninomat logolìk he, at ebe atì Ala aput omakeat tago nogo nen he, hogoratarek mene nineileken hasugu o. At oabùt hano nen, hanorogo haga'ninapik, wene ebe wene yogonisìgìk, iko motok were'ma nineileken hasugu.

TITUT 3:2

It Ala againapùrì atì nen he, apùnì aike inabok weak palhì'legat, inane pak weak wenagisìgì'legat, it aike nen inoabùt enagat hùtsoagalùk apùnì obogat hesik inoabùt enago lìok hogoat hagatì logouagalùk inasuk watì logoinoat.

TITUT 1:15

Ala nen apùnì aike ina'la hanorinape mene hùgì, it hesik, yì mene tì mene wesa lek. Hano nek o. Atì'nogo meneat he, it aike inetaùken Ala oba hìpìrethìgì'lek logolìk, ina'la akìlì'lùgì mene mel, eberì'lùgì mene mel, weagat werek atì nen, it hesik yì mene tì mene hano lek. Weak enek o.

ÙRÙM 12:18

Apùnì obogat hinom hano lapuk hogo logouogolùk, hit hinoabùt hano hagasusak mene higit hogoat hagatì logoino o.

EPESÙT 5:9

E ero hano mene nen eken hano meneat ìterek hak, apùnì o lìa ba logolìk yì mene tì mene hanorogo higit hogo inetaùken oba nen eberogoat hagatarek atì.

2 KORÌTÙT 10:1

An Paùlùt Karìsùt oabùt enago hano a'nogo oabùt waganogo, nokawerek en wene aike hinasuk wasik. It aike nen he, “At ebe horok hogo ninom logolìk he, oabùt lìok hogo wene yogonisikerek. Meneat he, ebe walegat logolìk he, oabùt ayù'lek ning hogo yogonisikerek,” ìlùk egarek mene a'nogo hobuk hinoba wìrìk noabùt nayù'lek logolìk nane ning hogo yogohisanogo ìlùk, hùthoageip ìlùk nane lìok hogo yogohisìgì. It atì nen he: “Paùlùt lak atì re, apùnì inoabùt inesogat logolìk inoabùt waganogo hagarì'lùgì,” ìlùk ninabok weak palì'lùgì mene atì, noabùt nayù'lek nane ning hogo wenagisa wesigin ìlùk wenesùgì ebetì lagì.

2 KORÌTÙT 9:10

At Ala nen it awì yatarek mane awì wogisìgìk, sùpùrùk ebe noagalùk wogisìgìk, ikerek atì. Atì'nogoat, at enat, awì yasuagalùk palisagarek hak, hinoabùt it aike leberisìkì logousak atì mene wokhisìgìk, nen awì yatenem eken hukorogo isu hak, it aike hinetawì nen leberisikenem hùkothigìk, igin o.

MATÌÙT 5:9

Nen, apùnì inom weagat were'ma, it aike nen lapuk hogo hisagarek mene an, at Ala nen he, Yì an nagainapùrì o, ìlùk yogoisegein atì nen he, ina'la hai hakìkì logousak o.

2 KORÌTÙT 6:6

Atì'nogo hìkì logolìgat he, ninoabùt weak hagatì'lek tegelek logolìk, hano wene ninelu welagìk, ninepe morogo welagìk, ninoabùt enago welagìk, ìkì lago. At Ala Areagùn nina'la logolìk apùnì inebe eberogoat ninetawìrogo welago.

2 KORÌTÙT 7:11

At Ala a'la walok akikerek oba hina'la weagarìk he, “Napik on weak hagatìma,” ìlùk hinoabùt hebelarìk he, hano mene keirogo hagatìk, ùkùm hinoba lek higit hogo hagatìk, hina'mage lagagìk, hinayùk agìk, “Paùlùt ninom apì a'lo e,” ìlùk noba ebetìk, hina'la agaken hogo hagatìk, at weak hagasike werek atì ekilùgùn oba wulaksìgìk, egep atì hani! Atì'nogo hagatì logolìk hit weak aike hagatì'lek ùkùm hinoba mene korogo motok laksegep o.

YAKOBÙT 2:13

Hit en he, apùnì hinetawìrinapì'lek halok he, Ala nen he, etawìthinapì'lek, ùkùm hinoba hegeinat o. Mene re, apùnì aike inetawìrogo welagaikarek mene atì Ala nen inanema wanhì logolìk ùkùm inoba hegein lek o.

1 PETERÙT 2:18

Hit aike, hinogogì inatitigeke welagep mene atì, it inawe a'ma logolìk, inoabùt hano lìoksek mene hecik enek hinayùk hogo inane hologo hagatì logousak hùk. At he, inoabùt kolo mene inomat hinaytùk hogo inane hologo hagatì logoino.