YAKOBÙT 3:16 - Ala Ane Wene Ket Mene Warogo Wo'ninapike Wene

¹⁶ Ina'la kolo arìk ua palhìk, inokawerek hesik enek oba ebetìk, ikenem he, inane hùkoat sagalhìk, yì weak tì weak hagatìk, egarek atì.

YAKOBÙT 3:16 ပူးပေါင်းရင်းမြစ်များ

YAKOBÙT 3:14

Mene re, hina'la kolo arìk ua palhìk, hinokawerek hesik enek ebetìk, ìkì logolìk he, hinokawerek en, “An hano,” ìlùk hogorakìkì logogùp o. Atì'nogo hagasugun halok, Ala ane ebe wene atì mene sagalogo hinapeliak en ugun atì usak lek o.

1 KORÌTÙT 3:3

Hit-hirat ua palhìk, wene palhìk, ìkì lagep halok he, hinoabùt he, apùnì inoabùrat welagep o. Apùnì inoabùt inesogat logolìk hagatarek hak hagatì lagep atì nen yogohisìgì o.

1 YOHANET 3:12

Nit en he, at Kain ebe Ibilit oabùt weak mene atì aput agaikesik okawerek agot mene wasike atì hak hagasusak lek o. At en agot wasike atì, nenahalok wasike nogo. At hagatì lagaike mene kolo motok, nen, agot hagatì lagaike mene higit motok, atì nenat wasike o.

KALATIA 5:20

tùgì hareken oba hìpìrìk logolìk hagatìk, apùnì aike inebe weak asuagalùk wesarogo hagatìk, apùnì aike inom weim palek hagatìk, serep agìk, ua palhìk, ina'mage hakoksek welagìk, inokawerek hesik enek esin hogo hagarìgìk, apùnì inebe omakeat mene inom hùlì-hùlì hagatìk, hek-hek hagatìk,

LAKSASIKE 19:29

Atì'nogo ìkì logolìk, inane sagalhenem, apùnì o kota Epesùt atoma mene humusegat atogosi waga logolìk he, ap o propinsi Maketonia mene inebe pìre, Paùlùt inom nìkì lagaukwa mene, inetage Kayùt ho, Arisitarekùt ho, inebe haksìlìk heleka hùko wagane'ma wogisek kisukwa.

ÙRÙM 2:8

Atì'nogo meneat he, it apùnì o'moko nen inokawerek hesik enek hagatì logolìk, ebe wene ikenem inasuk hologo hagatì'lek heraksìlìk, weak wene nek inasuk hologo hagatarek mene atì, Ala a'mage heperìlìk ùkùm hùkorogo inoba hegein o.

2 KORÌTÙT 12:20

An hobuk hinoba wesigin atì wìrìk he, an nen, “It inoabùt hano were'ma legein,” ìlùk akìkì lagì hak, lek. We, weak were'ma hisa wagìk, nen, hit en he, “At Paùlùt oabùt hano,” ìlùk egesep hak, lek. We, weak logolìk hisa wagìk, inogo ìlùk, nalabut hìrì'logo. Hit-hit hinom weak welagìk, ua palhìk, hina'mage lagagìk, hinokawerek hesik enek hagatìk, inabok weak weinam palhìk, hinagasogo palhìk, hinokawerek en hogorakìgìk, yùgùneke-yaganeke hagatìk, ikenem an wesusak atì, nayùk.

MAREKÙT 3:25

Nen, ap aike againapùrì inom hùlìthakìlìk inom weak logogun halok he, ap omakeat againapùrì inom logolìk hano welagaukwa hak logogun lek. Weak asugunat o.